Astaralı idmançı Dünya Çempionatında birinci yerdə... - FOTO

img

Azərbaycanın milli komandasının tərkibində çıxış edən astaralı idmançı Ağadədə Əliyev Ukraynanın Xarkov şəhərində keçirilən idmanın döyüş növləri üzrə Dünya çempionatında full-kontakt kikboksinq versiyası üzrə 75 kiloqram çəki dərəcəsində birinci yeri tutaraq fəxri kürsünün ən yüksək pilləsinə qalxıb. Həm də bu möhtəşəm qələbə astaralı idmançıya ikiqat dünya çempionu adını qazandırıb. Üç gün davam edən, dünyanın 25 ölkəsini təmsil edən idmançıların qələbə uğrunda  gərgin mübarizə apardığı çempionatında Azərbaycan milli komandası isə Vətənə 6 qızıl medalla qayıdıb.

Azərbaycan idmançıların Ukraynaya səfəri bir də onunla əlamətdar olub ki, Xarkov şəhərində  fəaliyyət göstərən fəxri səfirimiz Əfqan Salmanov səfirlikdə “Nizami Gəncəvi  ili” ilə bağlı keçirilən tədbirə onları dəvət edir. Çempionat başa çatdıqdan sonra isə səfir  milli komandamızın üzvlərinə qiymətli mükafatlar verir.

Axırda məlumat üçün onu da bildirim ki, “Gömrükçü” İdman Mərkəzinin üzvü Ağadədə Əliyev 2018-ci ildə Bakı şəhərində Alpaqut döyüş növü üzrə keçirilən Dünya çempionatında qızıl medala sahib olmuşdu.

Zəfər ORUCOĞLU
Azərbaycan Jurnalistlər Birliyinin üzvü

Peşə etikası

Son xəbərlər