Ev satışından vergi ödənişi cəmiyyətin maraqlarına uyğunlaşdırılır

Tarix: 05.11.2015 / 01:38
Bölmə: İqtisadiyyat

Vergilər Nazirliyindən yeni təşəbbüs...

Rəsul Cahangirli: "Çox güman ki, qərar qüvvəyə minəndən sonra əmlak bazarında satışa çıxarılan mənzillər artacaq"

"Ola bilsin ki, bu, evlərin ucuzlaşmasına da hansısa formada təsir göstərsin"

Azərbaycanda ev satışından vergi tutulması qaydaları dəyişəcək. Bu, Vergi Məcəlləsinə edilən dəyişikliklərdə nəzərdə tutulur. Həmin dəyişikliklər Milli Məclis tərəfinən büdcə paketi ilə birlikdə qəbul edilib, təsdiqlənmək üçün Prezidentə təqdim olunub və təsdiqlənəcəyi təqdirdə 2016-cı ildən qüvvəyə minəcək.

Yeni qaydalara görə, ev və mənzillər satılanda vergi onun qiymətinə görə yox, sahəsinə görə tutulacaq. Belə ki, mənzilin hər kvadratmetrinə görə 15 manat vergi hesablanacaq. Məsələn, satılan evin sahəsi 100 kvadratmetr olduqda ödənilən vergi 1500 manat, evin sahəsi 40 kvadratmetr oluqda isə vergi 600 manat olacaq və s. Bu zaman mənzilin hansı qiymətə satıldığı nəzərə alınmayacaq.

Ancaq bu rəqəm Bakı şəhəri üçün baza rəqəmi sayılır. Yəni evin harada yerləşməsindən asılı olaraq verginin məbləği artıb-azalacaq. Belə ki, regionlarda bu məbləğ daha aşağı olacaq.

Bakının özündə də ev satışından tutuan verginin məbləği evin hansı ərazidə yerləşməsindən asılı olacaq. Mərkəzdə yerləşən evlərin satışından vergi daha yüksək olacaq, kənarlara getdikcə vergi də azalacaq. Nazirlər Kabinetinin müvafiq qərarı ilə Bakı şəhərinin ərazisi əmlak vergisinin tutulması məqsədilə şərti olaraq 12 zonaya bölünüb. Bu zonalar paytaxtın mərkəzindən tutmuş, ən ucqar nöqtələrinə qədər bütün ərazini əhatə edir. Hər bir zona üzrə ayrıca əmsal var və vergi hesablananda bu əmsallardan istifadə olunacaq. Əmlak vergisi üzrə əmsallar 0,7-dən 1,5-dək dəyişir. Şəhərin mərkəzi hissələrinə aid əmsallar daha böyükdür. Bu o deməkdir ki, mərkəzdəki əmlak sahibləri nisbətən kənarda yaşayanlarla müqayisədə daha artıq vergi ödəyəcək.

Qeyd edək ki, Azərbaycanda evlərin satışı zamanı əldə edilən gəlirdən vergi tutulması praktikası bu ildən tətbiq edilməyə başlanıb. Qaydaya görə, ev və mənzillər satılanda evin satış qiyməti ilə vaxtilə alındığı qiymət müqayisə olunur və yaranan qiymət fərqindən vergi tutulurdu. Ancaq bu üsulla vergi tutulması əhali arasında birmənalı qarşılanmamışdı.

Maraqlıdır, ekspertlər bunu necə dəyərləndirir?

Məsələyə münasibət bildirən ekspert Rəsul Cahangirlinin sözlərinə görə, bu normal dəyişiklikdir: "Çünki əvvəlki hesablama qaydası yaxşı qarşılanmırdı və haqlı olaraq narazılıq yaradırdı. Buna görə də vergi ödəməkdən yayınmaq üçün bir çox əmlak sahibləri müxtəlif variantlardan istifadə edirdilər. Eləsi var idi ki, bu səbəbdən ümumiyyətlə əmlak satmağı dayandırmışdı. Üstəlik, bəzi hallarda əmlakın vaxtilə hansı qiymətə alındığını və ümumiyyətlə neçəyə başa gəldiyini də müəyyənləşdirmək mümkün olmurdu. Praktiki olaraq sözügedən qayda elə də işləmirdi. Belə əmlakların alınmasına, tikilməsinə, təmirinə çəkilən xərcləri təsdiq edən sənədlərin bir çox hallarda olmaması bu gəlirlərdən vergi tutulmasında çətinlik yaradırdı. Bütün bunları nəzərə alaraq mənzil satışı zaman vergi tutulmasının sadələşdirilməsinə qərar verildi. Belə bir qərarın verilməsi müsbət addımdır. Çox güman ki, qərar qüvvəyə minəndən sonra əmlak bazarında satışa çıxarılan mənzillər artacaq. Bu da müştərilərə imkan verəcək ki, seçim etsinlər və münasib qiymətə olan əmlakı alsınlar. Yəni, dolayı da olsa, bu satış məqsədilə təklif olunan əmlakların artmasına təsir göstərəcək. Ola bilsin ki, bu, mənzillərin ucuzlaşmasına da hansısa formada təsir göstərsin. Bir məqamı da xüsusi olaraq qeyd edim ki, sözügedən vergi vətəndaşların yalnız yaşayış olmayan evinin satışı zamanı tətbiq ediləcək. Qanuna görə, vergi yalnız o evin satışından tutulacaq ki, vətəndaş o evdə 5 ildən az yaşamış olsun. Yəni bu o demək deyil ki, bütün növ əmlakdan vergi tutulacaq".

Vidadi ORDAHALLI

DİGƏR XƏBƏRLƏR

Tarix: 09.07.2026 / 19:05

Azərbaycana diri heyvan idxal edən iri şirkətlər əsas məlumatları "gizli" saxlayır...

Tarix: 09.07.2026 / 17:56

Britaniya “Zəngəzur” tankerini sanksiya siyahısından çıxardı

Tarix: 08.07.2026 / 15:30

"Avropa Yaşıl Enerji Dəhlizi" layihəsi icra mərhələsinə keçdi

Tarix: 08.07.2026 / 10:53

Beyləqanda şəkər çuğunduru fiaskosu...

Tarix: 07.07.2026 / 20:28

Sahibkarlara böyük şans açılır - üstəlik “qapı-qapı gəzməyə” son veriləcək...

Tarix: 07.07.2026 / 20:11

İran müharibəsi qlobal enerji təminatında yeni böhran yaradıb...

Tarix: 07.07.2026 / 16:35

Beyləqanın Əlinəzərli kəndində fermerlər üçün aqrar sığorta təlimi keçirilib

Tarix: 07.07.2026 / 12:56

Azərbaycanda vençur kapitalı fondları yaradılacaq...

Tarix: 06.07.2026 / 21:45

Ermənistan Azərbaycanla Türkiyənin elektrik şəbəkəsinə qoşulmaq istəyir...

Tarix: 06.07.2026 / 21:05

Avropanın daha bir dövləti Azərbaycanın Orta Dəhliz layihəsinə qoşulur...

Tarix: 06.07.2026 / 19:25

Ermənistan məhsullarının Avropaya çatdlrılmasında ağır problemlər yarandı...

Tarix: 06.07.2026 / 17:09

Rusiya Azərbaycan vasitəsilə Ermənistana 30 vaqon propan göndərdi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...