23/07/2019 22:28
728 x 90

İstanbulda tutulan ərəb casusları ilə bağlı yeni faktlar ortaya çıxdı - Kaşıqçı cinayəti ilə bağlılıq şübhəsi...

img

Türkiyənin İstanbul şəhərində Birləşmiş Ərəb Əmirlikləri (BƏƏ) üçün casusluq etməkdə şübhəli bilinən iki kəşfiyyatçı saxlanılıb.

Baki-xeber.com xəbər verir ki, müxalif ərəbləri izləyən və Türkiyəyə qarşı casusluq edən BƏƏ kəşfiyyatına bağlı iki nəfərin jurnalist Camal Kaşıqçı cinayəti ilə əlaqələri araşdırılır.

Məhkəmə qarşısına çıxarılan və “hərbi, siyasi və beynəlxalq casusluq” ittihaları ilə barələrində həbs qərarı çıxarılan şəxslərlə bağlı yeni faktlar ortaya çıxıb.

Onlardan biri Semir Şaban adlı şəxsin 2008-ci ildə Qəzzada Həmas hökuməti tərəfindən Məhəmməd Dahlan üçün casusluq etdiklərinə görə həbs edilmiş dörd nəfərdən biri olduğu məlum olub. Semir Şaban adlı şəxsin, Qəzzadan həcc ziyarətinə getmək istəyən hacıların avtobuslarını partlatmaq istəyərkən tutulduğu bildirilir.

Əvvəllər bölgədəki bir çox ölkədə olan bu şəxslərin "Yaxın Şərqin muzdlu qatili" kimi tanınan Məhəmməd Dahlanın yaxın adamları olduqları bildirilir. Türkiyə mediası yazır ki, Dahlan, BƏƏ və Səudiyyə Ərəbistanı hakimiyyətinin kirli işərini həyata keçirir. Dahlan, bu iki ölkənin şahzadələrinin göstərişi ilə Fələstin, Yəmən və bir çox ölkələrdə onlarla adamı öldürüb.

Hazırda Türkiyə, saxlanan casusların Camal Kaşıqçı cinayəti ilə əlaqələrini araşdırır. “Reuters” Türkiyə rəsmilərinə istinadən xəbər veri ki, onlar Türkiyədəki Ərəb vətəndaşları haqqında casusluq etdiklərini etiraf ediblər. Məlumata görə saxlananlardan biri Camal Kaşıqçının qətlindən bir neçə gün sonra Türkiyəyə gəlib.

Qeyd edək ki, tanınmış müxalifətçi ərəb jurnalist, “Washington Post” qəzetinin müxbiri C.Kaşıqçı 2018-ci il oktyabrın 2-də Səudiyyə Ərəbistanının İstanbuldakı Baş Konsulluğunda öldürülüb və meyiti indiyədək tapılmayıb.

Son xəbərlər