Ukrayna səmasında Malayziya təyyarəsinin vurulmasında əli olan şübhəlilərin kimliyi açıqlandı – Qrupa FSB-nin keçmiş kəşfiyyat zabiti rəhbərlik edib - FOTO
2014-cü ildə Malayziya hava yollarına məxsus təyyarəni Ukrayna üzərində raketlə vurulmasında şübhəli dörd nəfərin adı açıqlanıb.
Baki-xeber.com xarici mediaya istinadən xəbər verir ki, Niderlandın başçılıq etdiyi beynəlxalq təhqiqat qrupu təyyarənin vurulmasına görə, üç rusiyalı və bir ukraynalını şübhəli qismində göstərib.
Təhqiqat qrupu, rusiyalı İqor Girkin, Sergey Dubinski və Oleq Pilatov və ukraynalı Leonid Karçenkonu təyyarənin vurulmasına görə şübhəli olduqlarını elan edib.
Strelkov kimi tanınan İqor Girkin FSB-nin keçmiş kəşfiyyat polkovnikidir. Təhqiqat qrupuna görə, raket atıldığı zaman bölgədə ən yüksək rütbəli Girkin olub.
Kmuri kimi tanınan Sergey Dubinski, Rusiya Silahlı Qüvvələri Baş Qərargahının Baş Kəşfiyyat İdarəsinin əməkdaşı və İqor Girkinin köməkçisi olub.
Digər keçmiş kəşfiyyatçı Oleq Pilatov Donetskdə kəşfiyyat qrupunun əməkdaşı olub.
Keçmişdə hər hansı bir hərbi bağlılığı olmayan ukraynalı Leonid Karçenkonu isə, Şərqi Ukraynadakı silahlı qruplardan birinin komandiridir.
Adıçəkilən dörd şühbəli barədə beynəlxalq axtarış elan edilib.
Niderlandın baş prokuroru Fred Vesterberke deyib ki, şübhəlilərin hərəkətləri MH17 təyyarəsinin vurulmasına gətirib çıxarıb: “Onlar düymələri özləri basmasa da, təyyarəni vurub salan raket qurğusunun ələ keçirilməsi üçün yaxından əməkdaşlıq etdiklərinə dair şübhələr var”.
Vesterbeke təhqiqatçıların Rusiya və Ukraynadan şübhəlilərin eksradisiyasını istəməyəcəyini deyərək, hər iki ölkənin bunu qadağan etdiyini qeyd edib. Onun sözlərinə görə, bunun əvəzinə Rusiyadan hazırda Rusiyada Federasiyasında olan şübhəlilərə order göndərilməsi istəniləcək. Lakin Rusiya əməkdaşlıq etməyə bilər, belə ki, Moskva təyyarənin vurulması ilə hər hansı əlaqəsi olduğunu inkar edib və dəfələrlə təhqiqatı qınayıb.
Niderlandın baş polis idarəsinin rəhbəri Vilbert Paulissen isə şübhəlilərin məhkəməsinin 2020-ci ildə mart ayında Haaqada keçiriləcəyini elan edib. Şübhəlilər qiyabi olaraq da mühakimə edilə bilərlər.
Amsterdamdan Kuala Lumpura uçan təyyarə 2014-cü il iyulun 17-də əvvəlki araşdırmalara görə Rusiyaya məxsus “Buk” raket qurğusu ilə vurulub. Təyyarədə olan 298 sərnişin və ekipaj üzvlərinin hamısı həlak olmuşdu.
Moskva isə ittihamları rədd edir və təyyarəni vuran raketin Ukraynaya məxsus olduğunu bildirir.
Niderland isə təyyarəni vuran raketin birbaşa Rusiya ordusu tərəfindən bölgəyə gətirildiyini bildirir. ABŞ isə Rusiyanı təyyarənin vurulmasında rolunu qəbul etməyə çağırıb.
Rusiya olayı araşdıran beynəlxalq təhqiqat qrupuna etibar etmədiyini deyir.
Hadisədən sonra Ukrayna hökuməti bir görüntü yayıb. Görüntülərdə Rusiya istehsalı “Buk” raketinin təyyarənin vurulduğu gün Rusiya-Ukrayna sərhədindən keçirildiyi yer alıb.
Beynəlxalq təhqiqat qrupu isə təyyarəni vuran “Buk” raket siksteminin Rusiya ordusunun 53-cü Raket Əleyhinə Müdafiə Briqadasına məxsus olduğuna əmin olduqlarını bildiriblər.
