Paşinyan “erməni soyqırımını” alətə çevirən Netanyahuya ağır sözlər dedi - “son qoyulsun”...

Tarix: 27.08.2026 / 20:43
Bölmə: Siyasət

Məhərrəm Zülfüqarlı: Sözügedən məsələdə Paşinyan hakimiyyətinin İsrailin addımına tənqidi yanaşmasını təqdir etməliyik”

Ermənistan Baş naziri Nikol Paşinyan ölkə parlamentində çıxışı zamanı beynəlxalq gücləri və İsrail hökumətini sərt şəkildə tənqid edib. Paşinyan qondarma "erməni soyqırımı" mövzusunun beynəlxalq siyasətdə geosiyasi alətə və silaha çevrilməsinə qarşı çıxıb.

O, qeyd edib ki, beynəlxalq oyunçular ermənilərin faciəsindən öz siyasi maraqları üçün istifadə edirlər: “Biz qərara gəldik ki, erməni soyqırımının beynəlxalq səviyyədə tanınması xarici siyasət gündəliyimizdə yer almamalıdır. Beynəlxalq oyunçular ölənlərimizin qalıqları, sümükləri ilə bir-birlərinin başına vururlar. Lakin ağrıyan bizim başımızdır. Beynəlxalq oyunçular ölənlərimizin sümüklərini silaha çevirir, onlarla bir-birlərinə atəş açırlar. Biz erməni soyqırımının silaha çevrilməsi prosesinə son qoymalıyıq”.

Sözügedən məsələni baki-xeber.com-a şərh edən tarix elmləri doktoru, professor Məhərrəm Zülfüqarlının fikrincə, bu məsələ çox aktualdır: “Məsələ ondadır ki, uzun müddətdir qərb ölkələri, Türkiyəyə düşmən olan digər ölkələr qondarma “erməni soyqırımı”ndan siyasi məqsədlər üçün istifadə edirlər. Qərb ölkələrinə Türkiyə nəyisə vermək istəməyəndə və ondan nəyisə almaq istəyəndə qondarma “erməni soyqırımı”nı ortaya atırlar və təzyiq vasitəsi kimi istifadə edirlər. Bu, etiraf edilməsə də artıq qəbul olunmuş məsələdir. ABŞ-İsrail İrana qarşı müharibəyə başladıqdan və Qəzza məsələsində tamamilə ədalətsiz mövqe tutandan sonra Ərdoğan hökuməti buna ciddi reaksiya verdi. Nəticədə Netanyaho hökumətinin iç üzünü açdı. Bütün bunlar ona sərf etmədiyi üçün də İsrail parlamentində qondarma “erməni soyqırımı” məsələsi müzakirəyə çıxarıldı. Bunu nəinki Türkiyə, hətta İsrail daxilində də bir sıra sağlam qüvvələr tənqidlə qarşıladılar. Açıq bəyan etdilər ki, bu, qeyri-ciddi bir addımdır. Paşinyanın belə İsrailin bu addımına tənqidi prizmadan yanaşması təsadüfü deyil. Çünki Paşinyan artıq erməni xalqından Qərbin və Rusiyanın sui-istifadəsini bütün açıqlığı ilə ortaya qoyub. O cümlədən, Netanyaho hökumətinin də bu məsələdə qeyri-ciddi addımını tənqid edərək bildirib ki, bu məsələdə öz mənafeyi üçün sui-istifadə etmək kiməsə baş ucalığı gətirmir. Bu, erməni tərəfinin ilk dəfə idi ki, açıqlaması idi. Bütün bunlar artıq onu göstərir ki, Ermənistanın indiki hakimiyyəti başqa iqtidarlardan fərqli olaraq düzgün mövqe tutur. Azərbaycan tarixində də buna oxşar məsələlər var. Məsələn, 1918-ci ildə Azərbaycanın bir sıra bölgələrində soyqırım törədiblər. Xilaskar Qafqaz İslam Ordusu Azərbaycan Ordusu ilə birlikdə Bakını azad edib. Həmin vaxt ermənilərdən mart qisası alınıb. Belə ki, Bakı azad ediləndə qaçmağa imkan tapmayan erməni quldurların bir hissəsini intiqam hissi ilə yaşayan əhali qətlə yetirib. Bununla mart soyqırımının intiqamını alıblar. O zaman Fətəli xan Xoyskidə 3 gündən əmr verib bunu dayandırdı və dedi ki, bunun qarşısını ala bilməzdik. Çünki xalq mart hadisələrinə görə intiqam hissi ilə alışıb yanırdı. Məhz bunu ermənilər hər yerdə şişirdə-şişirdə Azərbaycan əleyhinə istifadə edirlər, bu barədə yazırlar ki, guya azərbaycanlılar ermənilərə qarşı “soyqırım” həyata keçirib. Mart soyqırımı yaddan çıxarmaq üçün bu üç günü Azərbaycan əleyhinə təbliğatda istifadə edirlər. Bir sözlə, bəzi ölkələr qondarma “erməni soyqırımı”ndan Türkiyəyə qarşı istifadə edir. Hesab edirəm ki, sözügedən məsələdə Paşinyan hakimiyyətinin İsrailin addımına tənqidi yanaşmasını təqdir etməliyik. İmkan vermək olmaz ki, bundan bəzi dövlətlər Türkiyəyə qarşı bir alət kimi istifadə etsinlər”.

Vidadi ORDAHALLI

DİGƏR XƏBƏRLƏR

Tarix: 06.11.2026 / 14:35

Prezident və Birinci xanım Zəngilan Şəhər Təhsil Kompleksinin açılışında iştirak ediblər

Tarix: 06.11.2026 / 14:20

Zəngilanın Cahangirbəyli kəndinin birinci mərhələsinin açılışı oldu

Tarix: 06.11.2026 / 14:06

İran ABŞ-ın Almaniya və İtaliyadakı bazalarını vuracaq - səbəb yenə Trampdan gəlir...

Tarix: 06.11.2026 / 13:54

“Artıq Ermənistanla heç bir təhlükəsizlik münasibətimiz yoxdur” - Peskov

Tarix: 06.11.2026 / 13:10

Zəfər Günü münasibətilə Prezident İlham Əliyevə təbrik məktubları gəlməkdə davam edir

Tarix: 06.11.2026 / 12:54

Cəbrayılın Soltanlı kəndinin birinci mərhələsinin açılışı oldu - FOTO

Tarix: 06.11.2026 / 12:43

Prezident və Birinci xanım Cəbrayılda alkoqolsuz içki istehsalı müəssisəsinin açılışında iştirak ediblər - FOTO

Tarix: 06.11.2026 / 12:25

Ermənistan Türkiyənin 6 vilayətinə iddialarından əl çəkməyə hazırlaşır...

Tarix: 06.11.2026 / 12:05

Fələstin dəstəyə görə Azərbaycana təşəkkür etdi...

Tarix: 06.11.2026 / 11:10

KTMT gələn həftə Ermənistana qarşı qərar qəbul etməyə hazırlaşır – Rusiyadan açıqlama gəldi...

Tarix: 06.11.2026 / 06:57

Rza Pəhləvi Avropanı iran rejimini tam məhv etməyə çağırdı - “Yaralı heyvanı sağ qoymaq olarmı?”

Tarix: 06.11.2026 / 06:52

Fransa “dağılır” - etirazlar yenidən ölkəni bürüdü

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...