Artıq Ermənistanda bir çoxları Xankəndidəki separatçı quldurların siyasi şoularını zərərli, Ermənistanın dövlətini ciddi təhlükə altında qoya biləcək addımlar kimi qiymtləndirirlər. Həttda siyasi qüvvələr bunu açıq şəkildə dilə gətirməkdən də çəkinmirlər. Xankəndidəki iyrənc təxribatlar fonunda bu etiraflar daha çox diqqət cəlb edir. "Demokratik Alternativ" Partiyasının Siyasi Şurasının sədri Suren Surenyants öz sosial şəbəkə hesabında açıq şəkildə belə addımların birbaşa Ermənistanın maraqlarına zərbə vurduğunu açıqlayır. Erməni siyasətçi öz facebook səhifəsində yazır: "Paşinyanın istefası “Artsaxın” subyektivliyini xilas etməyəcək, amma biz heç olmasa Ermənistan Respublikasını qoruya bilərik.
Dağlıq Qarabağ bu gün subyektivliyin bütün komponentlərini itirib. Bu vəziyyətdə, hətta siyasi muxtariyyət təklif edən hər hansı bir variantı müzakirə etmək mənasızdır. Kobud desək, "qırmızı xətlər"qurmaq üçün resurslarımız yoxdur. İndi söhbət ermənilərin Dağlıq Qarabağda yaşamaq hüququndan gedə bilər. Bu sual birbaşa Rusiya tərəfi qarşısında formalaşdırılmalıdır: onlar ermənilərə bu hüququ təmin edirlərmi? Zaman və beynəlxalq kontekst bizə qarşı işləyir. Əgər indi siyasi qərarlar tapılmasa, iki-üç aydan sonra biz daha yüksək qiymət ödəməli olacağıq. Rusiya sülhməramlı missiyası öz mandatını çox pis niyyətlə həyata keçirir. Burada mübahisə etməyin mənası yoxdur. Buna baxmayaraq, beynəlxalq sülhməramlı missiyanın Dağlıq Qarabağa dəvət edilməsi çağırışları reallıqdan ayrılıb və vulqar manipulyasiyalardır. BMT, ATƏT belə bir qərar qəbul etməyəcək, Azərbaycan belə bir təklifi belə müzakirə etməyəcək, dünyada elə bir ölkə yoxdur ki, Ermənistan naminə Azərbaycan və Türkiyə ilə sərt qarşıdurmaya girməyə hazır olsun.
Ermənistanda hakimiyyətin mümkün dəyişməsi Qlobal səviyyədə danışıqların kontekstini dəyişməyəcək, lakin Ermənistanın subyektivliyini bərpa edəcək. Paşinyanın hakimiyyəti həm də siyasi iradə və gündəmin olmaması, populizm və avantürizm nəticəsində Ermənistanı faktiki subyektivlikdən məhrum etdi və onu danışıqlar obyektinə çevirdi. Paşinyanın istefası Artsaxın subyektivliyini xilas etməyəcək, amma biz heç olmasa Ermənistan Respublikasını qoruya bilərik. Əlbəttə ki, tərəddüd etməsəniz."
S.Sureyantsın bu açıqlaması artıq Ermənistandakı siyasi qüvvələrin Xankəndində yuva salmış separatçıların təxribat və oyunbazlığına mənfi münasibət bəslədiklərini, bu cür siyasi şouların mənasız və iyrənc olduğuna dair aydın təəsürat yatadır. Separatizmi belə ucuz şoular xilas edə bilməz, üstəlik Ermənistanı da məhvə sürükləyir...
Mətləb Salahov
