İsrail Yaxın və Orta Şərqdə on illər boyu çalışdığı daha bir hədəfinə çatmaq üzrədir - müsəlman dövlətlərini bir-biri ilə vuruşdurmaq... 1948 və 1967-ci illər müharibəsində Misir, Suriya, İordaniya və digərlərinin İsrailə qarşı vahid cəbhədə çıxış etməsi İsrail liderlərini çox narahat etdi və islam ölkələrinin birliyini pozmaq bir strateji hədəf kimi önə çıxarıldı. Az sonra buna nail olundu. Fələstinin dövlətçilik haqqını açıq müdafiə edən tək-tək müsəlman ölkələri qaldı. Hərəni bir cür neytrallaşdırdılar... Bu sözlər "Bakı Xəbər" media qrupunun rəhbəri, politoloq Aydın Quliyevin sosial media hesabındakı statusundandır. A.Quliyev daha sonra yazır:
- Daha sonra isə - 1999- cu ildə ilk dəfə baş nazirliyə gələndən sonra Netanyahu yeni hədəf qoydu - İslam ölkələrini bir-biri ilə müharibə meydanına salmaq.. 30 il bu yöndə çalışdı... Amerika prezidentlərinin heç birini bu yolda öz şərikinə çevirə bilmədi. Tramp onun gözlədiyi və istədiyi prezident oldu...
Budur nəticə, artıq Səudiyyə Ərəbistanı və Birləşmiş Əmirliklər İranla müharibə qərarı vermək üzrədirlər...
Heyf...Azərbaycanın və şəxsən prezident İlham Əliyevin ümummüsəlman həmrəyliyi və islam dünyası ilə Qərbin sivilizasiyalararası yaxınlaşması yönümündə göstərdiyi qiymətli səylər belə maneələrə rast gəldi...
Proseslər fonunda Şərqdəki müharibəyə qoşulanlar yox, qoşulmayanlar yeni dünyanın ən uzaqgörən ölkələri sayılacaq...
SAMİRƏ
