ABŞ gündəlik neft hasilatını 13 milyona qaldırsa...

Tarix: 19.09.2015 / 02:40
Bölmə: İqtisadiyyat

"İndiki vəziyyətdə dünya bazarında təklif tələbi üstələyir"

İlham Şaban: "Bu tip öncədən verilən proqnozlar bazara neqativ təsir edə bilir"

Maliyyə naziri Samir Şərifov mətbuata açıqlamasında bir sıra maraqlı məqamlara toxunub. Onun sözlərinə görə, neftin qiyməti ilə bağlı proseslər göründüyü kimi sadə deyil. Nazirin fikrincə, iqtisadi məntiqə zidd olan siyasi oyunların aparılması neftin qiymətlərinin kəskin aşağı düşməsinə səbəb olub. Bu səbəbdən ötən illə müqayisədə neftin qiyməti 2 dəfədən çox azalıb:

"Söhbət təxminən 60 faizlik ucuzlaşmadan gedir. Bu yalnız nefti hasil edən ölkələrin iqtisadiyyatına deyil, təəccüblü görünsə də, neft idxal edən ölkələrin iqtisadiyyatına da mənfi təsir edir. Bildiyimiz kimi, neftin ucuzlaşması neftin hasilatının kəskin artımı ilə əlaqələndirilir. Söhbət ABŞ-da neft hasilatının artımından gedir. Son dövrlər ABŞ-da neft hasilatı gündəlik 2 milyon barreldən 3 milyon barrelə qaldırılıb. Bu ilin sonuna gözlənir ki, bu göstərici 13 milyon barrel səviyyəsinə qaldırılsın. Bununla yanaşı, OPEC-ə daxil olan ölkələr hasilatı azaltmayıb. Əksinə, burada da artım müşahidə olunur. Onların strategiyası budur ki, ənənəvi hasilatla məşğul olan ölkə və ya şirkətlər öz bazar payını qorumalıdır. Bunun nəticəsində bazarda tələb təklifi üstələyir. Bu isə neftin kəskin ucuzlaşmasına səbəb olub. Eyni zamanda, burada iqtisadi məntiqə zidd olan siyasi oyunların olmasını da biz istisna etmirik".

Məlum səbəblər üzündən neftin qiyməti 50 dollar ətrafında dəyişir. Maraqlıdır, ilin sonuna ABŞ-da neft hasilatı gündəlik 13 milyon barrel səviyyəsinə qaldırılarsa, o zaman neftin qiyməti hansı həddə qədər düşə bilər?

Sözügedən məsələni dəyərləndirən Neft Araşdırmaları Mərkəzinin rəhbəri İlham Şabanın fikrincə, neft qiymətləri ilə bağlı verilən proqnozlar qiymətlərə təsir edir: "Ötən həftə Amerikanın Enerji Agentliyi neft qiymətləri ilə bağlı açıqlama verdi. Bu proqnoz həftənin sonunda neftin qiymətinə öz təsirini göstərdi və neft 47 dollara qədər ucuzlaşdı. Bu tip öncədən verilən proqnozlar bazara neqativ təsir edə bilir. Enerji bazarını qızdıran amillər olmalıdır. Bazarda tələb təklifi üstələməlidir. Bu qış soyuq keçərsə, bu zaman enerji ehtiyatına ehtiyac çoxala bilər. Ya hər hansı bir təlatümlü vəziyyət yaranarsa, bu da qiymətlərə öz təsirini göstərə bilər. Ehtimallara görə, neftin qiyməti mövsümlə bağlı olaraq arta bilər. Lakin hazırda neft iqtisadi faktorlardan asılıdır. İndiki vəziyyətdə dünya bazarında təklif tələbi üstələyir. Ümumiyyətlə, qlobal iqtisadi çökmə gedir.

Bunun nəticəsində də fond indeksləri öz dəyərini itirir, sonda da bütün iqtisadi proqnozlar, 2015-ci ilin ikinci yarısı üçün gözlənilən pozitiv rəqəmlər korrektə olunacaq. Heç kəs belə çökmə gözləmirdi. Bu da enerji resurslarına olan tələbatı azaldır. Digər tərəfdən, dünyanın hazırkı iqtisadi vəziyyəti o hala çatıb ki, istehsal edilən neft, təkcə neft yox, ümumiyyətlə, enerji - kömür, qaz, alternativ enerji - bunlar tələbatdan yüksəkdir. Bu da enerji daşıyıcılarının qiymətinin kəskin ucuzlaşmasına səbəb olur".

Vidadi ORDAHALLI

DİGƏR XƏBƏRLƏR

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 10:36

Sabahdan vint, bolt və qaykaların ixrac tarifi 20 DƏFƏ ARTIRILIR...

Tarix: 21.10.2026 / 17:06

Azərbaycan daha bir rekord vurdu - "tranzitlərin rekordu"...

Tarix: 21.10.2026 / 16:50

Neft Fondumuzun çox valyuta qazanmasına mane olan tək səbəb var...

Tarix: 21.10.2026 / 13:35

Azərbaycanda yeni bank yaradıla bilər - Aİ-dən TƏKLİF...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...