Mətləb Salahov: "Paşinyan əslində marionet siyasi fiqur olmağın uğursuzluğunu yaşayır"
Ermənistanın baş naziri Nikol Paşinyan yenə bölgə dövlətləri və yaxın qonşularla yeni münasibətlər barədə ziddiyətli fikirlər ortaya atıb. Nikol Vavayeviç həttda Gürcüstanla özünə yaxın müttəfiq hesab etdiyi İranı da eyni tərəziyə qoyub. Hansı ki, illərdir Cavaxetidə ikinci Qarabağ faciəsi düzəltmək üçün Ermənistan hakimiyyəti çox təxribatlar törətdi.Azərbaycana qarşı həyata keçirdiyi qanlı təxribatları Gürcüstan da da reallaşdırmaq istədi ermənilər. Həttda indinin özündə də zaman-zaman rəsmi Tiflisə qarşı "erməni kartı" istifadə olunur. Görünür N.Paşinyan getdikcə bölgədə təklənməkdə olan və ancaq qərbdəki qüvvələrin əl oyuncağı "imicini" qazanan Ermənistan üçün yeni nəfəslik yaratmaq istəyir. Həm də özü də "əlaltı" imicini dəyişmək istəyir. Lakin N.Vavayeviçin unutduğu bir məqam var: belə ləkələri tarixdə heç nə yuyub aparmır! Görün Ermənistanın baş naziri Milli Assambleyada hökumət saatı zamanı daha sonra nə deyir? SİTAT: "Ermənistan özü öz təhlükəsizliyini təmin etməlidir, təkcə əsgərləri və ordusu ilə deyil, həm də siyasəti ilə." İranla əlaqələrdən danışan baş nazir bu əlaqələrin təbii olduğunu qeyd edib. "Bu münasibətlər siyasi qərarın nəticəsi və ya nəticəsi deyil. Siyasi qərar təbiiliyin nəticəsidir. Beləliklə, bu əlaqələrin konteksti vurğulanır və möhkəmlənir. Eyni sözləri Gürcüstanla münasibətlərimiz haqqında da demək olar".
N.Paşinyan onu da əlavə edib ki, hökumətin siyasəti həm də Türkiyə və Azərbaycanla münasibətləri tənzimləməyə hesablanıb. "Biz əsgərlərin çiyninə güvəndik, xarici siyasətdə böyük bir yük var, hökumət əsgərlərin çiyninə çox böyük bir yük qoydu. Bu belə olmur." –N.Paşinyan belə deyir.
Jurnalist - ekspert Mətləb Salahov "Bakı-xəbər.com"-a açıqlamasında bildirib ki, əslində Ermənistanın baş naziri düşdüyü hazırkı situasiyanın rentgenini canlandırır. M.Salahovun fikrincə N.Paşinyan parlament tribunasından "Ermənistan özü öz təhlükəsizliyini təmin etməlidir" fikrini səsləndirməklə marionet siyasi fiqur olmağın və qərbdən gələn təlimlərlə hakimiyyət sürməyin uğursuzluğunu etiraf edir. O etiraf edir ki, özü haqqında formalaşdırdığı marionet siyasi fiqur obrazı onu əzgin və daha çox iradəsiz şəxs kimi tanıdıb. Erməni baş nazir indi bu acınacaqlı situasiyadan çıxmaq üçün min cür manevrə baş vurur. Diqqət edin: erməni baş nazir MDB dövlət başçılarının son toplantısında sülh sazişi barədə qeyri-müəyyən fikirləri ilə Kremldəkiləri də özündən çıxarıb. Üstəgəl Azərbaycan və Ermənistan arasındakı sülh müqaviləsi barədə konkret məntiqli ikicə kəlmə belə danışmayan N.Paşinyan, qeyri müəyyən ümumi cümləlrələ kifayətlənir, sanki yenə vaxt qazanmaq azarına düşdüyün açıqca büruzə verir. Bu adam gah özünü təslim etdiyi, yüz milyonlarla dollar "yardımlarla" gün gördüyü Qərbə, gah da Ermənistanın əsrlər boyu marionet respublikasına, həttda federal subyektinə çevrildiyi Rusiyaya meyl edir, hər ikisinin də ətəyindən bərk-bərk yapışıb durub. Nikol Vavayeviç erməni hiyləgərliyi ilə əla bilir ki, nə Qərb, nə də Krem oldan vaz keçəsi deyil. Bölgədəki marionet və stukaçı bu iki dünya gücü üçün həmişə lazım olacaq... O, hələ son günlər Zəngəzur dəhlizinə görə narazılığını ucadan səsləndirən İranı da unutmur. Rəsmi Tehranla güclü iqtisadi bağ yaradılsa da, N.Paşinyan "mollalarla" arasında məsafə qoymağa çalışır. Əlbəttdə Qərbdəki "dollar bulağının" başında duranlarla isti əlaqələri qorumaq üçün. Amma az-çox siyasətlə məşğul olanlar əla bilir ki, qeyri-müəyyənlik siyasətdə uzaq olmayan uçurum məsafəsidir. Ermənistanın hazırkı hakimiyyəti marionet imicdən qurtulmayınca, ən əsası da Azərbaycanla sülh sazişi barədə mövqeyini konkretləşdirməyincə bölgədəki bütün proseslərdən kənarda qalacaq. N.Paşinyan Azərbaycana və Türkiyəyə yönəlik əməkdaşlıq mesajlarını konkret addımları ilə ifadə etməlidir. Bu olmayınca "marionet Paşinyan" imici Ermənistan daxilində də ona başağrısı olmağa davam edəcək."
Namiq Quliyev
