11/12/2019 05:22
728 x 90

Türkiyədən terrorçulardan təmizlədiyi Suriya ərazisində gənclərə ali təhsil almaq fürsəti…

img

Gaziantep Universiteti terrordan təmizlənən bölgələrdə fakültələr açaraq təhsili yarımçıq qalmış suriyalılara ali təhsil almaq imkanı vermək niyyətindədir.

Baki-xeber.com-un xəbərinə görə, daha öncə Gaziantep Universiteti “Fırat Qalxanı” və “Zeytun Budağı” əməliyyatları nəticəsində terrordan təmizlənən Əl-Bab, Aazaz, Afrin və Cerablus şəhərlərində fakültələr açıb.

Afrin Təhsil Fakültəsinin araşdırma mütəxəssisi Xəlil İbrahim İlgi Anadolu Agentliyinin müxbirinə verdiyi açıqlamada bildirib ki, prezident sərəncamı ilə Cerablusda bir peşə məktəbi, Afrin Təhsil Fakültəsi, Aazazda İlahiyyat Fakültəsi və Əl-Babda İqtisadiyyat və İdarəetmə Fakültəsi açılıb.

O qeyd edib ki, qəbul edilən tələbələr xarici tələbələr üçün universitetlərə qəbul imtahanından (YÖS) keçiblər: “Bu imtahanda 3 min tələbə iştirak edib. Burada 3 proqram var. İbtidai sinif müəllimliyi, psixoloq-konsultant və türk dili bölümləri. Hər proqramdan 40 tələbəmiz var.”

X.İ.İlgi müharibə şəraitində həyatın normal vəziyyətə qayıtmasının ən böyük göstəricilərindən biri olaraq ali təhsilə başlanılmasını vurğulayıb.

Daha oncə Hələb Universitetinin tələbəsi olan afrinli Raman Cəfər “Təhsil məsələlərində problemlər yaşayan afrinli tələbələrə dəstək verdiyi üçün Gaziantep Universitetinin rəhbərliyinə təşəkkür edirəm. Afrindəki bir çox tələbə gələcəyini itirməmək üçün bu addımı səbrsizliklə gözləyirdi” deyib.

Şərqi Qutadan köçdükdən sonra Afrində sığınacaq tapan Gada Şaminin sözlərinə görə, Dəməşqdəki Dimaşk Universitetinin 3-cü kurs tələbəsi ikən mühasirə və məcburi köç səbəbi ilə universiteti bitirə bilməyib.

Suriyada beynəlxalq səviyyədə tanınan diplom verən universitet tapa bilmədiyini qeyd edən Şami “Gaziantep Universitetinin açılması çox gözəl bir fürsət oldu. Hazırda ibtidai sinif müəllimliyi oxuyuram”, - deyə bildirib.

Son xəbərlər