01/12/2020 22:31
728 x 90

Ermənistanın dini lideri də qana susayıb – Qareginlə uşaqları qətl edən muzdlu qaniçənlərin fərqi varmı…

Fuad Nurullayev: “Erməni katolikosu II Qareginin müharibə çağırışı böyük xətadır”

img

Bir aydır davam edən müharibədə darmadağın olan Ermənistan döyüşməyə əsgər tapmır. Hazırda işğalçı ölkənin qüvvələri qocalardan, qadınlardan, yeniyetmələrdən, hətta azyaşlılardan ibarətdir. Erməni gənclər müxtəlif yollarla müharibədən yayınır: ya koronavirusa yoluxur, ya özlərini cinsi azlığın nümayəndəsi kimi təqdim edir, ya da gizlənirlər.

Paşinyanın 6 maddədən ibarət “ümumi səfərbərlik” çağırışı da işə yaramadı. Artıq orduya adam toplamaq işini Nikol Paşinyanla qarşıdurmada olan kilsə üzərinə götürüb. Belə ki, erməni Qriqoryan kilsəsinin rəhbəri, katolikos II Qaregin erməniləri müharibəyə qoşulmağa çağırıb.

Qeyd edək ki, Qarabağda aktiv müharibə başlayandan indiyədək erməni din xadimləri, kilsə nümayəndələri sülhdən daha çox müharibə çağırışları ilə diqqət çəkirlər. Erməni kilsələri yeni torpaqların zəbt olunması, döyüşlərin davam etdirilməsindən yana olduqlarını bəyan edir, bu məqsədlə gəncləri düşmənçilik ruhuna kökləyirlər.

Bütün bunlar bir daha onu göstərir ki, erməni kilsələri sülhü, asayişi deyil, terroru, qətlləri dəstəkləyir, bu istiqamətdə var gücləri ilə çalışırlar.

Məlumdur ki, bütün dinlərin əsasında sülh dayanır və adətən, din xadimləri toqquşmaların qarşısının alınmasında rol oynayırlar. Erməni katolikosu isə bunun əksini edir, hətta “humanitar atəşkəs”in başlanmasından bir neçə saat öncə erməniləri müharibəyə qoşulmağa, azərbaycanlıları öldürməyə çağırıb. Qeyd edək ki, erməni kilsəsinin savaşa çağırışı ilk deyil. Bu kimi çağırışlar müxtəlif vaxtlarda da olub.

Qafqaz Müsəlmanları İdarəsinin sədri Şeyxülislam Allahşükür Paşazadə bütün ermənilərin katolikosu II Qareginin kilsə adından xalqı və hətta uşaqları belə ölümə qədər hərbi savaşa çağırmasına dair açıqlaması ilə bağlı bəyanat verib. O, bəyanatda bildirib ki, təcavüzkar Ermənistan rejimi 2020-ci ilin iyul ayından etibarən yeni hərbi təxribatlara əl ataraq, Azərbaycanın Dağlıq Qarabağ və onun ətrafındakı ərazilərində, həm də Ermənistan ilə dövlət sərhədində yerləşən yaşayış məntəqələrimizi və mülki əhalimizi hədəfə götürüb.

  • “…məqsədi savaşı dini müstəviyə çıxarmaqdır, ancaq bu mümkün olmayacaq”

Qafqaz Müsəlmanları İdarəsinin sədr müavini Fuad Nurullayev “Bakı-Xəbər”ə açıqlamasında qeyd etdi ki, erməni  katolikosu II Qareginin müharibə çağırışı böyük xətadır. Onlar hər zaman dünya ictimaiyyətini aldatmaqla məşğul olublar. Katolikosun məlum çağırışı etməkdə məqsədi savaşı dini müstəviyə çıxarmaqdır. Ancaq bu mümkün olmayacaq: “Məlumdur ki, Ermənistanda səfərbərliyə yeniyetmələr belə cəlb olunublar. II Qaregin çıxışında bildirib ki, müharibəyə Azərbaycan onları vadar edib. Halbuki, Azərbaycan öz torpaqlarını azad edir. Bu məsələ ilə bağlı Qafqaz Müsəlmanları İdarəsinin sədri Şeyxülislam Allahşükür Paşazadə 27 oktyabr tarixində dünya ictimaiyyətinə bəyanat yayıb. Bəyanatda katolikos II Qareginin müharibə çağırışının yanlış olduğu, din adamının insanları sülhə çağırmasının vacibliyi qeyd edilir”.

Həmsöhbətimiz onu da əlavə etdi ki, bu gün ölkəmizdə müxtəlif dini əqidə sahibləri yaşayırlar: “Dinindən, irqindən asılı olmayaraq Azərbaycanda yaşayan bütün xalqlar bir-birinə hörmətlə davranırlar. Xüsusilə qeyd edim ki, Azərbaycanda erməni kilsəsi var. Həmin kilsə böyük kitabxana kimi fəaliyyət göstərir. Həmçinin, ölkəmizdə kifayət qədər kilsə, sinaqoq var. Ölkəmizdə yaşayan yəhudilər dəfələrlə qeyd ediblər ki, onlar ölkəmizdə sərbəst şəkildə yaşayırlar.

Məlumat üçün bildirim ki, Füzulidə 17 islam abidəsi, 7 ziyarətgah, Qubadlıda 13 abidə, 19 ziyarətgah, Zəngilanda 6 abidə, 1 məscid, 19 ziyarətgah,  Kəlbəcərdə 16 tarixi abidə, 5 ziyarətgah, 3 məscid, Şuşada isə 15 məscid, 9 ziyarətgah, 1 kilsə olub. Ermənilər Qarabağda olan müqəddəs dini ocaqları məhv ediblər, ya da məscidlərdə donuz saxlayıblar”.

F.Nurullayev son olaraq vurğuladı ki, işğal altında olan torpaqlar geri alınır. Qarabağ torpağı tam şəkildə işğaldan azad olunacaq. Qarabağ Azərbaycandır!

Günel CƏLİLOVA

Son xəbərlər