"Qızıl Payız"la uduş sevinci yaşayın...

Tarix: 23.09.2015 / 02:12
Bölmə: İqtisadiyyat

Payızın gəlişi təkcə havaların küləkli, yağışlı keçməsində deyil, həm də lotereyalarda qeydə alınan uduşların sayında müşahidə olunur. Payız hər cəhətdən bərəkətli aydır. Sentyabr ayı başlar-başlamaz, təkcə "Binqo" lotereyası Hicran Əhmədovaya, İntiqam Məmmədova, Xədicə Fərəcovaya və Elnur Əhmədova avtomobil uduşunun sevincini yaşatdı. Bu bəxtəvər həmvətənlərimiz "Chevrolet Aveo" avtomobillərinə sahib oldular.

Qeyd etmək lazımdır ki, "Binqo" lotereyasında oynanılan, tirajdan-tiraja keçən iri uduşların ümumi məbləği 450 min manatdan çoxdur. Bu lotereyanın uduş səbətində "Chevrolet Aveo" avtomobili və tirajın irili-xırdalı pul uduşlarından savayı 15 min manat məbləğində "Cek Pot", 60 min manat məbləğində "Fortuna", 75 min manat məbləğində "Meqa Pot", 135 min manat məbləğində "Binqo" və nəhayət, 175 min manat məbləğində "Super Binqo" uduşları iştirakçıları gözləyir. Bu qəbildən olan uduşlar "Azərlotereya"nın digər həftəlik lotereyalarında da oynanılır. Sentyabr ayında "Super Loto" lotereyasından "Kia Rio" avtomobilinə sahib olan Asim Əkbərov və Rövşən Abdullayev təbii ki, hazırda bu lotereyada oynanılan 189 min manat məbləğində "Meqa Pot" uduşuna iddialılar sırasındadırlar.

Nəhayət, şübhə yoxdur ki, hazırda ölkə lotereyalarında oynanılan ən böyük məbləğ - "Klassik Loto"nun 219 min manat məbləğində "Meqa Pot"u lotereya həvəskarlarını ciddi düşündürür. Yəqinliklə demək olar ki, bu ayın üçüncü dekadasından başlayaraq, həftəlik lotereyalarda bu tipli uduşların məbləğləri daha tez və daha sanballı şəkildə artmağa başlayacaq. Bu yəqinlik isə planlaşdırılan konkret tədbirlərə əsaslanır. Belə ki, lotereya iştirakçılarının tövsiyə və təkliflərini nəzərə alan "Azərlotereya" ASC qərara alıb ki, "Binqo", "Klassik Loto" və "Super Loto" tirajlı lotereyalarında tirajdan-tiraja keçən uduşların hər biri üçün əvvəlcədən elan olunmuş gedişlərin sayını mütəmadi olaraq artırsın.

Lotereyasevərlər üçün digər maraqlı məlumat ondan ibarətdir ki, lotereya həvəskarlarının səbrsizliklə gözlədikləri ənənəvi payız layihəsi olan "Qızıl Payız" lotereyasına start verilir. "Qızıl Payız" lotereyası mövsümi lotereyalar içərisində öz populyarlığına, sadəliyinə görə xüsusi yer tutur. Təsadüfi deyil ki, intellektual və həftəlik lotereyalarda kifayət qədər iri uduşların oynanılmasına baxmayaraq, istehlakçılar bu lotereyada məmnuniyyətlə iştirak edirlər. "Qızıl Payız" beş turdan ibarətdir. Birinci turda lotereya biletinin istənilən üfüqi sıralarından hər hansı biri ən tez dolmuş bilet uduşlu sayılır. Bu qayda ilə, ikinci turda hər hansı iki, üçüncü turda hər hansı üç, dördüncü turda hər hansı dörd üfüqi sırası ən tez dolmuş biletlər uduşlu sayılır. Beşinci tur uduş fondu bitənədək davam edir və bu turda bütün üfüqi sıraları tam dolmuş biletlər uduşlu sayılır. Bu lotereyanın tirajı iştirakçılar üçün maraqlı olan bir neçə xüsusiyyətə malikdir. Əvvəla hər hansı turda istənilən uduşa düşmüş lotereya bileti oyunu sonadək davam etdirir və bu biletin bütün uduşları cəmlənir. İkincisi, istənilən turun qalibi və ya qalibləri udduqları sanballı pul uduşlarından başqa ilk "gözləyənlər" kimi əlavə mükafatlandırılır. Nəhayət, "Qızıl Payız" lotereyası belə bir özəlliyə malikdir ki, burada iştirakçılar əsl uduş sevincini əsas oyun başlanmazdan əvvəl, həvəsləndirici turda yaşayırlar. Belə ki, əsas turlar başlamamış lototrondan çıxarılan altı rəqəm lotereya biletinizin nömrəsi ilə uyğun gələrsə, deməli, siz 20 min manatın sahibisiniz. Qeyd etmək lazımdır ki, 20 min manat yüz faiz uduşludur. Başqa sözlə desək, uduşlu nömrə satılmamış lotereya biletinə təsadüf etdiyi halda şarlar yenidən lototrona qaytarılır, yeni uduşlu nömrə müəyyən edilir və bu prosedur uduş öz sahibini tapana qədər davam edir.

Əsas turlar başa çatdıqdan sonra, bu qayda ilə 10 min manat məbləğində daha bir uduş oynanılacaq. Bu məbləğ də yüz faiz uduşludur. Yeri gəlmişkən, həvəsləndirici turlarda uduşa düşmüş lotereya biletləri də oyunu, əsas turlar da daxil olmaqla, sonadək davam etdirir və bütün uduşlar cəmlənir. Nikbin olun, uğur nikbinləri tapır! Bu payız "Qızıl Payız"la uduş sevinci yaşayın!

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...