Şakir Ağayev: "Onun kimilərinin Azərbaycana qarşı apardığı bu şərləmə kampaniyası, informasiya təxribatı heç zaman baş tutmayacaq"
Erməni emissarı, teleaparıcı, jurnalist Vladimir Solovyovun antiazərbaycan mövqeyi uzun illərdən bəridir ki, məlumdur. Rusiyadakı erməni lobbisinin bəsləməsi, avtafa daşıyanı rolunu ifa etməkdən usanmayan Solovyovun Moskvada "Crocus City Hall" konsert zalında törədilmiş və xeyli günahsız insanın ölümünə səbəb olmuş terror aktında Azərbaycan "izini" axtarması gülünc görsənir.
Məlum terror aktında haqsız olaraq Azərbaycan "izini" axtaran teleaparıcının hansı yuvanın quşu olduğu məlumdur. Onun və onun kimilərinin illərdir Azərbaycana qarşı sərgilədikləri qərəzli münasibətdən hər kəsin xəbəri var. Erməni yalına hürməyi özünə adət edən Solovyov çoxdandır ki, onların əlində oyuncağa çevrilib. Bu o Solovyovdur ki, Ermənistanın keçmiş prezidenti, Xocalı qatili Serjik Sarkisyan onun sinəsinə "Qaregin Njde" medalı taxıb. "SS", neonasist Solovyova bu medalın "Ermənistan Respublikasının dövləti və milli maraqlarının müdafiə edilməsinə görə" təqdim olunduğu bildirilirdi.
Bu məxluq həm ermənipərəstdir, həm də faşist. Sinəsində faşist medalı gəzdirən bu muzdlu jurnalistin Azərbaycana qarşı növbəti təxribatı qətiyyən təsadüfi xarakter daşımır. Bu məxluqun erməni əsilli – rusiyalı jurnalist Marqarita Simonyanla və media maqnatı Aram Qabrielyanovla "işbirliyi" də çoxdan təsdiqlənib, onların işi birgə dezinformasiya yaymaq, ictimai rəyi tərsinə çöndərməkdir.
Təbii ki, bunu da havayı etmir, müqabilində külli miqdarda vəsait əldə edir. Gəliri olmasa, erməniləri müdafiə etmək, Azərbaycanı qaralamaq, ölkəmizə şər atmaq onun nəyinə lazımdır ki...
Rusiayada da, Azərbaycanda da, başqa respublikalarda da Solovyovun hansı "məzhəbə" qulluq etdiyi məlumdur.
Moskvadakı terakta görə Azərbaycanı əsassız olaraq ittiham etməsi onun əsl simasını bir daha açıb göstərir ki, bu məxluq pula görə hər cür simasızlığa əl ata bilir, təki pul olsun, onun kimiləri pula görə atasına belə söyər. Çünki belələrinin heç zaman özlərinin müstəqil fikri olmur, onlar bəlli dairələrin dili ilə danışır, onların sifarişlərini icra edir...
V.Solovyov açıq şəkildə Azərbaycana qarşı informasiya təxribatı aparır, Moskavada törədilən terror aktına görə Bakını hədəfə alır. Solovyov və erməni Simonyanın media prinsipləri ilə bir araya sığmayan fəaliyyətləri, Azərbaycana qarşı şərləmə kampaniyası aparmaları nə deməkdir?
