Ramiz Mehdiyevin platforması Qərbin ikili standartlarından qorunmaqda yetərli rol oynaya biləcəkmi?

Tarix: 09.12.2014 / 02:27
Bölmə: Gündəm

Xanhüseyn Kazımlı: «Bu tip sərt etiraz həmin dairələrin bizə qarşı münasibətdə davranışlarını korrektə etməyə vadar edəcək»

«Belə neqativliklərə təkcə Ramiz Mehdiyev yox, bütün Azərbaycan xalqı birlikdə cavab verməlidir»

Bir neçə gündür Prezident Administrasiyasının rəhbəri Ramiz Mehdiyevin müəllifi olduğu «İkili standartların dünya nizamı və müasir Azərbaycan» adlı məqalə ətrafında gərgin polemikalar aparılır. Məqalənin «Beşinci kolon»: dağıdıcı fəaliyyətin eskalasiyası cəhdləri» bölümündə Ramiz Mehdiyev Qərb ölkələrinin ölkəmizdə apardığı fəaliyyətdən yazır.

Onların dəstəklədiyi, birbaşa maliyyə vəsaiti ayırdığı QHT-lərin fəaliyyətini ciddi tənqid edir. Akademik məqaləsində qeyd edir ki, Amerika Birləşmiş Ştatları və onun müttəfiqləri tərəfindən radikal müxalifət fəallarının və QHT-lərin dəstəklənməsi bu təşkilatların qanunsuz maliyyələşdirilməsi, onların köməyi ilə ölkəmizdə hakimiyyətə təzyiq göstərmək, hərc-mərclik və qanunsuzluq şəraiti yaratmaq cəhdləri ilə bağlıdır: «Deməliyik ki, bu, Qərbin «beşinci kolon» ilə iş ssenarisinə üzvi şəkildə daxildir. Bu cür qeyri-qanuni siyasi və maliyyə dəstəyi, müvafiq göstərişlər nəticəsində başlıca nümayəndələri qismində, ayrı-ayrı radikallarla yanaşı, Xalq Cəbhəsi və Müsavat partiyalarının çıxış etdiyi «beşinci kolon» öz pozucu hərəkətlərini gücləndirməyə çalışır».

Ramiz Mehdiyev daha sonra qeyd edir ki, bu siyasi qrupların fəaliyyətinin təhlili göstərir ki, onların dövlət quruculuğu, ölkənin daxili və xarici siyasəti, geosiyasi reallıqlar və çağırışlar barədə lazımi təsəvvürləri yoxdur: «Radikal müxalifət cəmiyyətə faydalı ideyalar və real proqramlar təklif etmək, vətəndaşların etimadını qazanmaq iqtidarında olmadığından, ölkə hüdudlarından kənarda özünə dayaq axtarmağı üstün tutur. O öz hakimiyyət ambisiyalarını təmin etmək xatirinə beynəlxalq instansiyalara çirkin insinüasiyalar, böhtanlar göndərir, xaricdəki anti-Azərbaycan dairələri ilə əməkdaşlıq edir və dövlətimizin müstəqil siyasətinə xaricin təzyiq aləti kimi çıxış edir. İndiki radikal müxalifətin aqressivliyinin və millətə zidd mahiyyətinin səbəbi onun qisasçılıq cəhdləri, özünün acizliyini etiraf etmək istəməməsidir. Siyasi naşılıq və vətənpərvərliyin, konstruktivizm qabiliyyətinin olmaması, hakimiyyət hərisliyi, hadisələrə dövlətçilik təfəkkürü mövqeyindən qiymət verməyi bacarmamaq və xaricdəki anti-Azərbaycan qüvvələrindən asılılıq nəticəsində radikal müxalifət hökumətə qarşı mübarizəni dövlətin maraqlarına qarşı mübarizəyə çevirib».

Hakimiyyətlə opponentlik edən qüvvələr məqalədə Qərbin ölkəmizlə bağlı yürütdüyü siyasətin bu şəkildə tənqid edilməsinin həmin dairələrlə münasibətlər sistemində problemlər yaradacağına işarə edir. Hakimiyyətin kursunu dəstəkləyənlər və əksər müstəqil mövqeli politoloqlar isə bu platformanın yerində təqdim edildiyi qənaətindədir.

Ramiz Mehdiyevin təklif etdiyi platforma ölkəmizin Qərbin yürütdüyü ikili standartlardan qorunmaq üçün nə dərəcədə faydalı sayıla bilər?

