Azərbaycanda qızıl kəskin ucuzlaşa bilər

Tarix: 08.04.2015 / 01:55
Bölmə: İqtisadiyyat

Qızıl bazarı böyük dəyişiklik ərəfəsində...
Dünya maliyyə bazarlarında cərəyan edən hadisələr qızılın qiymətinə də getdikcə daha çox təsir göstərməkdədir. Xüsusən də son aylarda dolların məzənnəsinin əksər valyutalar qarşısında yüksəlməsi qızılın ucuzlaşmasına gətirib çıxarmaqdadır. Yaxın dövr üçün bu prosesin davamlı xarakter alması gözlənir. Çünki dünya bazarlarına daha çox həcmdə qızıl çıxarılması gözlənir ki, bu da qiymətlərə mütləq mənada təsir göstərəcək.
Məsələ burasındadır ki, dünyanın mərkəzi banklarının bir çoxu qızılla rezervlərini azaltmaq qərarına gəlib. Qeyd edək ki, 2004-2014-cü illərdə Mərkəzi Bankların qızıl rezervləri 5 dəfə artıb. Nəticədə 2014-cü ildə bu rəqəm 12 trilyon dollar təşkil edib. Lakin 2015-ci ilin martında qızıl rezervlərinin həcmi 11,6 trilyon dollar olub. Analitiklər hesab edir ki, azalma dolların avro və digər valyutalara nisbətən dəyərinin möhkəmlənməsi ilə bağlıdır. Həmçinin, ehtiyatların satışa çıxarılması da burada öz rolunu oynayır. "Credit Suisse" mərkəzinin qiymətləndirmələrinə görə, dünya üzrə rezervlərin üçdə ikisinin məxsus olduğu mərkəzi banklar dördüncü rübdə 54 milyard dollar itiriblər. Analoji hadisə 2008-ci ildə maliyyə böhranı zamanı qeydə alınıb.
Dünyada ən çox qızıl rezervlərinə sahib olan Çin ehtiyatlarını 4 trilyon dollardan 3,8 trilyona endirib. Rusiyanın qızıl rezervləri isə 25% azalıb və 361 milyard dollar təşkil edib. Səudiyyə Ərəbistanının rezervləri 721 milyard dollara qədər azalıb. "Deutsche Bank"ın ekspertlərinə görə, tendensiya neftin qiymətinin düşməsi fonunda yaxın aylarda da davam edəcək.
Təbii ki, qızılın ucuzlaşması Azərbaycana da təsirsiz ötüşmür. Sn günlərə qədər bahalaşan qızılın yenidən qiymətində eniş gözlənir. Bəlkə də bu səbəbdəndir ki, alıcıların çoxu gözləmə mövqeyindədir. Hazırda Azərbaycanda qızıl bazarında alıcılıq qabiliyyəti olduqca düşüb və durğunluq yaşanır. Məsələ ilə bağlı iqtisadçı-ekspert Rəşad Həsənov Azərbaycanda qızılın bahalaşmasına dünya bazarındakı qiymət artımının da təsir etdiyini bildirib: "Dünya bazarında qiymətlərin qalxmasından sonra hazırda ölkədə də bahalaşma müşahidə olunur və bunu kəskin bahalaşma kimi də qiymətləndirmək olar. Təxminən qızılın qiyməti 30 faiz bahalaşıb. Bu bahalaşma ilkin vaxtlarda daha yüksək idi. Hətta 40 faizdən də yüksək. Ancaq tələbatın azlığı, eyni zamanda qızıl bazarında yaşanan durğunluq faktiki olaraq indiki qiymətlərin nisbətən aşağı düşməsinə gətirib çıxaracaq. Hazırkı qiymətlər iki ay bundan öncəkindən 30 faiz bahadır. Ancaq qeyd etdiyim kimi, bunu son qiymət olaraq müəyyənləşdirmək olmaz. Çünki, ümumiyyətlə, 2015-ci ildə qızıl bazarında çox ciddi durğunluq yaşanacaq. Bunun nəticəsində də mümkündür ki, Azərbaycan qızıl bazarında yeni trend formalaşsın və əvvəlki şərtlər daxilində qızılın alış-satışı arasında təqribən 10-15 dollar fərq yaransın. Eyni zamanda bu fərqin 6-7 dollara qədər azalma ehtimalı da var. Çünki hazırkı dönəmdə qızılın satışının azlığı hadisələrin bu istiqamətdə cərəyan edəcəyini göstərir".
Ekspertlər qızılın bundan sonra sürətli artımını gözləmir. Ən azı, növbəti 20 il ərzində hansısa ciddi dəyişiklik olmayacaq. Lakin həmin vaxtdan sonra vəziyyətin ciddi şəkildə dəyişməsi gözlənir. "Goldman Sachs" bankının analitikləri bildirir ki, dünya artıq 20 il sonra qızıl kimi əmtəə mallarının əsaslı defisitini yaşayacaq. Onların hesablamalarına görə, qızıl, almaz və sink ehtiyatları 20 illiyədək bəs edəcək: "2 faktor əsasında: yer qabığında metalların çox aşağı konsentrasiyası və yüksək keyfiyyətli yataqlarının çox az sayda olması bəzi xammalların həqiqətən də tükənməsindən xəbər verir". Bankın Avropa bölməsinin analitiki Yevgeni Kinq əlavə edib ki, artıq 4 min ildir qızıl zənginliyin göstəricisidir. Kinq hesab edir ki, müqayisə olunan defisit və bazarın yeni yataqların üzə çıxmaması barədə inamlı olması bu nadir metal növünün bahalaşmasında əsas ünsür olacaq. Bundan əlavə, ekspert düşünür ki, qızılın əldə olunmasının pik həddi gələn il yaşanacaq, bu ildən sonra qızıl hasilatında azalma baş verəcək.
Qızıl ehtiyatları azaldığı təqdirdə bu, qızıl müharibələrinə gətirib çıxara bilər. "Australia & New Zealand Banking Group"da hesab edirlər ki, qısamüddətli perspektivdə qızılın qiyməti unsiyasına 1100 dollar səviyyəsində olacaq. Bundan sonra Asiyada varlanmağın artması, investisiyaların çoxalması və mərkəzi bankların inkişaf etməkdə olan bazarlara müdaxiləsi tələbatı artıracaq ki, bu da qiymət artımına gətirib çıxaracaq. Xatırladaq ki, ölkəmizdə də qızıl hasilatı həyata keçirilir. 2015-ci il fevralın 11-də yaradılmış "AzerGold" QSC isə bu istiqamətdə mühüm addımlar atmağa hazırlaşır. Bu xüsusda innovasiya texnologiyalarının tətbiqi ilə qiymətli metalların hasilatı üzrə biznes-layihə də hazırlanıb. Burada tətbiq olunacaq yeni metod qiymətli metalların innovativ texnologiyalarla hasilatını nəzərdə tutur. Xüsusilə burada söhbət metalın filizdən ayrılması üçün təhlükəsiz məhsullardan istifadəyə imkan verən mobil qurğudan gedir.

DİGƏR XƏBƏRLƏR

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...