18/10/2019 03:27
728 x 90

Buğda 38-39 qəpiyə qalxdısa – çörək bahalaşacaqmı?...

“Daxildə buğdanın satış qiymətinin artması o demək deyil ki, bu hal un məhsullarının qiymətinə təsir edəcək”

img

Son günlər buğdanın satış qiyməti 10 qəpik bahalaşıb. Ötən il bu vaxtlar kiloqramı 23-25 qəpiyə satılan buğda hazırda 38-39 qəpiyə, kiloqramı 25-27 qəpiyə satılan arpa isə hazırda 35-38 qəpiyə satılır. Buğda ötən ilə nəzərən 55-65 faiz, arpa isə 40-41 faiz səviyyəsində bahalaşıb.

Buğdanın satış qiyməti bahalaşdığı üçün bəzi ekspertlər zənn edirlər ki, bu hal çörəyin satış qiymətinə də təsir edə bilər. Ancaq digər ekspertlər isə bunun əksini düşünürlər. Onların fikrincə, buğdanın satış qiymətinin 23-25 qəpikdən 38-39 qəpiyə yüksəlməsi müvəqqətidir.

  • Pərviz Heydərov: “Buğdanın satış qiymətinin 10 qəpik artması çörəyin istehsalına və satış qiymətinə…”

İqtisadçı-ekspert Pərviz Heydərov “Bakı-Xəbər”ə açıqlamasında qeyd etdi ki, buğdanın satış qiymətinin qalxmasının səbəbi adıçəkilən məhsulun biçilməsi ilə əlaqədardır: “Ehtiyatda olan məhsullar hazırda satışa çıxarıldığı üçün, bəzi işbazlar qiyməti əvvəlkinə nisbətən yüksək edir. Bu səbəbdən hazırda buğda əvvəlki qiymətindən 10 qəpik artıq müştəriyə təqdim olunur. Ancaq məlum qiymət artımı çörəyin qiymətinə və  istehsalına heç bir təsir etməyəcək. Çünki ölkədə istehsal və istehlak olunan un və un məhsullarında xammal baxımından yerli istehsala məxsus məhsuldan az istifadə edilir. Daxildə buğdanın satış qiymətinin artması o demək deyil ki, bu hal un məhsullarının qiymətinə təsir edəcək. Nəzərə almaq lazımdır ki, un məhsullarının istehsalı üçün lazım olan yerli xammal keyfiyyət baxımından yararlı məhsul hesab olunmur”.

Həmsöhbətimizin sözlərinə görə, bu məhsullar müvafiq istehsalçı dairələr tərəfindən tədarük olunur. Ancaq istehlak olunan çörək məmulatlarında istifadə olunan məhsullar idxal olunan xammaldır: “Bu səbəbdən də buğdanın satış qiymətinin 10 qəpik yüksəlməsini əsas gətirən bəzi ekspertlərin narahatlığına əsas yoxdur. Çünki qiymət artımı müvəqqətidir. Bu hal çörəyin qiymətinə heç bir təsir etməyəcək”.

Günel CƏLİLOVA

Son xəbərlər