Azərbaycanın "yuan"a investisiyası özünü doğruldur

Tarix: 31.10.2015 / 01:28
Bölmə: İqtisadiyyat

Çin və Almaniya maliyyə əməliyyatlarında yuandan istifadə olunması məqsədilə müvafiq platforma yaradılması barədə rəsmi razılıq əldə edib. Bu addım yuanın işlənmə dairəsinin genişlənəcəyini, Pekinin Avropanın maliyyə bazarında mövqelərinin güclənəcəyini də deməyə əsas verir. Müqavilənin imzalanması mərasimində Almaniya kansleri Angela Merkel və Çinin baş naziri Li Keqiang iştirak edib.

Bundan əvvəl isə Beynəlxalq Valyuta Fondu (BVF) yaxın zamanlarda Çin pul vahidinin ehtiyat pul vahidi səbətinə daxil olacağını açıqlayıb. Qeyd edək ki, yuan ehtiyat pul vahidi səbətinə daxil edilərsə, Çin şirkətləri qlobal bazarlarda daha geniş imkanlar əldə edəcək. Hazırda BVF ehtiyat səbəti dollar, avro, funt-sterlinq və yendən formalaşıb.

Britaniyanın "Financial Times" qəzeti isə yazır ki, Çin yuanı artıq Yaponiya yenini beynəlxalq ödənişlərdə üstələyib. Bu ilin avqust ayında həyata keçirilən beynəlxalq ödənişlərdə yuanın xüsusi çəkisi 2,79% olub. SWIFT beynəlxalq ödəniş sisteminin göstəricilərinə əsasən, iyulda bu göstərici 2,34% olsa da, avqustda baş verən artımla beynəlxalq ödənişlərdə yuandan istifadə Yaponiya yenindən çox olub. Bununla da yuan ödənişlərin həcminə görə avqustda dollar, avro və funt sterlinqdən sonra 4-cü sıraya yüksəlib. Bu isə Çində baş verən devalvasiya və iqtisadi səngimə xəbərlərinə baxmayaraq, yuanın əhəmiyyətinin artdığını göstərir.

Yuan ətrafında baş verənlər ölkəmiz üçün də xüsusi maraq kəsb edir. Belə ki, bir neçə ay öncə Azərbaycan Respublikası Dövlət Neft Fondu(ARDNF) investisiya portfelinin valyuta səbətinin diversifikasiyasının təmin edilməsi istiqamətində növbəti mərhələ olaraq Çin yuanında investisiyalara başlayıb, dövlət və agentliklərin istiqrazlarının alqı-satqısı və saxlanmasına dair müqavilə imzalayıb. "Saxo Bank"ın valyuta strategiyaları bölməsinin rəhbəri ConaHardinin açıqlamasında bununla bağlı qeyd edilir: "Düşünürəm ki, Çinin valyuta məzənnəsindəki dəyişiklik yuanın daha sərbəst üzən məzənnəyə buraxılmasına doğru atılmış ilk addım idi. Ancaq qeyd etmək lazımdır ki, Çin Xalq Bankı dərəcələri ehtiyatla tənzimləməyə və cari durumda əhəmiyyətli dəyişikliklərə yol verməməyə çalışacaq. Çin Xalq Bankı geriyə addım ataraq məzənnənin tənzimlənmə prosesini sərbəst şəkildə bazara həvalə edərsə, güman edirəm ki, Çin valyutası digər Asiya valyutaları ilə uyğunlaşmaq üçün daha 10-15% devalvasiya edə bilər. Hazırda Çin valyutası ABŞ dollarını izləməklə digər valyutalarla müqayisədə çox möhkəmdir. Ümumi mənzərədə yuan minimum göstəriciyə yaxınlaşan Yaponiya yeni ilə müqayisədə əhəmiyyətli dərəcədə möhkəmlənə bilib". Hazırda yuana artan maraq Azərbaycan tərəfinin yuana sərmayə yatırmasının düzgün addım olduğunu bir daha təsdiqləyir. Bu arada, Avropa Mərkəzi Bankının proqnozlarına görə, yaxın illərdə Çin yuanına tələbat kəskin artacaq. Azərbaycan da bu fonda neft pullarının bir qismini Çinə yönəldir. Ekspertlər qeyd edir ki, Dövlət Neft Fondunun rezervlərinin müxtəlif valyutalarda saxlanması risqlərin idarə olunması baxımından müsbət sayılmalıdır. Çünki bir valyutanın dəyəri aşağı düşəndə, avtomatik olaraq digər dönərli valyutanın dəyərində artımlar olur. Belə vəziyyət isə maliyyə bazarlarında valyutaların kursunun dəyişməsindən Azərbaycanın daha az zərər görməsini təmin edir.

Onu da bildirək ki, Çin iqtisadiyyatı yalnız istehsal hesabına yaxın 10 ildə öz valyutasını möhkəmlədən ölkələrdən biridir. Hazırda dünya birjalarında, qiymətli kağızlar bazarında yuanla alış-veriş möhkəmlənib. Son ilin göstəricilərinə əsasən demək olar ki, yuan oturuşmuş puldur. Növbəti üç-dörd il ərzində isə Çin iqtisadiyyatında yalnız artım proqnozlaşdırılır. Ona görə də, onların valyutası bir sıra investorlar üçün cəlbedici olub. Bu sıraya Azərbaycan da aiddir. Digər tərəfdən, ölkəmizin Asiya bazarlarında investisiya portfelini artırması da müsbət qarşılanır. Xatırladlaq ki, ARDNF artıq Yaponiyada, Cənubi Koreyanın paytaxtı Seul şəhərində daşınmaz əmlak kompleksləri alıb. Perspektivdə isə bu qəbildən olan sərmayələrin həcminin artması gözlənir.

Tahir TAĞIYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...