Asiya İnkişaf Bankının manatın ikinci devalvasiyası proqnozu real sayılmadı

Tarix: 24.09.2015 / 04:27
Bölmə: İqtisadiyyat

Asiya İnkişaf Bankının açıqladığı "Asian Development Outlook" hesabatına dair yeniləməsində Azərbaycanın tədiyyə balansının profisiti üzrə proqnozunu aşağı salıb. Hesabatda verilən proqnozlara görə, 2015-ci ildə Azərbaycanın tədiyyə balansının müsbət saldosu üzrə proqnoz ümumdaxili məhsulun 12 %-dən 6 %-dək aşağı salınıb. 2016-cı il üçün isə həmin göstərici 13,4 %-dən 8 %-dək endirilib. Bank bunu neftin qiymətinin düşməsi və il ərzində "qara qızıl"ın dəyərinin artmayacağı ilə izah edib.

Asiya İnkişaf Bankı Azərbaycanda 2015-ci ildə ÜDM-in artımının 3,0 %, 2016-cı ildə isə 2,8 % olacağını proqnoz edir. Bankın açıqlamasında bildirilir: "İqtisadi inkişaf və məşğulluğun əsasını dövlət investisiya proqramı təşkil edir, lakin dövlət büdcəsinin gəlirləri neftin qiymətinin düşməsi fonunda təzyiq altında qalıb".

Qurum neftin qiymətinin aşağı düşməsi səbəbindən bir sıra investisiya layihələrinin təxirə salınmasının 2016-cı il dövlət büdcəsinin həcminin azalması ilə nəticələnəcəyini proqnozlaşdırır. Bu ilin fevralında Mərkəzi Bankın baş verən devalvasiyadan sonra yeni məzənnəni saxlamaq üçün gördüyü tədbirlər rəsmi valyuta ehtiyatlarının bu ilin yanvar- avqust ayları ərzində 30% azalmasına səbəb olub.

Bank hesab edir ki, neftin qiymətinin aşağı düşməsi manatın məzənnəsinə əlavə təzyiq göstərir və bu tendensiyanın yaxın bir neçə ay ərzində davam etməsi daha bir devalvasiyaya səbəb ola bilər.

Maraqlıdır, ikinci devalvasiyanın baş verməsi nə dərəcədə realdır?

Sözügedən məsələni dəyərləndirən iqtisadçı-ekspert Vüqar Bayramov bunu istisna etdi: "Manatın dollara nəzərən məzənnəsini müəyyənləşdirən zaman neftin dünya bazar qiymətinin cari təsiri olmur. Fevral ayından başlayaraq, Mərkəzi Bank ikivalyutalı səbətindən istifadə edir. Əvvəllər valyuta səbətində dollar əsas götürülürdüsə və dollara nisbətən manatın məzənnəsi müəyyən edilirdisə, hazırda dollarla yanaşı, avro da valyuta səbətində var. Dünya bazarındakı dəyişikliklərə uyğun manatın həm dollara, həm də avroya nəzərən məzənnəsi dəyişir. Manatın növbəti mərhələlərdəki məzənnəsi daha çox avro-dollar münasibətləri və qlobal valyuta bazarındakı vəziyyətdən asılı olacaq. Mərkəzi Bank yaxın aylarda devalvasiyaya getməməyə çalışır. Səbəb də odur ki, yeni devalvasiya bank, eləcə də özəl sektora mənfi təsir göstərə bilər. Digər tərəfdən, bir il ərzində iki dəfə devalvasiya iqtisadi baxımdan arzuolunan deyil. Bundan əlavə, dollarlaşma prosesinin artıq əksi müşahidə edilir. Belə ki, dövriyyədə bəlli həcmdə manat var. Bu manatın əhəmiyyətli hissəsi dollara çevrilib. Dövriyyədə olan manatın əsas hissəsi dollarlaşdığından və biznes subyektləri, eləcə də insanlar cari xərclərdə manatdan istifadə etdiklərindən, məcburdurlar ki, xarici valyutalarını hissə-hissə manata çevirsinlər. Avqust ayında Mərkəzi Bankın intervensiya xərcləri bir milyard dollardan çox olub. Bunun da səbəbi avqustun ortalarında Qazaxıstan tengesinin dəyər itkisindən sonra valyuta bazarında ajiotajın yaradılmasıdır. MB-nin xarici valyuta ehtiyatları iyul ayına nisbətən 1 milyard dollar azaldı. Ajiotajlar olmasa, MB-in intervensiya xərcləri kəskin dəyişməyəcək. Nəzər salsaq görərik ki, may ayında aprel ayına, iyunda isə may ayına nisbətən Mərkəzi Bankın valyuta ehtiyatları artıb. İyulda çox cüzi azalma qeydə alındı. Bu onu göstərir ki, may ayından başlayaraq Mərkəzi Bankın intervensiyasına ciddi ehtiyac olmayıb".

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...