22/07/2019 04:02
728 x 90

BMT Səudiyyə Ərəbistanına ağır cəza kəsdi – Konsulluğun olduğu küçə Kaşıkçının adını daşıyacaq

img

BMT-nin xüsusi məruzəçisi Aqnes Kallamard Səudiyyə Ərəbistanının İstanbul Baş konsulluğunda öldürülən jurnalist Camal Kaşıkçı cinayəti ilə bağlı hesabatını açıqlayıb.

Baki-xeber.com xəbər verir ki, hesabatda Kaşıkçının öldürülməsinə görə Səudiyyə Ərəbistanı dövlətinin məsuliyyət daşıdığı və şahzadə Məhəmməd bin Salmanın qətldə bir başa əli olduğu deyilir.

Hesabatda qeyd edilir ki, Səudiyyə Ərəbistanı diplomatik imtiyazlardan sui-istifadə etdiyi üçün Türkiyə hökumətindən üzr istəməlidir. ABŞ isə Kaşıkçı cinayətinin araşdırılması üçün FBİ çərçivəsində istintaqa başlamalıdır. BMT Baş katibi (Antonio Quterres) də Kaşıkçının öldürülməsi ilə əlaqədar cinayət işi başlatmalıdır.

Kallamardın hesabatında Səudiyyə Ərəbistanı şahzadəsinin də aralarında olduğu yüksək rütbəli şəxslərin istintaqa cəlb edilməsi üçün etibarlı sübutların mövcud olduğu vurğulanır.

Xüsusi məruzəçiyə görə, Kaşıkçının öldürülməsinə görə sanksiyalar şahzadə və onun xaricdəki şəxsi aktivlərini də əhatə etməlidir. Bundan başqa, Səudiyyə hökuməti qətlə görə məsuliyyəti üzərinə götürməlidir, eyni zamanda Kaşıkçı ailəsinə təzminat ödəməlidir.

Hesabatda Türkiyə ilə bağlı iki çağırış da yer alır. Birincisi, Türkiyə BMT Baş katibindən yekun istintaqın başladılması üçün rəsmi müraciət etməyə çağırılır. Ikincisi, Türkiyəyə Səudiyyə Ərəbistanının İstanbul Baş konsulluğu qarşısında söz azadlığını təcəssüm etdirən heykəl qoyması təklif edilir, buna alternativ kimi isə konsulluğun yerləşdiyi küçəyə Camal Kaşıkçının adının verilə biləcəyi qeyd edilir.

Son xəbərlər