“2018-ci ildən bəri inhisarçılığın öhdəsindən gəlmək üçün səylə çalışmışıq”. Bunu baş nazir Nikol Paşinyan bunu Təhlükəsizlik Forumunda bildirib.
O qeyd edib: "Məsələ inhisarları dəf etməməyimizdə deyil. Bazarlar de-yure hər kəs üçün açıq idi. O dövrdə bəli, benzin idxal olunurdu, bazar genişlənirdi, amma biz hələ də bu inhisarların problemlərini həll edə bilmirdik, bir ucu Ermənistanda, digər ucu isə onun sərhədlərindən kənarda idi. İndi isə, gözümüzün qarşısında, benzin və dizel yanacağı bazarlarında mövcud olan, özü də uzun müddətdir mövcud olan inhisarlar kart evi kimi çökür. Təbii ki, bütün bu şirkətlər indi son cəhdlərini edir və böyük məbləğdə pul yatırır, vətənpərvərlik şüarları altında inhisar mövqelərini qorumaq üçün əks-kampaniya aparırlar.
Bu arada, Ermənistan istehlakçıları on illərdir bütün bunlara görə trilyonlarla dram ödəsələr də, bu gün heç kim izahat və ya cavab vermək istəmir, baxmayaraq ki, mən əminəm ki, Ermənistanda qanunsuz yaradılmış və fəaliyyət göstərən əmlakın müsadirə edilməsi mexanizmləri işləyəcək və bütün bu suallara cavab veriləcək”. Xatırladaq ki, baş nazir Azərbaycandan benzin tədarükünə istinad edərək bunun yerli inhisarlarla mübarizdə mühüm əhəmiyyət kəsb etdiyini bəyan edir. Daha əvvəl də Paşinyan bildirib ki, Azərbaycandan Ermənistana benzin idxalı ölkə bazarında yanacağın 15 % ucuzlaşmasına səbəb olub: "2025-ci ilin dekabr ayının ortalarından etibarən Ermənistana Azərbaycan istehsalı olan benzin idxal olunmağa başlayıb. Azərbaycandan əsasən "Premium" markalı benzin idxal olunur. Ermənistan bazarında bu növ benzin 15 % ucuzlaşıb (bir litr üçün 510 dram əvəzinə 430 dram)". Baş nazir qeyd edib ki, iki gün əvvəl Azərbaycandan Ermənistana dizel yanacağı idxal olunub: "Dizel yanacağı 2 % ucuzlaşıb. "Regular" markalı benzinin qiyməti də dekabrla müqayisədə təxminən 8 % azalıb (11 dekabr tarixinə bu benzin növünün bir litri 500 dram idisə, indi 460 dramdır). Bu, sülh gündəliyinin nəticələri və faydalarıdır".
Ramil QULİYEV
