Azərbaycan turistlərinin xaricə böyük həcmdə pul çıxarmaları hələ davam edir

Tarix: 23.09.2015 / 02:51
Bölmə: İqtisadiyyat

Dünya iqtisadiyyatında baş verənlər turizm sektoruna da təsirsiz ötüşməyib. İndi turist ölkələri, məsələn, Yunanıstan və Türkiyə əvvəlki qədər turist qəbul edə bilmir. Azərbaycana gəlincə, ölkəmizə təşrif buyuran turistlərin sayında artım müşahidə olunur. Amma istirahət üçün xaricə üz tutan azərbaycanlıların da sayı az deyil. Cari ilin ilk yarısında xarici ölkələr tərəfindən Azərbaycan sakinlərinə turizmlə bağlı göstərilən xidmətlərin dəyəri 1,223 milyard dollar təşkil edib.

Xarici ölkə vətəndaşlarına turizmlə bağlı göstərilən xidmətlərin dəyəri isə 1,104 milyard dollar olub. Turizm xidmətləri üzrə 118 min 413 dollarlıq defisit yaranıb. Lakin ötən ilə nisbətən cari ildə turistlərin Azərbaycanda daha çox vəsait xərcləyəcəyi gözlənir. Qeyd edək ki, 2014-cü ildə Azərbaycana gələn turistlər 1,3 milyard manat vəsait xərcləyib. Bu ilin ilk yarısında isə xərclənən məbləğ artıq buna çatır. Son on ildə isə ölkəmizə gələn turistlərin sayı 1,1 milyondan 2,3 milyona qədər artıb. Bu müddətdə otellərin sayı 262-dən 535-ə, turizm müəssisələrinin sayı isə 197-dən 286-ya çatıb. Bu ilin ötən doqquz ayı ərzində isə Azərbaycana bir milyona yaxın turist səfər edib. Azərbaycana turistlər əsasən Rusiya, Türkiyə, Gürcüstan və İrandan gəlir. Amma qonşu ölkələrdə baş verən iqtisadi çətinliklər turistlərin sayına təsir edir. Məsələn, Rusiyadan gələn turistlərin sayında bu il 87 minə yaxın azalma olub.

Lakin digər ölkələrdən gələn turistlərin sayının artması gözlənir. Xüsusən də viza rejiminin asanlaşdırılmasından sonra bu xüsusda mühüm yeniliklər olacaq. Qeyd edək ki, viza ilə bağlı Nazirlər Kabinetinin "Turizm şirkətlərinə viza vermək hüququ verən akkreditasiya qaydaları" təsdiqlənib. Artıq 65 turizm şirkəti bu hüquqa malikdir. İnanırıq ki, bu, Azərbaycana çoxlu sayda turistin gəlməsinə imkan verəcək. Amma digər addımlar da vacib sayılır. Məsələn, dünyada turizmin inkişaf etdiyi ölkələrin əksəriyyətində sahibkarlar üçün vergi güzəşti tətbiq edilir. Ölkəmizdə də bunu tətbiq etmək vaxtı çatıb. Ümumiyyətlə, bazar iştirakçılarının fikrincə, Azərbaycanda turizmin inkişafı üçün həvəsləndirici siyasət tətbiq edilməlidir, bura turizm mərkəzləri və regionlarda istirahət zonaları üçün müəyyən müddətə əlavə dəyər vergisinin ləğvi daxil edilə bilər. Bu arada xatırladaq ki, Azərbaycan Turizm Assosiasiyası turizmin inkişafı üçün mühüm rol oynayan 2, 3 ulduzlu otellərin tikintisi üçün sahibkarlara müvafiq güzəştlərin verilməsini nəzərdə tutan təkliflərinin müzakirə olunması üçün Mədəniyyət və Turizm Nazirliyinə təqdim edib. Assosiasiya sədrinin müşaviri Müzəffər Ağakərimov bildirib ki, 2, 3 ulduzlu otellərin tikintisi üçün sahibkarlara müvafiq güzəştlər edilməlidir. Təkliflərdə güzəştlərin nədən ibarət olmasına gəldikdə, M.Ağakərimov deyib ki, 2, 3 ulduzlu otel tikmək istəyən sahibkarlara 1 il ərzində güzəştlər edilməlidir. Sahibkara torpaq sahəsinin alınması, tikinti işlərinin aparılması üçün güzəştlər olunmalıdır. O bildirib ki, amma bir il ərzində göstərilən güzəştlərin konkret nədən ibarət olmasını dövlət qurumları müəyyən etməlidir: "Otel qonaqlarını qəbul edənə kimi sahibkara güzəştlər edilməlidir. Çünki sahibkar ev tikir və qısa zaman ərzində ondan gəlir götürür. Otel tikən iş adamı isə 6-7 ildən sonra maya dəyərini geri qaytara bilir. Buna görə də güzəştlər olmalıdır. Biz öz təkliflərimizi bildirmişik, hazırda təkliflərə baxılır".

Aydındır ki, belə otellərin tikilməsi Azərbaycana daha çox turistin gəlməsinə, turizmin inkişafına, yeni iş yerlərinin açılmasına gətirib çıxarar. Xatırladaq ki, Prezident İlham Əliyev Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasında bildirib ki, Azərbaycanda 3 ulduzlu otellər azdır, 2 ulduzlu otellər yoxdur: "O qədər də böyük maddi imkanlara malik olmayan ailələr istirahət edə bilmirlər. Budur reallıq. Azərbaycanda o qədər gözəl yerlər var ki, heç xaricə getmək lazım deyil. Dağlar, meşələr, dəniz, çaylar, göllər, xizək kurortu. Ona görə bu üç məsələyə mütləq baxmaq lazımdır - vizalar, biletlərin, otellərin qiymətləri və 3, 2 ulduzlu otellərin tikintisi. Yaxşı olardı ki, Mədəniyyət və Turizm Nazirliyi də bu məsələlərlə bağlı tövsiyələr versin və eyni zamanda, sahibkarlar da bunları eşitsinlər".

Tahir TAĞIYEV

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...