Tural İsmayılov: "Bir işdə korrupsiya və pozuntu varsa, deməli, burada sözsüz ki, korporativ maraqlar öndə tutulur"
Məlum olduğu kimi, Tramp administrasiyasının qərarı ilə USAID-in Vaşinqtonda yerləşən baş qərargahı bağlanıb. Tramp administrasiyası USAID-i yenidən qurmaq fikrindədir.
Təşkilatın fəaliyyəti ilə bağlı geniş spektrli biabırçı qanunsuzluqlar üzə çıxıb. Belə ki, ABŞ Dövlət Departamentinin Mətbuat xidməti tərəfindən yayılan yazılı bəyanatda USAID proqramlarının əhəmiyyətli hissəsinin ABŞ-ın əsas maraqlarına cavab vermədiyi qeyd olunub.
Məsələn, USAID-ın fəaliyyətində Qvatemalada cinsin dəyişdirilməsi və LGBT fəallarına 2 milyon dollar, Misirdə turizmin maliyyələşdirilməsi üçün 6 milyon dollar, İraqda yeni "Sezam küçəsi" şousu üçün 20 milyon dollar, Qazaxıstanda dezinformasiya ilə mübarizə üçün 4.5 milyon dollar kimi xərclər var.
USAID-in digər mübahisəli xərcləri arasında Qvatemala, Ermənistan, Uqanda, Cənubi Afrika və Balkan ölkələrində LGBT fəallığına dəstək, "müxtəliflik və inklüzivlik" üzrə müxtəlif təşəbbüslərin maliyyələşdirilməsi, Şri-Lankada gender jurnalistikasının təşviqi kimi bəndlər də yer alır.
USAID-in LGBT-yə dəstək verməsi ABŞ-nin hansı dövlət maraqlarına uyğun ola bilər, yoxsa bu sadəcə USAID rəhbərliyinin korporativ maraqlarına xidmət edib?
Baki-xeber.com saytının sualını cavablandıran politoloq Tural İsmayılov bildirdi ki, USAID kimi təşkilatlar dünyada qarışıqlıq salmağa və new-imperializmin maraqlarına xidmət edir: "Müasir dünya imperializminin maraqları isə şeytanin maraqlarından daha ilgincdir.
Donald Tramp administrasiyasınin bu gün USAID-ə qarşı başlatdığı mübarizə çox ilginc faktlar ortaya çıxarır. Bu, dünyanın çoxdan gözlədiyi bir məsələ idi. Çünki USAID dünyanın yeganə super-gücünü və "demokratiyanin besiyi" olan ABŞ-ni təmsil etsə də, dünyanın bütün regionlarında onun fəaliyyəti korrupsiya və digər pozuntularla müsahidə edilirdi. Bir işdə korrupsiya və pozuntu varsa, deməli, burada sözsüz ki, korporativ maraqlar öndə tutulur.
USAID LGBT adı altında xalqların milli düşüncə və təfəkkürlərinin işğal edilməsinə xidmət edən layihələri maliyyələşdirirdi. Belə layihələr xalq və digər toplumların öz mədəni köklərindən qoparılaraq zombiləşdirilməsinə çalışırdı. Bu proses USAID-də Samanta Pauerin dövründə pik həddə çatdı. Bu gün biz USAID fəaliyyətinin gizli konturlarının ABŞ administrasiyası tərəfindən ifşa edilməsinin şahidi oluruq. Hazırda dünyanın ən qanlı terror təşkilatlarının sığınacaqlarında USAID-in posterlərinin tapılması, eyni zamanda Amerikanın kəşfiyyat xidməti tərəfindən bu təşkilatın çirkli fəaliyyətləri barədə hesabatların açıqlanmasını, dünyanin fərqli regiyonlarında fəaliyyət göstərən, milli identikliyə malik təşkilatların mövqelərinin davamı kimi də dəyərləndirmək olar. Çünki indiyə qədər dünya ölkələrinin milli dəyərlərə söykənən təşkilatları USAID-in dağıdıcı fəaliyyəti ilə bağlı bəyanatlar və hesabatlar dərc edib. Lakin bunlar Bayden adminstrasiyası dövründə heç bir təsirə malik deyildi. Hər halda, ABŞ USAID-i yenidən təşkil edəcəyini bəyan edib. Hazırda USAID-in sabiq rəhbəri Samanta Pauerin səlahiyyətləri dövlət katibi Marko Rubioya həvalə edilib.
Bizim gözləntimiz ondan ibarətdir ki, respublikaçıların hakimiyyəti dövründə sorosçu və USAID zehniyyəti ilə calışan təşkilatların başqa ölkələrin daxili işlərinə müdaxilə etmək ənənəsinə malik siyasətində müəyyən dəyişikliklər olacaq.
USAID-ın Bayden dönəmindəki fəaliyyəti həm dünyada, həm də ölkə daxilində Amerika tarixinə qara ləkə kimi düşəcək. Təsəvvur edin ki, Bayden dönəmində LGBT yalnız xarici ölkələrdə deyil, həm də ölkə daxilində təbliğ edilib. Amerikada uşaqlara valudeyninin razılığı olmadan cinsini dəyişmək hüququ verilib. LGBT təbliğatı, hətta Amerika vergi sisteminə belə sirayət edə bilib. Belə ki, Amerikada əgər valideynlərdən biri işləyir, digəri uşaqları tərbiyə edirsə, işləyən valideynin gəlirlərindən 50% vergi tutulurdu. Əgər valideynlər hər ikisi işləyir, uşaqların tərbiyəsini məktəbə həvalə edirdisə, onların hər ikisinin gəlirlərindən 25% vergi tutulurdu. Bu siyasət uşaqları ailədən qopararaq, LGBT təbliğatının qurbanına çevirməyi hədəfləyirdi".
Dəniz NƏSİRLİ
