Ceyranbatan Sutəmizləyicinin çoxlarına bəlli olmayan qeyri-adi texniki imkanları var imiş...

Tarix: 30.10.2015 / 02:05
Bölmə: İqtisadiyyat

Telman Zeynalov: "Artıq insanlar daha təmiz su ilə təmin olunacaq"

"Suyun keyfiyyətinin yaxşı olmasının əsas səbəbi lilin təmizlənməsi ilə bağlıdır"

Oktyabrın 28-də Ceyranbatan Ultrasüzgəcli Sutəmizləyici Qurğular Kompleksinin açılışı olub. Sutəmizləyici qurğunun açılmasında məqsəd ölkə əhalisinin daha təmiz su ilə təmin olunmasıdır. Ölkə başçısı İlham Əliyev həmin mərasimdə iştirak edib. İ.Əliyev çıxışı zamanı bildirib ki, Bakı şəhərinin, Abşeron rayonunun sakinlərinə veriləcək su Dünya Səhiyyə Təşkilatının standartlarına tam cavab verəcək:

"Mən xatırlayıram ki, dörd il bundan əvvəl biz burada bu kompleksin təməl daşını qoyduq. Şadam ki, artıq bu nəhəng infrastruktur obyekti istismara verilir. Bu sutəmizləyici qurğular kompleksi dünyanın ən böyük təmizləyici infrastruktur obyektidir".

İ.Əliyev bildirib ki, bu kompleksdə ən müasir texnologiyalar tətbiq edilir: "Bax, bu gün xəritədəki mənzərə onu göstərir ki, uzun illər içməli sudan korluq çəkən Bakı qəsəbələri bundan sonra bu təmiz suyu alacaq. Bir daha qeyd etmək istəyirəm ki, bu, Dünya Səhiyyə Təşkilatının standartlarına cavab verən içməli sudur.

Əlbəttə, Bakı şəhərinin su təsərrüfatı daha da sürətlə yeniləşməlidir. Şəbəkə sistemi hələ ki, bizim standartlarımıza tam uyğun deyil. Ancaq bu istiqamətdə də işlər aparılır və əlbəttə, biz hamımız istəyirik ki, tezliklə bütün şəhərimizdə hər bir vətəndaş kranı açıb oradan suyu birbaşa içə bilsin. Artıq biz buna yaxınlaşırıq və bu qurğunun xüsusi əhəmiyyəti ondan ibarətdir ki, bizə bu imkanı yaradacaq".

Ceyranbatan Ultrasüzgəcli Sutəmizləyici Qurğunun istifadəyə verilməsi əhalinin daha təmiz su təchizatının yaxşılaşdırılmasında nə kimi rol oynayacaq?

Sualımızı cavablandıran ekoloq Telman Zeynalov qəzetimizə açıqlamasında qeyd etdi ki, artıq insanlar daha təmiz su ilə təmin olunacaq: "Ceyranbatan Su Anbarı 60 ildən artıqdır fəaliyyət göstərir. Hər kəsə bəlli idi ki, həmin su anbarının dibi lillidir. Amma indi həmin anbarın lilləri təmizlənib. Eyni zamanda, su anbarının kənarları abadlaşıb. Həmçinin, anbarın hər bir tərəfinə mühafizəçilər yerləşdirilib".

Ekoloqun sözlərinə görə, Ceyranbatan Su Anbarının keyfiyyəti əvvəlki dönəmlə müqayisədə xeyli yaxşıdır. Suyun keyfiyyətinin yaxşı olmasının əsas səbəbi lilin təmizlənməsi ilə bağlıdır: "Abşeron yarımadasının hər bir yaşayış massivi artıq fasiləsiz su ilə təmin olunacaq".

Həmsöhbətimiz xüsusi olaraq onu da əlavə etdi ki, Ceyranbatan gölündən suyun götürülməsini təmin edən suqəbuledici qurğuların tikintisi təmin olunub: "Gölün dibində suyun bulanıqlığının qarşısının alınması üçün xüsusi layihə hazırlandı. Həmin layihəyə əsasən sugötürücü borular qapalı, yəni mikrotunel üsulu ilə quraşdırıldı. Mən deyərdim ki, tikinti-quraşdırma işi etibarlı və təhlükəsiz şəkildə aparıldı. Gölün içərisinə doğru hər birinin uzunluğu 454 metr olan üç kəmər çəkilib. Mikrotunel üsulu ilə quraşdırılan xətlərin tikintisində dəmir-beton borulardan istifadə edilib. Sonra əraziyə hazır dəmir-beton özül plitə yerləşdirilərək suqəbuledici başlıqlar onun üzərində quraşdırılıb. Suqəbuledici başlıqlar göldə hər hansı lillənmə baş vermədən quraşdırılıb".

T.Zeynalov bildirdi ki, yeni kompleksin əsas obyekti ultrasüzgəcli sutəmizləyici qurğudur: "5,6 hektar ərazidə yerləşən bu qurğu mürəkkəb geoloji ərazidə inşa olunub. Qruntun xarakteri nəzərə alınaraq burada əvvəlcə bərkitmə işləri aparılıb, sonra dəmir-beton və metal konstruksiyadan ibarət əsas bina inşa edilib".

Günel CƏLİLOVA

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...