ABŞ prezidenti Donald Tramp dünən İranla danışıqların başladığını və davam etdiyini bildirib. Tramp "İranın ən hörmətli şəxsi" ilə görüşdüyünü bildirib.
Maraqlıdır, Trampa “İranın ən hörmətli şəxsi" deyərkən kimi nəzərdə tutur?
"Politico" qəzeti Tramp administrasiyasının İranda kimi "potensial lider" kimi gördüyünü araşdırıb.
Ağ Ev rəsmilərinə istinadən bildirilir ki, Tramp administrasiyası İranda mümkün hökumət dəyişikliyində və ya diplomatik danışıqlarda İran Parlamentinin spikeri Məhəmməd Bağır Qalibafın əsas rol oynaya biləcəyinə inanır.
Vaşinqtonun Kalibafı "danışıqlar aparıla bilən fiqur" və " liderliyə potensial namizəd" kimi gördüyünü iddia edən rəsmilər, onun adının "isti seçim" olduğunu, lakin tələsik qərar verilməməsi gərəkdiyini bildiriblər.
Rəsmilər Trampın Xark adasına hücum etmək istəmədiyini, "yeni liderin Venesuela nümunəsinə bənzər bir neft müqaviləsi bağlayacağına ümid etdiyini" irəli sürürlər.
ABŞ-ın Venesuelada Madurodan sonra prezident vəzifəsini icra edən Delsi Rodrigez kimi bir şəxsi vəzifəyə gətirmək istədiyini bildirən rəsmilər, bununla da ABŞ-ın razılaşmanı təminat altına ala biləcəyini qeyd ediblər.
Tahir TAĞIYEV
