Vergilər Nazirliyinin müğənnilərlə bağlı planlarına şərhlər var

Tarix: 13.11.2015 / 01:54
Bölmə: İqtisadiyyat

İlqar Hüseynli: "Vergilər Nazirliyinin şou-biznes nümayəndələrini vergiyə cəlb etmək istiqamətində tədbirləri gücləndirməsi doğru addımdır"

"Ən başlıca məsələ bununla bağlı işlək mexanizmin yaradılmasıdır"

Bir neçə gün əvvəl mətbuatda vergidən yayınan şou-biznes nümayəndələrinin məsuliyyətə cəlb olunacağı ilə bağlı informasıya dərc olunub. Xəbərdə bildirilirdi ki, Vergilər Nazirliyi, digər sahələrdə olduğu kimi, şou-biznes sahəsində də vergidən yayınma hallarının qarşısını almaq üçün ciddi tədbirlər həyata keçirməyə hazırlaşır.

Artıq bununla bağlı ilk addımlar atılmaqdadır. Vergilər Nazirliyi müğənnilərin vergiyə cəlb edilməsi ilə bağlı açıqlama yayıb. Bu barədə qurumun rəsmi internet səhifəsində geniş məqalə dərc olunub. Məqalədə deyilir ki, Azərbaycanda da vergidən yayınan incəsənət xadimlərinin, şou-biznes nümayəndələrinin olması heç kəsə sirr deyil: "Mediada vaxtaşırı olaraq müğənnilərin xidmət qiymətləri elan edilir və "qiymət siyahıları"ndan reklam vasitəsi kimi istifadə olunur. Siyahılara nəzər yetirdikdə məlum olur ki, müğənnilər toy şənliklərində yüksək qonorar alırlar. Haqlı bir sual meydana çıxır: incəsənəti təmsil edən adamlar nə üçün ödədikləri vergilər haqqında heç nə danışmırlar? Halbuki, Avropa və Amerikanın əksər ölkələrində şou-biznes nümayəndələri dövlət büdcəsinə nə qədər vergi ödəməkləri ilə gündəmə gəlməyə üstünlük verirlər". Həmçinin, qeyd olunur ki, Vergi Məcəlləsinin 67-ci maddəsinə uyğun olaraq, hazırda Vergilər Nazirliyi tərəfindən vergidən yayındırılmış məbləğlər kameral hesablama aparılmaqla büdcəyə bərpa olunur: "Vergilər Nazirliyi bir daha xatırladır ki, kimliyindən asılı olmayaraq, vergiləri tam və vaxtında ödəmək öhdəliyi hamı üçün eynidir və heç kəs öz üzərinə düşən öhdəliyə görə məsuliyyətdən azad edilmir".

Bütövlükdə, şou-biznes nümayəndələri böyük həcmdə vəsaiti vergidən yayındırır. Nazirliyin şou-biznes nümayəndələrini vergiyə cəlb etmək istiqamətində gördüyü tədbirləri ekspertlər necə dəyərləndirir?

Sözügedən məsələni dəyərləndirən ekspert İlqar Hüseynli bu istiqamətdə görülən tədbirlərə müsbət prizmadan yanaşır: "Uzun illərdir şou-biznes nümayəndələri vergidən yayınır. Daha doğrusu, qazandıqları müqabilində büdcəyə ya olduqca az vergi ödəyir, ya da ümumiyyətlə vergi ödəmir. Çünki şou-biznes nümayəndələrinin toylardan, digər bu kimi tədbirlərdən əldə etdiyi qazanc bundan qat-qat çoxdur. Bunu da nəinki Vergilər Nazirliyi rəsmiləri, bütün vətəndaşlar bilir.

Sadəcə, reallıq ondan ibarətdir ki, şou-biznes nümayəndələri müxtəlif vasitələrlə vergidən yayınır, xüsusən də tanınmış şou-biznes nümayəndələri. Belə ki, onların bu sahədə əldə etdiyi qazanc digərləri ilə müqayisədə daha çoxdur. O baxımdan hesab edirəm ki, Vergilər Nazirliyinin şou-biznes nümayəndələrini vergiyə cəlb etmək istiqamətində tədbirləri gücləndirməsi doğru addımdır. Çalışmaq lazımdır ki, bütün şou-biznes nümayəndələri vergiyə cəlb olunsun. Ən başlıca məsələ bununla bağlı işlək mexanizmin yaradılmasıdır. Fikrimcə, elə bir mexanizm yaradılmalıdır ki, bu sahədə dövr edən vəsait vergiyə cəlb olunsun".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...