17/06/2019 03:30
728 x 90

21 ərəb ölkəsi İrana qarşı ABŞ-ın yanında yer aldı – “ABŞ-ın İrana qarşı bütün addımlarını dəstəkləyirik”

img

ABŞ-la İran arasında gərginliyin artdığı bir vaxtda 21 ərəb ölkəsi lideri Səudiyyə Ərəbistanının Məkkə şəhərində bir araya gəlib. Hətta iki ildir Riyadın təcrid etdiyi Qətər də zirvəyə dəvət edilib.

Baki-xeber.com xəbər verir ki, gözlənildiyi kimi, 21 ərəb ölkəsinin toplantısının əsas gündəmi İran olub.

Səudiyyə Ərəbistanı kralı Salman Körfəz Əməkdaşlıq Şurası zirvəsinin açılışında İranın qarşısını almaq üçün beynəlxalq təzyiqi artırmağı tələb edib. Kral Salman beynəlxalq ictimaiyyəti Tehranın hərəkətlərinə qarşı bütün yollara əl atmağa çağırıb.

İraq prezidenti Berhem Saleh isə mövcud böhranın müharibəyə çevrilə biləcəyilə bağlı xəbərdarlıq edib.

Saleh İranla 1400 km paylaşdıqlarını deyib: “Bölgəni alov yerinə çevirəcək müharibənin əlamətlərini daşıyan, regional bir böhran yaşayırıq...", - Saleh deyib.

Zirvənin yekun bəyannaməsində də İran hədəf alınır. Bəyannamədə Fələstin məsələsindən çox İran və regiondakı gərginliyə yer verilib.

Bəyanatda İran istehsalı ballistik raketlərin Yəməndən Səudiyyə Ərəbistanına atılması, İranın Birləşmiş Ərəb Əmrliklərinin (BƏƏ) adalarını işğal etməsi (Böyük Tunb, Kiçik Tunb və Əbu Musa adaları), Suriya böhranına müdaxilə etməsi və ərazi bütövlüyünü təhdid etməsi, Bəhreynin daxili işlərinə qarışması və oradakı terror təşkilatlarını dəstəkləməsi qınanır.

Bundan başqa, zirvədə iştirak edən ölkələr ABŞ-ın İrana qarşı bütün addımlarını dəstəklədiyini bəyan edib.

Tehran isə sammitdəki ittihamlara dərhal reaksiya verib. Rəsmi bəyanatda, əsassız ittihamlarla, Səudiyyənin ABŞ və İsrailin İrana qarşı ümidsiz cəhdlərinə şərik olduğu deyilir.

Son xəbərlər