ABŞ prezidenti Donald Tramp iddia edib ki, Kiyev hökuməti illər əvvəl razılaşma əldə etməklə münaqişənin qarşısını ala bilərdi, lakin bunu etmədi. Tramp Ukrayna prezidenti Zelenskinin ABŞ-Rusiya danışıqlarına dəvət olunmaması ilə bağlı reaksiyasına da sərt reaksiya verib.
"Çox məyus oldum. Eşitdim ki, dəvət olunmadıqları üçün narahat olublar. Yaxşı ancaq, siz üç ildir orada idiniz! Bunu heç vaxt başlamamalı idiniz. Razılaşa bilərdiniz", - deyən Tramp Ukraynanın danışıqlar masası arxasında oturmaq tələbini tənqid edib. O, bildirib ki, ortaq bir müzakirəçi illər əvvəl bir həll yolu tapa bilərdilər və bu qədər çox torpaq itirilməzdi.
ABŞ prezidenti Ukraynada seçkilərin keçirilməsinin vacibliyini vurğulayaraq Zelenskiyə təzyiqi artırıb: "Ukraynada uzun müddətdir ki, seçki olmayıb. Bu, Rusiyanın deyil, mənim və digər ölkələrin qaldırdığı bir məsələdir. Ölkədə hərbi vəziyyət hökm sürür, liderin isə, üzr istəyirəm, cəmi 4 faiz reytinqi var. Şəhərlərin çoxu yerlə bir edilib".
Tramp həmçinin bu ayın sonuna kimi Rusiya prezidenti Putinlə görüşə biləcəyini deyib ki, bu da Vaşinqtonun Rusiya siyasətində Avropadakı müttəfiqlərini narahat edən böyük dəyişikliyə işarə edir. Rusiya ilə birbaşa danışıqlardan sonra müharibənin sona çatması ilə bağlı daha optimist olduğunu deyən Tramp, “Düşünürəm ki, bu müharibəni bitirmək gücüm var və proses yaxşı gedir” deyib.
Tramp həmçinin Avropa ölkələrinin Ukraynada sülhməramlı missiyanı üzərinə götürməsi ideyasına da müsbət yanaşdığını bildirib: "Əgər onlar bunu etmək istəsələr, bu, əla olar. Mən bunu tam dəstəkləyirəm".
Fransa və İngiltərənin bu mövzuda istəkli olduğunu vurğulayan Tramp, ABŞ-ın “coğrafi baxımdan çox uzaqda” olduğu üçün belə bir missiyada iştirak etməyəcəyini bildirib.
TAHİR
