Fərdi evlər bazarında maraqlı qiymət prosesi başlayıb

Tarix: 07.04.2015 / 01:47
Bölmə: İqtisadiyyat

Yaz aylarının gəlişi fonunda tikinti sektorunda növbəti canlanma gözlənir. Söhbət burada əsas etibarı ilə fərdi evalərin inşasından gedir. Xatırladaq ki, yaz və yay ayları fərdi evlərin inşasında mövsüm dövrü hesab edilir. Son aylarda isə bina evlərinin qiymətinin əhəmiyyətli dərəcədə qalxması fonunda fərdi evlərə maraq getdikcə daha çox artır.
Digər tərəfdən məlumdur ki, vətəndaş tikdiyi fərdi evin sxemini və planını məktub vasitəsilə, yaxud birbaşa icra hakimiyyətinə təqdim edir və tikintiyə başlayır. Əlavə hansısa icazəyə ehtiyac olmur. Bu da fərdi evlərin inşasının artmasına müsbət istiqamətdə təsir göstərir. Çünki müvafiq məlumatlar verildikdən sonra ona bir ay ərzində hansısa münasibət bildirilməsə, həmin şəxs öz işini görə bilər. Bu, ancaq hündürlüyü 12 metrə və 3 mərtəbəyə qədər olan binalara şamil edilir. Fərdi evlərin sənədləşdirilməsi istiqamətində son dövrlərdə görülən işlər də burada mühüm rol oynayır.
Lakin fərdi evlərə artan maraq müəyyən mənfi nəticələrə də gətirib çıxarır. Məsələn, belə evlərə artan maraq torpağa tələbi artırır ki, bu da sonuncunun bahalaşmasına rəvac verir. Yeri gəlmişkən qeyd edək ki, 2015-ci ilin fevral ayında Bakının torpaq bazarında qiymətlər ötən ilin analoji dövrü ilə müqayisədə 5,15 faiz artıb. "MBA Group" konsaltinq şirkətinin baş direktoru Nüsrət İbrahimov bu xüsusda bildirib ki, "Bakıda mənzil bazarında qiymətlər çox yüksəkdir, buna görə də bir çoxlarının paytaxtda mənzil almağa imkanı çatmır. Son iki il ərzində əksər potensial alıcılar birinci və ikinci mənzil bazarından torpaq bazarına keçib". Şirkət rəhbərinin fikrincə, kiçik torpaq sahəsi alaraq 60-70 min manata bir və ya ikimərtəbəli ev tikmək mənzil üçün böyük məbləğ ödəməkdən daha sərfəlidir":Mənzil alarkən birbaşa pul ödəmək lazım gəlir. Amma 10 min manata kiçik torpaq sahəsi almaq və iki-üç il ərzində orada ev tikmək mümkündür. Bir çoxuna bu variant daha münasibdir". Bahalaşma bir tərəfdən də son vaxtlar aparılan söküntü işləri ilə də əlaqədardır. Belə ki, evləri sökülən vətəndaşlar ən çox fərdi evlər tikməyə üstünlük verir. Evləri plana düşən və köçürülən insanların bir çoxu imkan daxilində, şəhər kənarında olsa belə, xüsusi evlərə köçmək istəyir. Çünki onların əksəriyyəti bir neçə nəsil boyunca belə evlərdə yaşayıb. O üzdən bina evinə öyrəşmək onlara çətin gəlir. Ona görə də, şəhərin kənarında olsa belə, torpaq sahəsi alıb özləri fərdi ev tikməyi üstün tuturlar. Bunun da qiymət artımına ciddi təsiri var.
Digər tərəfdən, tikinti materiallarının qiymət artımı da prosesə təsirsiz ötüşmür. Ekspertlər qeyd edir ki, hazırkı situasiyada manatın məlum devalvasiyası ilə bağlı vəziyyət tikinti, o cümlədən idxal materiallarında bahalaşma fərdi yaşayış evlərinə daha çox təsir göstərir. Bu da onunla bağlıdır ki, fərdi yaşayış evlərində idxal olunan tikinti materialarının payı hələ də az deyil. Binaların isə özülünə işlənən daş, sement və beton bütünlüklə yerli istehsal hesabına təmin olunur. Yalnız dam örtüyündə istifadə olunan taxta materialı xaricdən gətirilir və burada mütəmadi olaraq qiymət dəyişmələri baş verir.
Tikinti materiallarının bahalaşmasında mövsümi amillərin də rolu var. Yuxarıda qeyd olunduğu kimi, adətən mart ayından başlayaraq tikinti sektorunda canlanma yaranır. Fərdi evlərin tikintisi də əsasən yaz fəslində daha intensiv xarakter alır. Bu baxımdan iş adamları da yeni mövsümün başlanması səbəbindən qiymət artımlarına gedir. Bu isə həmin sahədə çalışan sahibkarların mövsümqabağı daha çox gəlir əldə etmək istəyindən irəli gəlir. Hazırda fərdi evlərin tikintisinin çoxmərtəbəli yaşayış binalarının tikintisilə müqayisədə daha çox olduğunu nəzərə alsaq, tikinti materiallarının bahalaşmasının da məhz fərdi yaşayış evləri tikmək niyyətində olanlara ciddi təsir göstərdiyini müşahidə etmək olar.
Daşınmaz əmlak bazarını araşdıran mütəxəssislər hesab edir ki, yeni binaların dövlət tərəfindən təhvil alınmaması, belə binalarda qaz xəttinin olmaması fonunda bundan sonra da fərdi ev tikintisinə böyük maraq olacaq. Bundan başqa, fərdi mənzillərdə ev sahibi mənzili istədiyi formada inşa edə bilir. Fərdi ev inşasına marağın çox olması çoxmərtəbəli binalarda mənzillərin baha olmasından irəli gəlir. Bütün bunlar fərdi evlərin də tikinti qiymətlərinin yüksəlməsinə gətirib çıxarır. Belə vəziyyət isə ümumilikdə bazara təsir edir. Eyni zamanda mənzil bazarına daha az ev çıxarılması da vəziyyətə təsirsiz ötüşmür. Ekspertlər bu mövsüm ərzində fərdi evlərin qiymətinin əvvəlki dövrlərlə müqayisədə daha baha olacağını proqnozlaşdırır.

DİGƏR XƏBƏRLƏR

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...