65 saylı Saatlı-Sabirabad-Kürdəmir seçki dairəsindən deputat seçilmiş Milli Məclisin Səhiyyə komitəsinin sədri Əhliman Əmiraslanov dünən Sabirabad rayonunda seçicilərlə növbəti görüş keçirib.
YAP Sabirabad rayon təşkilatında keçirilən görüşdə akademik Əhliman Əmiraslanov çıxış edərək, son illər ölkəmizdə, eləcə də Sabirabadda aparılan geniş quruculuq işlərindən söhbət açıb, göstərilən diqqət və qayğıya görə ölkə rəhbərliyinə minnətdarlıq ifadə edib. Görüşdə iştirak edən seçicilər onları narahat edən məsələlərə çox həssas yanaşdığına görə millət vəkilinə minnətdarlıq ediblər. Sonra sakinlər müxtəlif səpkidə olan problemlərin həlli ilə əlaqədar deputatdan kömək istəyiblər. Görüş iştirakçıları bəzi kəndlərdə məktəblə bağlı problemləri, müxtəlif sosial məsələləri səsləndiriblər. Sabirabadlı seçicilər, həmçinin, səhiyyə sahəsində müəyyən yardım istəyiblər. Görüş zamanı millət vəkili seçicilərin müraciət və təkliflərini dinləyib, onları maraqlandıran sualları cavablandırıb, sakinlərin qaldırdığı problemlərin həlli ilə bağlı görülməkdə olan işlər barədə məlumat verib.
Görüşdə YAP Sabirabad rayon təşkilatının sədri Nadir Quliyev də iştirak edib.
Baki-xeber.com
