Azərbaycanda sığorta casusluğu problemi...

Tarix: 08.04.2015 / 03:34
Bölmə: İqtisadiyyat

Samir Əliyev: "Sığorta agenti sığorta şirkətini dəyişən kimi avtomatik olaraq öz müştərilərini də dəyişir"
"Optimal çıxış yolu ancaq ondan ibarətdir ki..."
Məlum olduğu kimi, aprelin 6-da Sığorta Agentlərinin III Milli Forumu keçirilib. Forumda sonuncu dəfə 2013-cü ilin dekabr ayında keçirilən forumdan bu günə qədər keçən müddətdə ölkədə sığortaçılıqda əldə edilən yeniliklər haqqında mühazirələr oxunub.
Həmçinin, forumda sığorta bazarında agentlərin rolu, onların satış kanalları, vasitəçilərin peşəkarlığının artırılması və digər sahələr ətrafında müzakirələr aparılıb.
Azərbaycan Sığortaçılar Assosiasiyasının sədri Orxan Bayramov sığorta bazarında yaranan problemlər barədə məlumat verərək qeyd edib ki, bu gün sığorta agentlərinin birliyi üçün komitələr yaradılmalıdır.
Dövlət Sığorta Nəzarəti Xidmətinin rəisi Namiq Xəlilov isə bildirib ki, Azərbaycanda sığorta sahəsində nöqsanlarla yanaşı, yüksək nailiyyətlər də var. "İcbari Sığorta Haqqında" Qanun qüvvəyə mindikdən sonra bu sahədə problemlərin müəyyən hissəsi həll olunub.
Sonra forum işini panellərdə davam etdirib. Dövlət Sığorta Nəzarəti Xidmətinin lisenziyalaşdırma, ərizə və şikayətlərə baxılması şöbəsinin müdiri Mahir Abdullayev "Sığorta agenti fəaliyyəti və dövlət nəzarəti. Qanunvericilikdə yeniliklər", Dövlət Sığorta Nəzarəti Xidmətinin rəis müavini Müşfiq İsrafilov "Sığorta agentlərinin fəaliyyətləri ilə bağlı mövcud problemlər" mövzusunda çıxış ediblər.
Tədbirdə məlum olub ki, bəzi sığorta şirkətləri digər sığorta şirkətlərinin müştərilərini əldə etmək üçün müxtəlif üsullardan istifadə edir. Bunun mahiyyəti ondan ibarətdir ki, sığorta şirkətlərinin məlumatları hansısa formada əldə olunur. Daha doğrusu, bu özünü "sığorta casusluğu" formasında göstərir. Məsələn, hansısa sığorta şirkətinin müştərilərlə imzaladığı müqavilə bir aydan sonra başa çatır. Bundan əvvəlcədən məlumatlı olan digər sığorta şirkətləri müqavilə müddəti qutaran kimi, dərhal onlarla əlaqəyə girərək sığortaçıları özünə tərəf çəkməyə çalışır. Göründüyü kimi, belə və buna bənzər hallar var.
Maraqlıdır, belə hallarla mübarizədə ekspertlər nə təklif edir?
Sözügedən məsələ ilə bağlı "Bakı-Xəbər"ə açıqlama verən iqtisadçı-ekspert Samir Əliyevin sözlərinə görə, bənzər problem bütün dünyada var: "Müştərilərin bu formada "oğurlanması" hər yerdə var. Məsələ ondadır ki, sığorta işində sabitlik yoxdur. Yəni sığorta agenti bu gün bir sığorta şirkətində işləyirsə, sabah başqasında işləyir. Kim yaxşı pul verirsə, sığorta agenti orada işləyir. Daimi olaraq bir yerdə işləmir ki, həmin şirkətin korporativ marağını qorusun. Ona görə də təcrübədə belədir ki, sığorta agenti sığorta şirkətini dəyişən kimi avtomatik olaraq öz müştərilərini də dəyişir. Çünki əsas müştərinin yığılması sığorta şirkətləri tərəfindən yox, sığorta agentləri tərəfindən həyata keçirilir. Bu zaman sığorta agentləri iş yerlərini dəyişəndə müştəriləri də özü ilə aparır.
Problem də əsasən bundan qaynaqlanır. Bu səbəbdən sığorta şirkətlərinin daxili məlumatları sızır. Belə problemin qarşısının alınmasının universal mexanizmi yoxdur. Optimal çıxış yolu ancaq ondan ibarətdir ki, sığorta agentinə yüksək faiz verilsin və o, iş yerini dəyişməsin. Ancaq bu minvalla problemi həll etmək olar. Açığı, bundan başqa mübarizə metodları yoxdur".

DİGƏR XƏBƏRLƏR

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...