Molla rejimi öz əlaltılarını yenidən ortaya çıxarıb ki, Azərbaycana qarşı şər-böhtan atsın, absurd iddialar irəli sürsün. Səfirliyimizə hücum edib səfirliyin mühafizə rəisini qətlə yetirən, iki əməkdaşını ağır yaralayan terrorçunun arxasında dayanan mollakratiya rejimi öz terrorçuluğunu, terroru himayə etdiyini ört-basdır etmək üçün cəhdlər edir.
Azərbaycana qarşı hər zaman hədyanlar danışan bir qrup manqurtu əbasının altında saxlayan molla rejimi lazım gələndə onlardan ölkəmizin əleyhinə istifadə edir. Mollaların maliyyəsi hesabına fəaliyyət göstərən “Hüseyniyun” terror təşkilatının üzvləri Azərbaycana xəyanət edib getmiş manqurtlardır, rejim də onları əlində oyuncağa çevirib.
“Azad İran”ın məlumatına görə, İranda gizlənən terrorçu “Hüseyniyun” qruplaşmasının üzvü Azərbaycana və onun Prezidentinə qarşı böhtan dolu açıqlamalar verib.
Daim Azərbaycan əleyhinə qərəzli yazılar dərc edən Tehranın “Əllamə Təbatəbayi” Universitetinin analitik saytı İranda gizlənərək Azərbaycana qarşı pozucu fəaliyyət göstərən “Hüseynçilər Hərəkatı” terror təşkilatının media direktoru Orxan Məmmədovdan Azərbaycanın Tehrandakı səfirliyinə terror hücumu ilə bağlı müsahibə alıb.
Saytı yazır ki, Orxan Məmmədov Azərbaycanda İranı “əsassız ittiham edənlərə” səslənərək iddia edib: “Yadınıza salın ki, hətta Bakıdan idarə olunan terrorçuların törətdiyi Şirazdakı Şahçıraq ziyarətgahına edilən hücum faciəsində də İran yenə də Azərbaycanı ittiham etmədi. Bəs siz heç bir dəlil və sübut olmadan, hətta ağlabatan və məntiqi təhlil olmadan İranı necə suçlayırsınız?”. Bu adam utanmadan Azərbaycanı “terror”da ittiham edir, ağalarının adını bizə qoymaq istəyir.
“Fakt budur ki, Şahçıraq terrorunu elə İranın özünün xüsusi kəşfiyyat orqanları həyata keçirib”
Siyasi ekspert Rövşən Rəsulov “Bakı-Xəbər”ə bildirdi ki, O.Məmmədovun ittihamları tamamilə absurddur, bölgədə iki terrorçu dövlət var, onlardan biri Ermənistan, o biri isə Tehran rejimidir. “İranın Azərbaycana son dövrlərdəki münasibəti tam təfsilatı ilə bəllidir. Yəni molla rejimi, faktiki olaraq, Azərbaycana qarşı istər bu, istərsə də digər vasitələrlə düşmənçilik mövqeyi sərgilədiyini nümayiş etdirir. Fakt budur ki, bu gün İranda “Qum tələbələri” adı altında fəaliyyət göstərən millət satqınları, fars şovinistlərinin tulaları, yeri gəldi-gəlmədi, uzun illərdir Azərbaycan dövlətinə, Azərbaycanın siyasi quruluşuna, eləcə də xalqımıza qarşı müxtəlif təhdidlər yağdırırlar. Bu təhdidlərin içində terror çağırışlarının olması da ayrıca bir məsələdir. Maraqlıdır ki, Orxan Məmmədov, Tohid İbrahimbəyli və başqa fars tulaları açıq-aydın şəkildə Azərbaycanı ittiham etməklə yanaşı, İranın Azərbaycana qarşı müharibə, yaxud terror ritorikasını birmənalı olaraq dəstəkəyirlər. Biz bunu Orxan Məmmədovun sözügedən “ittihamında” da müşahidə etməkdəyik. Terrorçu Məmmədovun bir müddət əvvəl Şirazdakı Şahçıraq ziyarətgahındakı terror aktını həyasızcasına, utanıb-qızarmadan Azərbaycanın üzərinə atmaq cəhdləri dediklərimizi isbatlamaqdadır. Maraqlıdır, İranın