"Bakı-Xəbər" Media Qrupunun rəhbəri, politoloq Aydın Quliyev öz Facebook səhifəsində Ermənistanın baş naziri Nikol Paşinyanın son açıqlamaları barədə fikirlərini paylaşıb. A.Quliyev yazır: "Son günlər informasiya məkanımızda bilmədən Ermənistanın mənafeyinə yönəldilən 2 yanaşmanın şahidi oluram:
1.Bir çox hallarda təqdimat belə gedir- Ermənistanın baş naziri Paşinyan COP 29- a qədər Azərbaycana sülh sazişi imzalamağı təklif edib.
2.Bir sıra hallarda Paşinyanın dilindən belə bir yarımçıq təqdimata rast gəlirik: "Azərbaycanla sazişi imzalayaq ( 13 maddəlik yarımçıq mətni nəzərdə tutur) , sonra bizim Konstitusiya məhkəməsi hesab etsə ki, saziş mətni ilə konstitusiyanın arasında ziddiyyət var, o zaman biz konstitusiya dəyişikliyinə qərar verəcəyik.
Bir daha baxın, görəcəksiniz ki, nə qədər təhlükəli tezislər informasiya məkanımıza sızdırılır.
Əvvala, COP29- a qədər sazişin imzalanması təklifini Paşinyan yox, İlham Əliyev verib. Lazım gəlsə, bunun ilk olaraq səsləndirildiyi vaxtı və məkanı da təyin etmək olar.Həm də burada İlham Əliyev hansısa yarımçıq sənədin saziş adı ilə imzalanmasını yox, mükəmməl saziş mətnini və ya tam əhatəli prinsipləri əks etdirən çərçivə sənədinin imzalanmasını nəzərdə tutur.Ermənistanın baş naziri isə Azərbaycanın konkret zamana salmaq istədiyi təklifin əhəmiyyətini neytrallaşdırmaq üçün tələsik qaydada ortalığa 13 maddəlik yarımçıq layihə ataraq "Gəlin COP- a qədər bunu imzalayaq" deyə bic bir üsula əl atdı. Ardınca da Amerikadan tutmuş Avropaya qədər car çəkməkdədir ki, biz Azərbaycana COP- a qədər saziş imzalamağı təklif etmişik. Dostlar, başa düşmək lazımdır ki, Paşinyanın bəyanatı təklif yox, əslində Azərbaycana məxsus təklifi kölgədə qoymaq oyunudur. İndi kimsə Paşinyanın bu oyunlarına qoşulmaq istəyirsə, buyursun...
Düzü budur ki , "Paşinyan COP-a qədər Azərbaycana saziş imzalamağı təklif etdi" fikrini gündəmdən birdəfəlik yığışdırmaq lazımdır. Bu bir erməni tezisidir.
İkinci, Belə bir təqdimat da kökündən yanlış və ziyanlıdır ki, Paşinyan Ermənistanın Konstitusiyasını dəyişmək istəyir. Çox səhv qənaətdir. Yuxarıda 2- ci sıra altında göstərdiyim fikir həqiqətən Paşinyana məxsusdur.Lakin bizim bəzi şəxslər Paşinyanın geniş çıxışından bu hissəni çıxardıb təqdim edirlər və insanlarda təsəvvür yaranır ki, aaa, nə yaxşı, Paşinyan Azərbaycanın tələbilə Ermənistan Konstitusiyasını dəyişmək istəyir. Qətiyyən belə deyil. Onun BMT- dəki çıxışını tam mətnlə oxumaq lazımdır. Paşinyanın çıxışının ana xətti budur ki, Ermənistan konstitusiyasında Azərbaycana qarşı ərazi iddiaları yoxdur, lakin Azərbaycanın konstitusiyasında Ermənistana qarşı ərazi iddiası var, ancaq biz Azərbaycandan öz Konstitusiyasını dəyişməyi tələb etmirik, Azərbaycan da bizdən bunu tələb etməməlidir, əvəzində mənim təklif etdiyim 13 maddəlik sazişi imzalayaq, sonra Ermənistan Konstitusiya məhkəməsi bu sazişin Ermənistan konstitusiyasına uyğun olmadığını söyləsə , o zaman biz konstitusiyamızı dəyişməli olacağıq.
Baxırsınız? Sanki uşaq başı aldadır. O əslində Azərbaycanı aldatmaq və 13 maddəlik sazişin imzalanması danışıqlarına çəkmək istəyir. Təbii ki, Azərbaycan belə dayaz düşünülmüş oyunlara getməz. Ancaq Paşinyan düşünür ki, əgər Azərbaycan bu oyuna getsə, çox yaxşı olacaq. Əvvala, COP- a qədər saziş imzalamaq ideyasını mənimsəməyə ümid edir. İkincisi, tarixə imzalanmış ilk sazişin müəllifi kimi düşmək xəyallarındadır. Üçüncüsü, yarımçıq saziş imzalanandan sonra yaxşı bilir ki, Ermənistan Konstitusiya məhkəməsi bu yarımçıq sazişin konstitusiyaya uyğun gəldiyini təsdiqləyəcək və beləliklə də, konstitusiyanı dəyişməyə ehtiyac qalmayacaq .Nəticə ondan ibarət olacaq ki, Azərbaycan da, Ermənistan da konstitusiyalarını dəyişməyəcəklər, Ermənistanın ərazi iddiaları ilə dolu konstitusiyası qüvvədə qalacaq .
Məsələnin mahiyyəti budur.Bizim bəzi "qoçaqlar" isə Paşinyanın bu qədər nağılvarı oyunlarının içində bir yarımçıq fikirdən yapışırlar ki, Paşinyan "Konstitusiya məhkəməsinin saziş barədə qərar verməsindən sonra təcavüzkar konstitusiyanı dəyişməyə razıdır....
Mətləb
