“Hraparak” nəşri yazır ki, Ermənistanın baş naziri Nikol Paşinyan hakim “Mülki müqavilə” partiyasının parlament fraksiyasının üzvləri ilə görüşüb. Bu, 2022-ci ildə belə formatda ilk görüş olub.
Sözügedən görüşdə deputatlara tapşırıb ki, Rusiya-Ukrayna müharibəsi ilə bağlı susmaq daha yaxşıdır, əks halda ehtiyatlı olmaq vacibdir. Paşinyan deputatlara tapşırıb ki, həm Ermənistana, həm də Qarabağa birbaşa təsir edəcək bu məsələ həll olunana qədər bitərəf qalsınlar. O da qeyd edilir ki, baş nazir özü də ehtiyatlı mövqedə olduğunu gizlətməyib: “Paşinyan cəmi bir saat orada oldu, sonra fraksiya onsuz qarşıdakı görüşlərin gündəliyini, layihələri və planları müzakirə edib. Paşinyanın parlamentə gəlişinin əsas məqsədi şəxsən deputatları Rusiya-Ukrayna müharibəsi ilə bağlı maksimum təmkin nümayiş etdirməyə çağırmaq və xəbərdarlıq etmək olub”.
Tipik erməni hiyləgərliyi. Gözləyirlər ki, proseslər kimin xeyrinə nəticələnsə, onun yanında yer alsınlar. Çünki Ukraynada gedən proseslərin nə ilə nəticələnəcəyi məlum deyil.
“Nikol məqam gözləyir ki, Rusiyanın geriləməsi qətiləşən kimi siyasətlərini dəyişsinlər”
Məsələyə münasibət bildirən Böyük Azərbaycan Partiyasının sədri Elşad Musayevin fikrincə, ermənilər tarixən hiyləgər olublar: “Ancaq bu cür mövqe bir çox hallarda onlara baha başa gəlib. Bunlar məhz belə riyakar olduqlarına görə vaxtilə Bizans İmperiyasından qovulublar. Çünki xəyanət ediblər. Osmanlı dönəmində ermənilər çox yaxşı vəzifələrdə yer alırdılar. Tacirlərin bir çoxu erməni idi. Ancaq situasiya dəyişən kimi onlar xəyanət etmək yolunu tutdular. Birinci Dünya müharibəsində Rusiyanın yanında yer aldılar və bu xəyanətin nəticəsini ağır ödədilər. SSRİ dönəmində bunların iç üzünü biz yaxşı gördük. Ukraynaya Rusiyanın təcavüzünü bütün dünya pisləyir. Elə ölkələr var ki, Rusiya faktoru üzündən açıq mövqe ortaya qoya bilmir, amma heç olmasa başqa formada yardım edir, həmrəylik göstərir. Məsələn, Ukraynaya humanitar yardım kampaniyalarında iştirak edirlər. Ermənilər o qədər xəbis toplumdular ki, bunu belə özlərinə rəva görmürlər. Halbuki, Ukraynada çoxsaylı erməni yaşayır və ciddi təşkilatlanıblar. Bunlar adət edib ki, güclü olan tərəfin yanında yer alsınlar. İndi də gözləyirlər ki, görək tərəzinin hansı tərəfi ağır gəlir. Paşinyanın tərəfdarlarına o cür təlimat verməsi də bundan irəli gəlir. Prinsipcə, Ermənistan hakimiyyəti Qərbin yanında yer almalıdır. Çünki bunlar daha çox Qərbin maraqlarına uyğun siyasi reveranslar edir. Ancaq Rusiyadan çəkindikləri üçün buna cəsarət etmirlər. Tam əminliklə deyirəm, Rusiya zəifləyən kimi bunlar topyekun başqa rola girəcəklər. Paşinyan indidən bilir ki, məlum sanksiyalar Rusiya üçün yaxşı nəticələnməyəcək. Sadəcə məqam gözləyir ki, Rusiyanın geriləməsi qətiləşən kimi siyasətlərini dəyişsinlər”.
Partiya sədri onu da qeyd etdi ki, Rusiya siyasi dairələri də Ermənistandakı mövcud siyasi hakimiyyətə etibar etmir.
Vidadi ORDAHALLI