"Hesab edirəm ki, Solovyov etdiyi qərəzli, antiazərbaycan çıxışlarına, bu əsassız ittihama görə də vaxtı yetişəndə Azərbaycandan üzr istəyəcək"
"Novoye Vremya" qəzetinin baş redaktoru Şakir Ağayev "Bakı-Xəbər"ə şərhində təəssüflə bildirdi ki, Solovyovun antiazərbaycan baxışları bu gün də davam edir. "Rusiyada törədilən və böyük faciə olan terror aktına görə Solovyovun Azərbaycanın adını hallandırması onun antiazərbaycan baxışlarının davamıdır. Təəssüf ki, o, Azərbaycana qarşı qərəzli münasibətini hələ də davam etdirir. Solovyov Vətən müharibəsi dövründə də eyni qərəzli mövqeni tutdu, ölkəmizə qarşı informasiya təxribatı həyata keçirdi. O, həmin dövrdə də bir sıra qərəzli çıxışlar etdi. Azərbaycanın Rusiyadakı səfirliyinin təkidi ilə hətta bu təxribatçı çıxışlarına görə o iki dəfə üzr istəyib. Solovyov müəyyən qrupların maraqlarına xidmət edir. Söhbət Simonyan, Qabrielyanov kimilərinin təmsil olunduğu qruplardan gedir. Bu gün inkişaf edən Rusiya-Azərbaycan əlaqələrini o qrupları dərindən narahat edir. Bu adamların məqsədi Rusiya və Azərbaycan arasında olan münasibətləri kəskinləşdirmək, ona xələl gətirməkdir. Heç bir jurnalist etikasına sığmayan, heç bir fakta əsaslanmayan qarayaxma kampaniyasından istifadə etməklə bu münasibətləri korlamaq istəyirlər. Rusiyada Azərbaycanın əleyhinə olan Solovyov kimilərini idarə edən müəyyən qüvvələrin, təbii ki, əsas məqsədləri budur"-deyə Ş.Ağayev qeyd etdi.
Ş.Ağayev hesab edir ki, Solovyov, Simonyan kimilərinin apardığı şər kampaniyası heç zaman özünü doğrultmaz: "Onun kimilərinin Azərbaycana qarşı apardığı bu şərləmə kampaniyası, informasiya təxribatı heç zaman baş tutmayacaq. Çünki Rusiya prezidenti də, Rusiyanın güc nazirlikləri də, Təhlükəsizlik Şurasının katibi də, Təhlükəsizlik Xidmətinin rəhbəri də terror aktının kim tərəfindən necə törədildiyinə müəyyən mənada aydınlıq gətirdilər ki, burada kimlərin iştirakı var və bu terror aktı kimlərin marağında olub. Bu gün Ermənistanın antirusiya siyasəti, Ermənistan-Rusiya münasibətlərinin kəskinləşməsi təbii ki, Solovyovları, Simonyanları, Qabrielyanovları narahat edir. Azərbaycan-Rusiya münasibətləri isə yüksələn xətlə inkişaf edir. Sözsüz ki, bundan da Azərbaycanı sevməyən insanlar rahatsız olur. Bu qüvvələr Azərbaycana qarşı qarayaxmalarla əslində çörək qazandıqları, işlədikləri Rusiyaya xəyanət etmiş olurlar. Onların bu cür əsassız ittihamları ilk növbədə Rusiya dövlətinin maraqlarına xidmət etmir. Bunlar anlamırlar ki, terror aktından dərhal sonra Rusiyaya birinci başsağlığı verən dövlətlərdən biri Azərbaycan və Türkiyə olub. Həm XİN-lər, həm də dövlət başçıları səviyyəsində başsağlığı verilib. Bu da onları narahat edir. Solovyov kimilərinin bu qərəzli çıxışları nə Rusiyanın, nə də Azərbaycanın siyasətinə təsir göstərə bilər. Hesab edirəm ki, Solovyov etdiyi qərəzli, antiazərbaycan çıxışlarına, bu əsassız ittihama görə də vaxtı yetişəndə Azərbaycandan üzr istəyəcək".
Ş.Ağayev əlavə etdi ki, Azərbaycanda tarixən terror təşkilatları olmayıb, terror təşkilatlarının məkanı Ermənistan, onu təşkil edən və həyata keçirən həmişə ermənilər olub. Ş.Ağayevin sözlərinə görə, Rusiyanın terror üzrə araşdırma aparan mütəxəssisləri də ilk əvvəl bu terror aktında erməni izinin istisna edilmədiyini qeyd ediblər. "Solovyov yaxşı olardı ki, erməni terrorunun tarixinə baxsın. Azərbaycan özü uzun illərdir ki, erməni teroruna məruz qalıb. Biz bilirik ki, bir millətə qarşı töprədilən terror nədir, bunu özümüz yaşamışıq. Çünki həmişə terrora məruz qalmışıq. Hesab etmirəm ki, Solovyov bunları bilmir, yaxşı bilir. Sadəcə, məqsədi Rusiya-Azərbaycan münasibətlərinə zərbə vurmaqdır" - deyə Ş.Ağayev qeyd etdi.
İradə SARIYEVA
