Kredit götürənlərin sayı niyə sürətlə çoxalır?

Tarix: 27.10.2015 / 01:30
Bölmə: İqtisadiyyat

Oqtay Haqverdiyev: "Banklar risqli müştərilərə kredit verməməlidir"

"İnsanlar bir banka olan borcunu ödəmək üçün digər banka müraciət edir, nəticədə borclananların sayı artır"

2014-cü ilin avqust ayı ilə müqayisədə 2015-ci ilin eyni dövründə kredit təşkilatlarından borcalanların sayı 13,36%, başqa sözlə, 293 334 nəfər artaraq bu ilin sentyabr ayının 1-nə 2 mln. 488 min 300 nəfərə çatıb.

Açıqlanan statistik rəqəmlərə əsasən, bunun 11 min 128 nəfəri hüquqi, 2 mln. 454 min 2-si fiziki şəxs, 23 min 170 nəfəri sahibkarlıq subyektidir.

Statistik məlumatların təhlili göstərir ki, fiziki şəxslər arasında borcalanların sayı kəskin artır. Belə ki, 2014-cü ilin avqust ayından indiyədək daha 288 455 fiziki şəxs borcalanların siyahısına daxil olub. Hesabat dövründə borcalan hüquqi şəxslərin sayında 544 nəfər, sahibkarlıq subyektlərinin sayında isə 4335 nəfərlik artım olub.

Təkcə 2015-ci ilin iyul ayı ilə müqayisədə avqustda bankdan kredit götürən fiziki şəxslərin sayında 15 734, sahibkarlıq subyektlərinin sayında 219, hüquqi şəxslərin sayında isə 45 nəfərlik artım olub.

Bu ilin avqust ayında Mərkəzləşdirilmiş Kredit Reyestrinə (MKR) üzv təşkilatlardan 279 181 sorğu daxil olub. Başqa sözlə, son bir ildə MKR-ə müraciətlərin sayı 7223 və ya 2,52% azalıb. Bu sorğuların 265 361-i banklar tərəfindən daxil olub. 13820 nəfər isə öz kredit tarixçəsi barədə məlumat almaq məqsədilə kredit reyestrinə müraciət edib.

Ekspertlərin fikrincə, kredit götürənlərin sayının artması gözləniləndir.

İqtisadçı-ekspert Oqtay Haqverdiyev bizimlə söhbətində bildirdi ki, kredit götürənlərin sayının artmasının bir neçə səbəbi var: "O səbəblərdən biri bəzi ailələrdə sosial durumun normal olmamasıdır. Kredit götürənlərin sayının artması tək Azərbaycanda deyil, bir çox ölkələrdə yaşanır. Kredit götürən insanların əksəriyyəti eyni adamlardır. Yəni o insanlar bir banka olan borcunu ödəmək üçün digər banka müraciət edir. Nəticədə borclananların sayı artır. Amma o insanlar götürdüyü krediti necə qaytaracağını düşünmürlər. Nə də ki, banklar insanlara izah etmir ki, sizin artıq bir neçə banka borcunuz var və siz risqli müştərisiniz. Banklar risqli müştərilərə kredit verməməlidir".

İqtisadçının sözlərinə görə, istehlak kreditlərinin artması tələbatın göstəricisidir: "Bu, problemli kreditlərin artmasına da birbaşa təsir göstərir. Onsuz da banklarda kifayət qədər ödənilməyən borclar var. Əgər bankın problemli kredit faizi 5 faizdən çoxdursa, bu, bankın çökməsinə səbəb ola bilər.

10 faizə çatanda sistem müflis olur. Azərbaycanda bəzi banklarda bu rəqəm 1-2 faiz, bəzilərində 5 faizdən yuxarı, hətta 10-15 faizdir. Onlar müflis olmaq təhlükəsindədir. Fəaliyyətlərini davam etdirsələr də, zərərlə işləyirlər".

Günel CƏLİLOVA

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...