Manatımızın reytinqinə iki dünya maliyyə qurumunun fərqli yanaşmaları...

Tarix: 29.10.2015 / 01:41
Bölmə: İqtisadiyyat

Nicat Hacızadə: "Azərbaycan digər MDB ölkələri ilə müqayisədə daha sabit valyutalı ölkədir"

"Qeyri-neft sektorunun inkişafı neft ixracatçısı olan ölkənin neftdən asılılığını azaldır"

Yayılan məlumatlara görə, Dünya Bankı "Xammalın ucuz qiymətləri və zəif valyuta" adlı məruzəsində Azərbaycan manatından bəhs edib.

Məruzədə Azərbaycan manatının Müstəqil Dövlətlər Birliyinin digər neft ixrac edən ölkələri ilə müqayisədə daha sabit olduğu bildirilib. Bankın analitiklərinin fikrincə, manat neft baha olduğu dövrdə sabitləşsə də, bu il baş verən devalvasiyadan sonra faktiki dəyərə yaxınlaşıb və əvvəlki dövrlərlə müqayisədə daha çox sabitləşib. Bankın hesablamalarına görə, neftin ucuzlaşması Azərbaycanda ÜDM-in 5,2 faiz azalmasına səbəb olacaq. Bunun 4 faizə qədəri qeyri-neft sektorunun payına düşəcək.

Buna baxmayaraq, qeyri-neft sektorunun investisiyaları 2016-2017-ci illərdə iri qaz kəmərlərinin inşaatı nəticəsində artacaq.

Ancaq manatın MDB-nin neft ixracatçısı olan ölkələri içərisində sabit valyuta olduğunu bildirən DB-dən fərqli olaraq Asiya İnkişaf Bankı Azərbaycanla bağlı daha bədbin proqnozla çıxış edib. Bildirilib ki, neftin qiymətinin aşağı düşməsi manatın məzənnəsinə əlavə təzyiq göstərir. "Bu tendensiyanın yaxın bir neçə ay ərzində davam etməsi isə daha bir devalvasiyaya səbəb ola bilər".

Düzdür, ötən bir ildə neft iki dəfə ucuzlaşıb və nəticədə Azərbaycanın gəlirləri əvvəlki illərlə müqayisədə xeyli azalıb. Ancaq bütün bunlar pessemist olmağa əsas vermir. Çünki neftin qiymətinin aşağı olması həm də qeyri-neft sektorunun inkişafını sürətləndirə bilər. Bu isə, öz növbəsində, ölkə iqtisadiyyatının güclənməsinə, iqtisadi çətinliklər zamanı ölkənin maliyyə problemlərində dayanıqlığının artmasına kömək edə bilər.

Maraqlıdır, ekspertlər iki tanınmış beynəlxalq bankın manatla bağlı proqnozlarını necə dəyərləndirir?

Sözügedən məsələni dəyərləndirən iqtisadçı-ekspert Nicat Hacızadənin fikrincə, DB-nin manatı nisbətən sabit olaraq qiymətləndirməsi Azərbaycandakı qeyri-neft sektorunun inkişafı ilə bağlıdır: "Qeyri-neft sektorunun inkişafı neft ixracatçısı olan ölkənin neftdən asılılığını azaldır. Dünya Bankı da Azərbaycanda qeyri-neft sektorunun inkişafını digər MDB ölkələri ilə müqayisədə daha yaxşı qiymətləndirib. Bu isə o deməkdir ki, Azərbaycan digər MDB ölkələri ilə müqayisədə daha sabit valyutalı ölkədir. Asiya İnkişaf Bankının Azərbaycan haqqında proqnozuna gəldikdə isə, bu, neftlə bağlıdır. Yəni sözügedən bank Azərbaycanda devalvasiyanın olacağını "qara qızıl"ın dünya bazarındakı qiyməti ilə əlaqələndirir. Bu, neftin qiyməti ilə bağlıdır. Yəni neftin qiyməti bir az da düşsə, manat zəifləyə və bu yolla dollar bahalaşa bilər. Belə olan halda isə devalvasiya olacaq və dollar bahalaşacaq. Belə olsa, o zaman bu, ölkədə inflyasiyaya səbəb ola biləcək. Nəzərə almaq lazımdır ki, Azərbaycanda idxal məhsulları mövcuddur. Devalvasiya baş verərsə, həmin məhsulların qiyməti də qalxacaq. Ölkəyə idxal edilən məhsulların qiymətinin qalxması isə inflyasiya yarada bilər. Ancaq qeyri-neft sektorunda artımlar davam edəcəyi halda, bu risqlər azalacaq. Bu amili nəzərə almaq lazımdır".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...