ABŞ-ın İranın ən böyük neft terminalı olan Xarq adasına qoşun çıxarmağa hazırlaşdığı iddia edilir. ABŞ prezidenti Tramp Xarq adasına ilk hücumdan sonra Hörmüz boğazının açılmaması halda, əlavə tədbirlər görüləcəyi ilə hədələmişdi. Lakin İran bu təhdidə boyun əymədi və Hörmüz boğazından keçməyə çalışan gəmiləri və neft tankerlərini hədəf almaqda davam etdi.
İranın bu mövqeyi, Xark adasına hücumu yenidən gündəmə gətirib. ABŞ-dan gələn siqnallar da adada quru əməliyyatına başlaya biləcəyinə işarə edir.
"New York Times" qəzetinin məlumatına görə, ABŞ Hark adasını nəzarətə götürməyə hazırlaşır. Vaşinqton administrasiyasının Hörmüz boğazını açmaq üçün Xark adasında əməliyyat keçirəcəyi bildirilir.
Hərbi ekspertlər bildirir ki, Xark adasında quru əməliyyatı yalnız bölgədəki raket və pilotsuz təyyarə hücumları təhlükəsi zərərsizləşdirildikdən sonra məntiqli olardı. Bununla yanaşı onlar xəbərdarlıq edirlər ki, Hörmüz boğazını açmaq məqsədi daşıyan Xark adasında quru əməliyyatı əks nəticə verə bilər.
Üstəlik İranın Hörmüz boğazına mina döşədiyinə dair də iddialar var. Tramp bunun "İran üçün bir növ intihar" olacağını deyir. Tramp Hörmüz boğazının tamamilə bağlanmasının İranın öz ixracatına son qoyacağını desə də, ekspertlər itirəcək bir şeyi qalmayan bir rejimin hər hansı bir riskə gedə biləcəyini qeyd edirlər. Vurğulanır ki, boğazı bağlı saxlamaq Tehran rejimi üçün Xark adasındakı neft obyektlərindən daha vacibdir. Bütün bunlara görə, adaya hücumun İranı Hörmüz boğazını açmağa məcbur edəcəyinə şübhə ilə yanaşılır.
Məlumata görə, Japoniyada “USS Tripoli” hərbi gəmisi və onu müşayiət edən 5 min ABŞ dəniz piyadası komandosu adada mümkün əməliyyat üçün yola çıxıb.
Hark adasını hədəf alan əməliyyat qlobal iqtisadiyyat üçün də ciddi risk yaradır. Ekspertlər İranın xam neft ixracatının 90%-nin keçdiyi adaya qarşı əməliyyatın müharibə səbəbindən onsuz da yüksək olan neft qiymətlərini daha da artıracağını proqnozlaşdırırlar.
Tahir TAĞIYEV
