Mətləb Salahov: "Min illərin azərbaycanlı ailə dəyərləri sosial şəbəkə seqmentində bilərəkdən məhv edilir"
Sosial şəbəkələrə aludəçilik, milli dəyərlərimizə yad olan düşüncə və adətlərin gənclərimiz arasında sürətlə yayılması, bununla da min illərdən günümüzə gəlib çıxan ailə institutunun yeniyetmə və gənclərə yadlaşdırlması milli genefonumuz baxımından qorxunc faktlardır. Üstəgəl sosial problemlər, işsizlik və stabil gəlirin olmaması həm ailə qurulması barədə statistikanı bədbin edir, həm də ailə dağılmalarını pik həddə çatdırır. Son bir ildəki evlənmə və boşanma statistikası dediklərimizi tamamilə təsdiqləyir. Cəmi 20-30 il əvvəl boşanma, ailə dağılması həssas və xoş olmayan mövzu kimi qəbul edilirdisə, bu gün bu sadaladığımız faktlar həttda sıradan mlumat kimi qəbul edilir. Ailə dəyərlərimizi, ailə institutumuzu bu qədər ucuzlaşdıran, dəyərdən salan nədir? Jurnalist-ekspert Mətləb Salahov "Bakı-xəbər"ə açıqlamasında bu məsələ barədə danışıb. Jurnalist ekspert diqqəti öncə sosial şəbəkə seqmentinə yönəldib. "Bu məsələdə vacib bir məqama diqqət edək. Artıq min illərin azərbaycanlı ailə dəyərləri sosial şəbəkə seqmentində bilərəkdən məhv edilir. Sosial şəbəkələr, artıq Azərbaycanın min illərdən günümüzə çatan ailə dəyərlərinin əsl "qatilinə" çevrilib. Təsəvvür edin ki, sosial şəbəkələrdə ər-arvad arasındakı xəyanətlər biabırçı həddə çatıb. Evli qadınların və kişilərin qarşılıqlı xəyanət və gizli yazışmaları ailə dağılmasını və boşanmaları pik həddinə çatdırıb. Ailələrdəki boşanma səbəbləri arasında ən "dəbdə olanı" sosial şəbəkələrdəki xəyanətlərdir. Bu bir xalqın milli genefonu üçün olduqca təhlükəli insidentdir. Sosial şəbəkə bu gün bizim milli kimliyimiz üçün amansız düşmənə çevrilib. Düşmən bizə silah tuşlayırsa, sosial şəbəkələrdə gələcəyimiz "gülə-gülə" məhv edilir. Ən dəhşətlisi öz əlimizlə özümüzü məhv edirlər. Əlbəttdə cahil düşüncə sayəsində. Digər bir tərəfdən, gerçək fakt odur ki, nəzarətsiz sosial platformaya çevrilən tik-tok, instaqram kimi hesablarda gün keçirən ailə üzvlərinin buna tutarlı səbəbləri var. Öncə qeyd edək ki, internetdən istifadəni ailə üzvləri özləri nizamlamalıdır. Xüsusiləər və arvad. Həm də əgər ailənin daxilində münasibətlər normaldırsa, vaxtın çox hissəsi sosial şəbəkədə keçirilməyəcək. Qadın ərinin, ya da əksinə ər həyat yoldaşının ona vaxt ayırmadığını, qayğı göstərmədiyini, ünsiyyətdə olmadığını gördükdə əlbəttə, o, sosial şəbəkələrdən başqa məqsədlər üçün istifadə edəcək. Əgər tərəflər arasında münasibətlər yaxşı, ünsiyyət sıx olsa, belə xoşagəlməz hallara rast gəlinməyəcək. Ailə üzvlərinin social şəbəkələrə yuvarlanması həm də ailədaxili münasibətlərlə sıx bağlıdır.
Digər real olan bir fakta diqqət edək. Bu gün əksət telekanallarda yayımlanan, məqsədi ailə və mənəvi dəyərlərimizi məzarlığa çevrimək olan "sosial proqramlar" da ailə dəyərlərimizi kökündən məhv edən faktora çevrilib. Ən yüksək dağ kəndlərində yaşayan, 2-3 uşağı olan evli gəlinlərin vatçapda tanış olub "virtual aşk" yaşadığı yad kişilərə qaçması, halalca ərinin papağını el-oba içində yerə soxması, tifil balalarını bir ömür boyu gözükölgəli, başıaşağı etməsi, az qala efirlərdən hamının gözünə soxula-soxula reklam olunur. Bilə-bilə bellərini təbliğ edirlər. Efirləri başına alan rəzil "proqramlarda" başqa kişiyə qaçan arvadını tapmaq üçün studiyalara üz tutan biqeyrət "kişiciklərin" fəryadı, yalançı evlilik oyunlarının cəmiyyəti başına alıb getməsi artıq adi hala çevrilib...Həm sosial şəbəkələr, həm də iyrənc efirlər ailə dəyərlərinin məhvinə və boşanma biznesinə geniş meydan açıb. Min təəssüf ki, bu gün bir sıra xanımlar ailə dəyərlərinə daha çox biznes hədəfi kimi baxırlar. Cəmi 3-5 ay, ən uzağı 1 ildən çox çəkən "evliliklər", əslində, boşanma biznesinin pik həddə çatdığını ortaya qoyur. Sadəcə, bir uşaq dünyaya gətirmək, dərhal sonra min bir bəhanə ortaya atıb boşanmaq, qanunvericilikdəki biabırçı boşluqdan yararlanıb aliment, mənzil, əmlak tələb edib istəyinə çatmaq, "əzabkeş xanım" obrazına girib, sonradan həyatını rahat və istədiyi kimi davam etdirmək əsas məqsəddir. Və min təəssüf ki, belələri qanunvericilikdəki boşluqlara görə bu istəklərinə də çatırlar. Əlbəttdə ailə dəyərlərimizin belə ucuzlaşması və sıradan çıxmasında sosial problemlər, ailəyə daxil olan qazancın azlığı, maddi çətinlik ucbatından ailədaxili münaqişələrin pik həddə çatması da az rol oynamır. İndi sürətli qiymət artımı və pulun dəyərdən düşdüyü bir vaxtda ailənin maddi sütunlarını möhkəm saxlamaq həmişəkindən qat-qat çətin məsələdir.Amma bütün səbəblərə abxmayaraq min illərdən yol gələn ailə dəyərlərimizi qorumaq həm də gələcəyimizi xilas etmək deməkdir. Unutmayaq ki, ailə dəyərləri milli kimliyimiz üçün ana sütunudur".
Namiq Quliyev
