Prezidentin son kənd təsərrüfatı sərəncamı Azərbaycanın ÜTT-yə yolunu...

Tarix: 06.04.2015 / 03:48
Bölmə: İqtisadiyyat

Rəsul Cahangirli: "Hesab edirəm ki, Azərbaycan sərəncamdan irəli gələn prinsiplərə uyğun olaraq işlərini qurmalıdır"

"Daxili bazarın qorunması diqqət mərkəzində olmalıdır"

Prezident İlham Əliyev "2015-ci ilin Azərbaycan Respublikasında "Kənd təsərrüfatı ili" elan edilməsi ilə bağlı Tədbirlər Planı"nın təsdiq edilməsi haqqında Sərəncam imzalayıb.
Belə ki, sözügedən sərəncamda nəzərdə tutulmuş Tədbirlər Planının icrasının təşkilində əlaqələndirici orqan Kənd Təsərrüfatı Nazirliyi müəyyən edilib. Nazirlər Kabinetinə "2015-ci ilin Azərbaycan Respublikasında "Kənd təsərrüfatı ili" elan edilməsi ilə bağlı Tədbirlər Planı"nda nəzərdə tutulmuş tədbirlərin maliyyələşdirilməsini təmin etmək, bu sərəncamdan irəli gələn digər məsələləri həll etmək tapşırılıb.
O da məlumdur ki, Azərbaycan Ümumdünya Ticarət Təşkilatına üzv olmağa hazırlaşır. Bununla bağlı neçə illərdir təşkilatla danışıqlar aparılır. Azərbaycan hazırda qurumda müşahidəçi ölkə qismində fəaliyyət göstərir. ÜTT-nin Azərbaycandan əsas tələbi ondan ibarətdir ki, kənd təsərrüfatına ayrılan subsidiyalar dayandırılsın. Bu da Azərbaycanın milli maraqlarına cavab vermir. Çünki hələlik Azərbaycanın kənd təsərrüfatı o səviyyədə deyil ki, subsidiyalardan imtina olunsun.
Maraqlıdır, Prezidentin məlum sərəncamı Azərbaycanın ÜTT-yə üzv olmasında nə kimi rol oynaya bilər? Mövcud maneələrin aradan qaldırılmasında rolu nədən ibarətdir?
Məsələyə münasibət bildirən ekspert Rəsul Cahangirlinin sözlərinə görə, sərəncam bu sahədə illərdir mövcud olan problemlərin həllinə təkan verə bilər: "Nəzərə almaq lazımdır ki, Azərbaycan ÜTT-yə qoşulması ilə bağlı artıq işlərin bir çoxunu həll edib. Çünki 15 ildən çoxdur bu istiqamətdə müəyyən işlər görülür. Elə ölkələr var ki, ÜTT-nin üzvüdür, amma buna rəğmən kənd təsərrüfatına subsidiyalar ayırmaqla bağlı güzəştlərə malikdir. Hesab edirəm ki, sərəncamdan irəli gələn prinsiplərə uyğun olaraq Azərbaycan işlərini qurmalıdır. Bu, mövcud problemlərin həllini sürətləndirə bilər. Azərbaycan üzv qəbul olunduqdan sonra ÜTT üzvləri olan ölkələrlə eyni səviyyədə ticarət əlaqələri qurmaq və ticarət aparmaq imkanı əldə edəcək. Həmçinin, birlik çərçivəsində məhsuldarlıq xidmətlərinin icrasına, maliyyənin dövriyyəsinə imkan yaranır. Azərbaycan vətəndaşları, şirkətləri ÜTT üzvü olan ölkələrə investisiya yatırmaq imkanı əldə edəcək. Həmin ölkələrin iş adamlarının da Azərbaycanda bənzər işləri görmək imkanı olacaq. Bütün bunlar bir-biri ilə qarşılıqlı olaraq sıx bağlıdır. Digər tərəfdən, üzvlükdə istehlakçıların ucuz və keyfiyyətli məhsullara çıxış imkanları artır. O cümlədən də yaranmış rəqabət şəraitindən istifadə edərək Azərbaycan şirkətlərinin ölkə daxilindən xaricə məhsullar ixrac etmək imkanı da genişlənir. Ona görə də biz yaranan imkanlardan maksimum səmərəli və düşünülmüş şəkildə istifadə etməliyik. Elə etməliyik ki, yerli istehsal bundan ciddi zərər görməsin. Daxili bazarın qorunması diqqət mərkəzində olmalıdır".

DİGƏR XƏBƏRLƏR

Tarix: 28.10.2026 / 16:15

Ətin qiymətinə görə Ermənistandan da geridəyik - hesabatı kim yayıb?

Tarix: 28.10.2026 / 12:23

Azərbaycanın strateji valyuta ehtiyatları xarici dövlət borcunu 20 dəfə üstələdi...

Tarix: 28.10.2026 / 12:10

Azərbaycanın dövlət borcu açıqlandı

Tarix: 28.10.2026 / 10:11

Azərbaycan nefti ucuzlaşdı - 122 dollar...

Tarix: 27.10.2026 / 18:56

Azərbaycan Rusiya ilə təbii qaz alışı sazişi imzalayacaq...

Tarix: 27.10.2026 / 18:02

Azərbaycana mal əti idxalı kəskin artdı - yerli istehsal "ölür", bazar bahalaşır...

Tarix: 26.10.2026 / 21:46

Naxçıvanın büdcəsi 13 milyon kəsildi - maraqlı səbəblərdən danışılır...

Tarix: 26.10.2026 / 11:50

Kimlərin pensiyalarına əlavələr ediləcək? - AÇIQLANDI...

Tarix: 23.10.2026 / 16:05

Azərbaycanda islam maliyyəçiliyi nə deməkdir?..

Tarix: 23.10.2026 / 10:37

Sosial ödənişlərin artırılması üçün altıncı sosial islahat paketi hazırlanır...

Tarix: 23.10.2026 / 09:57

Gələn il şəhər və rayonlara dotasiya ayrılmayacaq - xərclərini öz gəlirləri hesabına ödəyəcəklər...

Tarix: 23.10.2026 / 09:26

Gələn ilin büdcəsi layihəsi Milli Məclisdə - gəlirlər və xərclər açıqlandı...

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 22.10.2026 / 19:54

Orta Dəhliz Avropa ilə Asiya arasında ən təhlükəsiz marşrut seçildi...

Tarix: 22.10.2026 / 19:30

Azərbaycanda şirin su ilə bağlı vəziyyət pisləşir - ümid Xəzərə qalıb…

Tarix: 22.10.2026 / 16:56

15 temmuz “FETÖ darbesində” bircə nəfər siyasətçi-deputatın adı çıxmadı...

Milli kimliyə bağlı gənclər uğurlu gələcəyin əsas təminatçılarıdır...