Xaricdə ev alan azərbaycanlıların sayı artır

Tarix: 24.09.2015 / 04:30
Bölmə: İqtisadiyyat

Azərbaycanın daşınmaz əmlak bazarında qiymətlərin nəzərəçarpacaq dərəcədə aşağı düşməsinə baxmayaraq, bu sahədə hələ də istənilən aktivlik yoxdur. Lakin bu o demək deyil ki, mənzil alışı tamamilə dayanıb. Müəyyən həddə alış və satışlar var. Ekspertlər isə hesab edir ki, mənzil bazarında istənilən aktivliyin olmamasının gsas səbəbi müəyyən qism alıcıların xaricdə ev və kommersiya obyekti almağa daha çox meyllənməsidir.

Həmişəki kimi isə, Türkiyə azərbaycanlı ev alıcılarının xüsusi diqqət mərkəzindədir. Yeri gəlmişkən qeyd edək ki, bu ilin avqust ayında Türkiyədə 112 463 fərdi mənzil satılıb. Türkiyə Statistika Təşkilatı (TÜİK) bildirir ki, keçən ay satılan mənzil sayı əvvəlki aya nisbətən 16,4%, ötən ilin avqustu ilə müqayisədə isə 6,5% artıb. Xaricilərə mənzil satışı avqustda keçən ilin eyni ayı ilə müqayisədə 15,2% artaraq 2 044 olub. Bu sahədə ilk sırada İstanbul qərarlaşıb. Sonrakı yerləri Antalya, Bursa, Yalova, Sakarya, Trabzon bölüşür. İraq vətəndaşları keçən ay 401 mənzil alaraq avqustda Türkiyədə ən çox mənzil alan xarici vətəndaşlar olublar. Sonrakı sıralarda Səudiyyə Ərəbistanı, Küveyt, Rusiya, İngiltərə vətəndaşları qərarlaşıb. Cari ilin ötən dövrü ərzində isə alınan mənzillərin sayına görə azərbaycanlılar ilk onluqda yer alır. Xatırladaq ki, 2014-cü ildə Türkiyədə mənzil alan azərbaycanlıların sayı 2 min nəfərdən artıq olub. Bu il ərzində isə təxminən üç min nəfər Azərbaycan vətəndaşı Türkiyədə mənzil sahibi olub. Cari ilin sonuna kimi onların sayının dörd mini keçəcəyi istisna olunmur. Onu da bildirək ki, Türkiyədə mənzil alanlar şəhərindən və yerləşdiyi ərazidən asılı olaraq iki kateqoriyaya bölünür. Birinci kateqoriyada, xüsusilə kurort şəhərlərində mənzil alanlar yer alır. Bura Bodrum, Kəmər və Antalya başda olmaqla bahalı mənzillər alanlar daxildir.

İkinci kateqoriya isə, daha çox, say etibarilə nisbətən orta qiymətə üstünlük verənlərdir. Statistika göstərir ki, Türkiyədə ev alan azərbaycanlılar daha çox 100-150 min dollara mənzil sahibi olmağa üstünlük verir. Qiymətlərə gəlincə, İstanbulun mərkəzi hissələrində 150 min dollara alınan mənzillərin sahəsi paytaxt Bakıda alınan mənzillərlə müqayisədə daha böyükdür. Nəticə olaraq daha az vəsait xərcləməklə İstanbul şəhərində mərkəzə daha yaxın və sahəsi daha böyük mənzil almaq mümkündür. Ümumiyyətlə, azərbaycanlılar daha çox İstanbulda daşınmaz əmlak almağa maraq göstərir. Soydaşlarımızı Türkiyədə daşınmaz əmlak alışına sövq edən əsas səbəblərdən biri isə kommersiya maraqlarıdır. Çünki Türkiyədə əmlakın icarəyə verilməsi gəlirli biznes sayılır. İtaliya, Fransa, İspaniya kimi ölkələrlə müqayisədə burada icarə biznesinin gəlirlilik səviyyəsinin daha yüksək olduğu bildirilir. Ekspertlərin fikrincə, ölkə vətəndaşlarının qonşu Türkiyəyə daşınmaz əmlak üçün üz tutmasının əsas səbəblərindən biri onun daha yaxın olması və bu ölkədə, Azərbaycan da daxil olmaqla, bir neçə dövlətə qarşı qoyulmuş qadağanın aradan qaldırılmasıdır.

Qeyd edək ki, xaricdə ev almağa üstünlük verən azərbaycanlılar Türkiyədən başqa Mərkəzi və Şərqi Avropa ölkələrində də mülk sahibi olmağa üstünlük verir. Vətəndaşlarımız bu ölkələr arasında daha çox Çexiya Respublikasına üz tutur. Çexiyanın "Mlada Fronta Dnes" qəzeti də yazır ki, Çexiyanın paytaxtı Praqada on milyonlarla krona elit daşınmaz əmlak alan azərbaycanlıların sayı artır. Bildirilir ki, son vaxtlar Çexiyada elit daşınmaz əmlak alanlar arasında, rusiyalılarla yanaşı, azərbaycanlıların da sayı çoxalmaqdadır. Xatırladaq ki, Çexiya prezidenti Miloş Zeman bu günlərdə Bakıda səfərdə olarkən azərbaycanlıları Çexiyaya investisiya yatırmağa çağırıb: "Çexiyada çoxlu gözəl yerlər, o cümlədən kurortlar və otellər var. Pullarınızı Çexiyaya yatırsanız, əmin olun ki, onu itirməyəcəksiniz".

"Mlada Fronta Dnes" qəzeti yazır ki, Miloş Zemanın bu çağırışı zəngin azərbaycanlıların Çexiyada bahalı mülklər almasının motivlərini izah edir. Çexiyada daşınmaz əmlaka investisiya yatırılmasında vasitəçi kimi çıxış etmiş vəkil adının açıqlanmaması şərtilə qəzetə deyib ki, Azərbaycan pulları bir müddətdir Çexiyanın daşınmaz əmlak bazarına axır. Bu keçmiş sovet respublikasından olan zənginlər Praqanın dəbdəbəli mənzillərinə maraq göstərir. Bildirilir ki, Praqada mənzil alan azərbaycanlıların sayı ruslardan daha azdır, ancaq onlar Praqanın yeni tikilən mənzillərinə getdikcə daha çox investisiya yatırırlar. Ruslar Praqada mənzilləri məxsusi olaraq bu iş üçün ixtisaslaşmış Rusiya daşınmaz əmlak şirkətləri üzərindən almağa üstünlük verir, azərbaycanlılar isə əsasən birbaşa alırlar. Eyni zamanda, son illər Macarıstan və Polşada da mənzil alanlar sırasında soydaşlarımız var.

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...