17/09/2019 01:07
728 x 90

İstehlak bazarında süni qiymət artımı dövlət orqanlarının diqqətində əsas məsələlərdən biri kimi...

“Ölkənin istehlak bazarında qiymət artımının müşahidə olunduğu barədə müxtəlif iddialar mövcuddur, ancaq həmin məlumatlar həqiqəti əks etdirmir”

img

Azərbaycanda həyata keçirilən sosial-iqtisadi siyasət ilk növbədə əhalinin rifah halının yüksəlməsinə hədəflənib. Bu sahədə əhalinin alıcılıq qabiliyyətinin artırılması prioritet təşkil edir. Daxili bazarın qorunması, inflyasiyanın qarşısının alınması istiqamətində həyata keçirilən tədbirlər qiymətlərin nizamlanmasında əhəmiyyətli rol oynayır.

Etiraf edilməlidir ki, Azərbaycan hökuməti qiymətlərin stabil saxlanması istiqamətində kifayət qədər stimullaşdırıcı tədbirlər həyata keçirir. Sahibkarlara güzəştli kreditlər təklif olunur, vergi yükü əhəmiyyətlə dərəcədə azaldılır. Elə Prezident İlham Əliyev də dəfələrlə öz çıxışında süni qiymət artımının yolverilməz olduğunu qeyd edib. Kimsə qiymətləri süni şəkildə qaldırıbsa, həmin şəxslər aidiyyatı qurumların səyi nəticəsində aşkar olunaraq cəzalandırılıb.

  • Azər Badamov: “Qiymət artımı heç də süni amillərlə bağlı deyil, bunun obyektiv səbəbləri də var, idxal olunan məhsulların dünya bazarında qiymətinin artması bu sahəyə öz təsirini göstərir”

Millət vəkili Azər Badamov bizimlə söhbətində bildirdi ki, ölkənin istehlak bazarında qiymət artımının müşahidə olunduğu barədə müxtəlif iddialar mövcuddur. Ancaq son vaxtlar sosial şəbəkələrdə və saytlarda özünə yer tapan bu cür məlumatlarla, yəni ölkədə qiymət artımının müşahidə olunmasına dair qeyd olunan fikirlərlə razılaşmaq mümkün deyil: “Çünki biz də hər şeydən əvvəl Azərbaycan Respublikasının vətəndaşıyıq. Yəni, biz də istehlakçı, satış şəbəkələrindən müxtəlif məhsulların alıcısıyıq. Ticarət şəbəkələrinə gedərək ərzaq və digər məhsullar alırıq. Mən ixtisasca iqtisadçıyam. Hər hansı məhsul alarkən qiymətləri də təbii ki, müqayisə edirəm. Bu müqayisə zamanı malların qiymətində heç də artım görmürəm. Hazırda ölkənin istehlak bazarında qiymət artımının həyata keçirilməsi üçün əsaslar da yoxdur. Bunu şərtləndirən ən mühüm amil Azərbaycanın milli valyutasının sabit olmasıdır. Artıq neçə illərdir ki, inflyasiya minimum həddədir. Xarici valyutaların, o cümlədən ABŞ dollarının manata nəzərən məzənnəsi sabitdir və manat get-gedə daha da möhkəmlənir. Belə bir şəraitdə hər hansı qiymət artımından danışmaq da düzgün deyil”.

Millət vəkili onu da vurğuladı ki, ölkədə on minlərlə ticarət obyekti var. Ola bilsin ki, hansısa satış obyektində hansısa işbaz süni qiymət artımına yol verib. Bunu ümumiləşdirib bütün ölkəyə aid etmək doğru yanaşma deyil axı.

A.Badamovun sözlərinə görə, qiymət artımı heç də süni amillərlə bağlı deyil, bunun obyektiv səbəbləri də var: “Müəyyən qiymət artımı ilk növbədə idxal olunan məhsulların dünya bazarında qiymətinin artması ilə bağlıdır. Buna misal kimi texnoloji avadanlıqları, gübrəni və sairəni göstərmək olar ki, onların qiymətində olan dəyişiklik də Azərbaycanda istehsal prosesinə öz təsirini göstərir”.

Günel CƏLİLOVA

Son xəbərlər