Əhalinin ən çox əziyyət çəkdiyi daha bir problem "ASAN xidmət"də...

Tarix: 11.11.2015 / 02:11
Bölmə: İqtisadiyyat

Nüsrət Qasımov: "Bunun camaata xeyir olan tərəfi həm də odur ki, vətəndaşlar qaz çəkilişinə görə dövlət rüsumu ödəməyəcək"

"Bəzi neqativ hallar təkrarlanmayacaq"

2016-cı il yanvarın 1-dən etibarən təbii qaz çəkilişi ilə bağlı bütün texniki şərtlər "ASAN xidmət" mərkəzləri vasitəsilə həyata keçiriləcək.

Bu barədə mətbuata açıqlamasında Azərbaycan Respublikası Dövlət Neft Şirkətinin prezidenti Rövnəq Abdullayev bildirib. Onun sözlərinə görə, əsas məqsəd vətəndaşların rahatlığını təmin etmək və yarana biləcək problemlərin, neqativ halların qarşısını almaqdır. Artıq bununla bağlı "ASAN xidmət"lə danışıqların aparıldığını diqqətə çatdıran SOCAR-ın prezidenti bir neçə məqama toxunub: "Bundan sonra kim evinə, təsərrüfatına və ya müəssisəsinə qaz çəkmək istəyirsə, lazım olan sənədləri toplayıb birbaşa "ASAN xidmət" mərkəzlərinə müraciət edərək və heç bir vəsait ödəmədən təbii qaz çəkilişinə icazə alacaq. Biz eşidirik, bəzən bu məsələ ilə bağlı vətəndaşlardan, iş adamlarından müəyyən vəsait tələb edirlər. Biz bununla ciddi mübarizə aparırıq. Məhz belə hallar yaranmasın deyə texniki şərtlərin verilməsini "ASAN xidmət" vasitəsilə həyata keçirməyi qərara aldıq".

Yaşayış məntəqələrinin qazlaşdırılması ilə bağlı görülən işlərə də toxunan R.Abdullayev bildirib ki, Avropaya ilk Azərbaycan qazı göndərilənədək ölkənin bütün yaşayış məntəqələrinin, ən ucqar kəndlərin maksimum səviyyədə qazlaşdırılması üçün SOCAR tərəfindən xüsusi proqram həyata keçirilir. İndiyədək təsərrüfat sayı hesabı ilə artıq ölkənin 90 faizi qazlaşdırılıb: "Qalan 10 faiz isə ucqar və əhalisi az olan balaca kəndlərdir. Elə ucqar kəndlər var ki, 10 təsərrüfatı var, ora 50 kilometr uzunluğunda qaz xətti çəkmək iqtisadi cəhətdən heç cür sərfəli deyil. Biz yerli icra qurumları ilə birgə Azərbaycanın qazlaşdırılacaq bütün yaşayış məntəqələrinin xəritəsini hazırlayaraq ölkə rəhbərliyinə təqdim etmişik. 2018-ci ilə qədər Azərbaycanın qazlaşdırılması işini tam başa çatdıracağıq".

O da məlumdur ki, bəzən qaz çəkilişi ilə əlaqədar əhalidən əlavə vəsait alınırdı. Bu kimi xoşagəlməz halların qarşısının alınması baxımından sözügedən qərarı ekspertlər necə dəyərləndirir?

Məsələyə münasibət bildirən ekspert Nüsrət Qasımovun sözlərinə görə, qaz çəkilişinin "ASAN xidmət"ə verilməsinin bir sıra üstünlükləri var: "Ən başlıca üstünlüyü ondan ibarətdir ki, bu, əhalinin rahatlığına xidmət edir. Digər tərəfdən, bunun nəticəsində əhaliyə göstərilən xidmət, keyfiyyət mədəniyyəti yüksələcək. Başqa bir tərəfdən, bunun camaata xeyir olan tərəfi həm də odur ki, vətəndaşlar qaz çəkilişinə görə dövlət rüsumu ödəməyəcək. Yəni qazın çəkilişi pulsuz olacaq. Bu da qabaqcıl ölkələrə inteqrasiya olunmaq baxımından müsbət göstəricidir. Qeyd edim ki, bir sıra inkişaf etmiş ölkələrdə bu kimi metodlardan çoxdandır istifadə edilir. Müşahidələr də göstərir ki, əhali "ASAN xidmət"in xidmətlərindən razıdır. Şəxsiyyət vəsiqələrinin, xarici pasportların dəyişdirilməsindən tutmuş, digər xidmətlər tez başa gəlir. Əvvəl texniki şərt almağa vətəndaşlardan müəyyən vəsait alınırdı. Gələn ildən etibarən vətəndaşlar həmin vəsaiti ödəməyəcək. Başqa bir tərəfdən, bəzən vətəndaşın məlumatsızlığından istifadə edib qeyri-rəsmi olaraq rüsum çox alırdılar. Yəni bu kimi neqativ hallar təkrarlanmayacaq. O baxımdan belə bir qərarın verilməsini dəstəkləyirəm".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...