güc strukturları bəyan etdi ki, Şahçıraq terroruna görə həbs edilənlər var və terroru törədən qruplaşmanın bir ucu sünni radikal qruplaşmaya bağlıdır. “Hüseyniyun” terrorçusu isə öz ağalarının bəyanatına zidd fikir bildirib. Azərbaycanı bu kimi məsələdə ittiham etmək gülüncdür. Öncə sığındığı ölkəyə baxsın, görsün ki, İran şiə dövləti olaraq din sahəsində necə çirkli siyasət yürüdür. Fakt budur ki, Şahçıraq terrorunu elə İranın özünün xüsusi kəşfiyyat orqanları həyata keçirib. Bu terroru həyata keçirməklə molla rejimi əlinə necə deyərlər albi almaq istədi ki, bu vasitə ilə Azərbaycana, eləcə də onun siyasətini tənqid edən digər ölkələrə qarşı öz əsassız ittihamlarını bildirsin. İranın sərsəm, kifayət qədər uğursuz siyasəti bu ölkənin mövcud vəziyyətini də aşkar şəkildə göstərməkdədir. Maraqlıdır, bu gün Xoy şəhərində, Makuda güclü zəlzələ olub, bizim soydaşlarımız orada zülm içindədir, dövlətin heç bir dəstəyini görmürlər, yardım üçün Azərbaycan dövlətinə müraciət edirlər”.
Tehran rejimindəki başı əmmaməlilər və onların Orxan Məmmədov, Tohid İbrahimbəyli kimi əlaltıları isə hələ də bu terrorçu ölkənin mövqeyini dəstəkləyirlər deyən R.Rəsulov qeyd etdi ki, halbuki, onların soydaşları, azərbaycanlılar zəlzələdən əziyyət çəkir: “Sual oluna bilər, onlar bu qədər Allahsevəndirlərsə, şiəliyə bağlı şəxslərdilərsə nəyə görə pis vəziyyətdə qalmış Xoydakı soydaşlarımıza maddi və mənəvi dəstək göstərmirlər? Bu məxluqları bu düşündürmür. Tehran rejiminin muzdlu terror qrupunun üzvü olan Məmmədov, İbrahimbəyli və başqaları Azərbaycan dövlətini əsassız ittiham edirlər. Bilirsiz ki, Orxan Məmmədov da, o biri terrorçular da axtarışdadır və onlar Azərbaycana təhvil verilməlidir, Azərbaycan dövləti dəfələrlə Tehran rejiminə müraciət edib ki, o terrorçuları təhvil versinlər, amma faktiki olaraq onlar təhvil verilmir. Bu terrorçular Azərbaycana təhvil verilmədikcə daha da quduzlaşırlar və ölkəmizə qarşı əsassız şər-böhtan atırlar. Azərbaycan tələbləri daha da sərtləşdirməli və Orxan Məmmədov da daxil olmaqla, İranda gizlənən terrorçuları, Azərbaycanın dövlətçiliyinə qarşı fəaliyyətdə olan bu ünsirləri ölkəyə gətirməlidir. O terrorçular nə qədər molla rejiminin himayəsində qalacaqlarsa, bir o qədər də dövlətimizə qarşı hədyanlar yağdıracaqlar. Onlar ölkəmizə təhvil verilməlidir, bu terrorçu ünsirlər məhkəmə qarşında cavab verməlidir, dövlətə, xalqa qarşı törətdikləri cinayətlərə görə ağır cəzaya məhkum edilməlidir. Biz İrandan o terrorçuları tələb edirik. Vaxtilə Azərbaycan Prezidenti Həsən Ruhanidən tələb edib ki, orada gizlənən 20 nəfər terrorçunu Azərbaycana təhvil versinlər. Amma hələ də onlar oradadır. İranın əbasının altında fəaliyyət göstərən “Hüseyniyun” terror təşkilatının üzvləri, bu cinayətkar, terrorçu dəstə Azərbaycana təhvil verilməlidir. Bunun başqa variantı yoxdur. Bu ünsirlərin məntiqsiz, əsassız ittihamlarına əhəmiyyət vermək lazım deyil, amma onların ölkəyə gətirilməsi, məhkəmə qarşına çıxarılması vacibdir”.
Əli TURABOV
