18/07/2019 05:25
728 x 90

Britaniyadan xəbərdarlıq... BƏƏ-dəki müəmmalı tanker təxribatı ABŞ-İran qarşıdurmasına yol aça bilər

img

Mayın 12-də Birləşmiş Ərəb Əmirliklərinin (BƏƏ) Fuceyra limanı rayonunda neft tankerlərinə hücumlar iddiası ilə bağlı müəmma davam edir.

Baki-xeber.com xəbər verir ki, BƏƏ dörd ticarət gəmisinə qarşı təxribat edildiyini iddia edir.

Dünyanın ən böyük yanacaq doldurma mərkəzlərindən biri olan, Fuceyrada hədəf alınan dörd gəmidən ikisinin onlara aid olduğunu açıqlayan Səudiyyə Ərəbistanı, bunun xam neft ticarətinə zərbə cəhdi olduğunu iddia edərək, İrana işarə edib. Vaşinqtonla gərginlik yaşayan Tehran isə iddia edilən olayla bağlılığını inkar edir.

Müstəqil tanker sahibləri və izləyiciləri birliyi INTERTANKO, bir silahın təsiri ilə ən azı iki gəminin yanlarında dəlik açıldığına dair fotolar gördüyünü iddia edib.

Hadisəni narahatedici və dəhşətli adlandıran İran Xarici İşlər Nazirliyi isə müstəqil və qərəzsiz araşdırma başladılmasını tələb edib. Xarici işlər nazirinin müavini Abbas Musəvinin sözlərinə görə, hadisə dəniz nəqliyyatının təhlükəsizliyinə mənfi təsir göstərir: "Region ölkələri xarici kəşfiyyatların təxribatına qarşı ayıq olmalıdırlar”.

Başqa bir iranlı millət vəkili də, hadisənin arxasında üçüncü ölkənin olduğunu söyləyib.

ABŞ Dənizçilik administrasiyası isə bununla bağlı təmkinli davranmağa çağırıb. Birləşmiş Ştatlar və Səudiyyənin müttəfiqlərindən Böyük Britaniyanın xarici işlər naziri Ceremi Hunt isə, təsadüfi qəza ilə qarşıdurma yarana biləcəyi, bunun Tehranla Vaşinqton arasında arzuolunmaz gərginliyi yol aça biləcəyilə bağlı xəbərdarlıq edib.

Qeyd edək ki, ABŞ prezidenti Donald Trampın İran neftini hədəf alan son sanksiya qərarından sonra ABŞ Dənizçilik administrasiyası, bölgədə tankerlər də daxil olmaqla, Amerika ticarət gəmilərinin İranın hədəfində ola biləcəyini bəyan edib. İran Trampın bu qərarına qarşı “biz neft sata bilməsək başqaları da sata bilməyəcək” deyərək meydan oxuyur. Trampın terror təşkilatları siyahısına saldığı SEPAH isə İranın Hörmüz boğazından istifadəsinə maneçilik törədilərsə boğazı tam bağlayacağı ilə hədələyib.

Son xəbərlər