Körfəz bölgəsində yaşanan son hadisələr İran-ABŞ müharibəsinin artıq qaçılmaz olduğunu göstərir. Öncə ard-arda neft tankerlərinə hücumlar, ardınca İranın ABŞ-a aid pilotsuz uçan aparatı vurması bölgədə müharibə ehtimalını sürətlə artırır.
Qeyd edək ki, ABŞ dronunun vurulmasından sonra SEPAH generalı bunun bir mesaj olduğunu bəyan edib. “İranın böyük bir səhv etdiyini” deyən ABŞ prezidenti Donald Tramp isə jurnalistlərin "ABŞ-ın İrana hücum planı varmı?" sualına "Tezliklə görəcəksiniz" deyə cavab verib.
“New York Times” qəzeti isə, Trampın İrana məhdud şəkildə hücum əmri verdiyini, amma bilinməyən səbəblərdən bir neçə saat sonra bu qərarından imtina etdiyini yazıb.
ABŞ-a səslənən Rusiya müharibənin bir addımlığına gəlindiyinə dair xəbərdarlıq edib. Rusiya Xarici İşlər Nazirliyi, ABŞ-ı İranla mümkün müharibənin nəticələrini düşünməyə çağırıb. Rusiya prezidenti Vladimir Putin isə, ABŞ-İran qarşıdurmasının bölgə için "fəlakət" olacağını və bunun ABŞ-a da təsir edəcəyini deyib. "Belə bir müharibə zorakılığı ve Orta Şərqdə qaçqın axınını artıra bilər” - Putin deyib.
Bu arada, İran hökumət rəsmisi “Reuters”ə, ABŞ prezidenti Tramp Oman vasitəsilə İrana hücumun "qəflətən" olacağına bildirən bir mesaj göndərdiyini açıqlayıb: “Tramp Oman vasitəsilə İrana mesaj göndərdi. Mesajında İranı hücum edəcəyilə təhdid edir”
"Biz müharibə deyil, danışıqlar aparmaq istəyirik" deyən Tramp, İrana danışıqları başlamaq və mesajına cavab vermək üçün vaxt verib.