Sosial Rifah Partiyasının sədri, millət vəkili Xanhüseyn Kazımlı «Bakı-Xəbər»ə açıqlamasında bildirdi ki, akademik Ramiz Mehdiyevin son məqaləsini birmənalı olaraq dəstəkləyir. Partiya sədri hesab edir ki, Azərbaycan xalqı xaricdən gələn təhlükələrə qarşı birlik nümayiş etdirməlidir: «Belə neqativliklərə təkcə Ramiz Mehdiyev yox, bütün Azərbaycan xalqı birlikdə cavab verməlidir. Biz doğrudan da bir olmalıyıq. Bu şüarın altında birləşib Azərbaycana qarşı olan bütün istiqamətlərdəki basqılara qarşı dirəniş göstərməliyik. Bu basqılar həm iqtisadi, həm siyasi istiqamətlərdə mövcuddur. Bizim işğal altında olan ərazilərimizlə bağlı Qərb dairələri lazım olan istiqamətdə işlər görmür, ancaq ölkədəki balaca bir problemi şişirdərək qlobal miqyasda təqdim edirlər. İkili standartlar da məhz burdan yaranır. Bir daha vurğulayıram ki, bu məsələdə aşağıdan yuxarıya qədər hamı etiraz etməlidir. Onların bizə qarşı sərgilədiyi davranışların hamısının kökündə siyasi maraqlar durur. Bu gün neftin qiymətinin enməsindən tutmuş, digər məsələlərə kimi hamısı böyük siyasi maraqların təmin edilməsindən irəli gəlir. İkili standartın aradan qaldırılmasında milli elitanın nümayəndələri də Ramiz Mehdiyevdən örnək götürməlidir. Hesab edirəm ki, bu tip sərt etiraz həmin dairələrin bizə qarşı münasibətdə davranışlarını korrektə etməyə vadar edəcək».

DİGƏR XƏBƏRLƏR

Tarix: 08.11.2026 / 07:38

Dövlət Komitəsi və Metropolitendən maraqlı Zəfər Günü aksiyası - “Zəfər arzuları”

Tarix: 08.11.2026 / 07:32

Azərbaycanın Zəfər bayramı Bratislavada qeyd olundu

Tarix: 08.11.2026 / 07:15

CNN Türk Bakıdan dünyaya ZƏFƏR mesajı verdi

Tarix: 07.11.2026 / 10:16

İğdırda Azərbaycanın Zəfər Günü qeyd olunub

Tarix: 07.11.2026 / 09:26

“Dəmir Yumruqdan Zəfərin Səsinə” adlı rəsm sərgisi keçirilib

Tarix: 30.10.2026 / 06:41

Yəhudilər erməni monastırına tüpürdülər

Tarix: 29.10.2026 / 17:00

Bir Millət, İki Dövlət, Bir Ürək: Türkiyə Cümhuriyyətinin 103-cü ildönümü münasibətilə İctimai Nəzarət Təşkilatının Təbrik Bəyannaməsi

Tarix: 28.10.2026 / 12:51

ROZA TÖREKULOVNA AYTMATOVANIN ƏZİZ XATİRƏSİNƏ

Tarix: 28.10.2026 / 08:35

Türkiyədəki “sərmayə olayı” Pasifik Holding-i də vurdu - aktivləri donduruldu

Tarix: 28.10.2026 / 06:26

Türkiyədə səs-küylü “Starlink əməliyyatı” - 85 nəfər saxlandı

Tarix: 27.10.2026 / 13:54

"Bakı bu cür beynəlxalq forumlar vasitəsilə mədəniyyətlərarası dialoqa mühüm töhfə verə bilər" - Ozodbek Nazarbekov

Tarix: 27.10.2026 / 13:30

Penitensiar Xidmətə yeni rəis təyin edildi

VİDEO

Tarix: 17.10.2026 / 17:10

Aydın Quliyev Mətbuat Şurasında seçkilərə qatılmamasının səbəblərini qurultayda açdı... - VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 05.11.2026 / 21:49

Banklarda 4.6 milyard manat pul yatıb qalıb, kredit bazarında böhrandır... Bu necə olub?...

Tarix: 05.11.2026 / 20:15

Avropa Ermənistanı Rusiyanın əlindən alır - Kreml qəzəb püskürür...

Tarix: 05.11.2026 / 17:34

İran Trampsayağı ad iddiasına başladı - "Xəzər" yox, "Kaspian"?..

İşğaldan azad rayonlarımızda insan faktoru həlledicidir - Məskunlaşmanın əsas istiqamətləri...