Məlum olduğu kimi, Bakıda Ukrayna səfirliyinin qarşısında möhtəşəm dəstək aksiyası keçirilib. Aksiyada iştirak edən Milli Şuranın üzvləri Tofiq Yaqublu ilə Gültəkin Hacıbəylinin davranışları ciddi qınağa tuş gəlib.
Aksiya zamanı Ukrayna səfirliyinin diplomatlarından biri binanın önünə çıxaraq iştirakçılara minnətdarlığını ifadə edib. Bu zaman Tofiq Yaqublu diplomata Azərbaycan hakimiyyətindən şikayətlənməyə başlayıb.
Onun Azərbaycan hökuməti ilə bağlı dediyi sözlərə ukraynalı diplomat belə cavab verib:
“Biz bütün Azərbaycan xalqına, Azərbaycan Prezidenti İlham Əliyevə onun bu münasibətinə, dəstəyinə görə minnətdarıq. Bir daha demək istəyirəm, Prezident Zelenski birbaşa söylədi ki, Azərbaycan Respublikasının köməyi sözdə deyil, əməldədir. Biz Azərbaycan xalqının Prezident İlham Əliyevə dəstəkdə birliyini görürük.
Biz çox şadıq ki, işğal olunmuş torpaqların azad edilməsində Azərbaycanın yanında olmuşuq. Biz bütün Azərbaycana, hökumətə, Prezidentə - bütün azərbaycanlılara təşəkkür edirik. Bütün Azərbaycan xalqının öz Prezidenti, hökuməti ətrafında birliyinin şahidi olmuşuq. Hazırda bu nümunəni Ukraynada görürük”.
Milli Şura üzvlərinin həmrəylik nümayişi aksiyasını da siyasiləşdirmək cəhdlərinı siyasi etikaya uyğun saymaq olarmı?
Həmin tədbirin mahiyyəti Ukraynaya dəstək nümayişi ilə bağlı olub: “Ukrayna ilə bizim çox mənəvi bağlarımız var. 1941-45-ci illərdəki müharibədən sonra azərbaycanlıların daha çox qalıb yaşamaq istədiyi yer məhz Ukrayna olub. Bizim soydaşlarımızın çoxu həmin vaxt məhz Ukraynanın müdafiəsi zamanı qəhrəmançasına həlak olublar. Belə bir gərgin zamanda Azərbaycan cəmiyyətinin Ukraynaya dəstəyi gözlənilən idi. Ukraynadakı soydaşlarımız da həmin ölkədə ciddi yardımlar edirlər. Təəssüf ki, bizdə görülən işlərə qara yaxmağa çalışan bir cameə də var. Bu kəsimin işi yalnız neqativliklərdən danışmaqdır. Müxalifətin iqtidarı istəməməsi normaldır. Ancaq siyasi mübarizənin özü də vicdanla aparılmalıdır. Ukrayna ilə bağlı görülən işlər müxalifətin radikal qanadı tərəfindən dəstəklənmirsə, heç olmasa onlara qara da yaxılmamalıdır. Azərbaycanın bu cür addımlarından narahat olan həm də ermənilərdi. Onlar bunu Rusiya cəmiyyətinə fərqli formada çatdırmağa çalışırlar ki, bizim Rusiya ilə münasibətimizi korlasınlar. İndi görürük ki, Milli Şura da onlardan geri qalmayan davranış ortaya qoyur. Dəfələrlə Milli Şuranın Rusiyaya bağlılığını ifşa etmişik. Həmin təşkilat bir neçə il əvvəl Rusiya tərəfindən Azərbaycana təzyiq vasitəsi kimi yaradılıb. Daxildə belə bir reputasiyaya malik olan təşkilatın üzvlərinin davranışı göstərdi ki, onların məqsədi təxribat olub. Ukraynalı diplomat onlara əsl dərs keçdi. Bu davranış həm də Milli Şura üzvlərinin siyasi savadsızlığını ortaya qoydu. Çox biabırçı mənzərə idi. Bir də onlardan soruşmaq lazımdır: o cür davranışın sifarişini kimdən alıblar? Məqsəd həm də Azərbaycanla Ukrayna arasındakı münasibətləri korlamaq olub”.
Məhəmmədəli QƏRİBLİ
