İran 86-cı hücum dalğasında İsrail ordusu və iqtisadiyyatı üçün vacib olan Neot Hovav sənaye zonasına zərbə endirib. Tehrandan atılan raketlər hava hücumundan müdafiə sistemlərini aşaraq kimyəvi maddələrin saxlanma məntəqələrinə birbaşa zərbə endirib və nəticədə ərazidə böyük partlayışlar baş verib.
İsrail rəsmiləri vurulan fabrikdəki pestisid və kimyəvi maddələrin saxlanma məntəqələrinə ciddi ziyan dəydiyini və "təhlükəli maddə sızmasının" baş verdiyini təsdiqləyiblər. Beer-Şeva və ətraf yaşayış məntəqələrində sakinlərə "sığınacaqlara girib pəncərələri bağlamaq" təlimatı verilib.
İsrail Yanğından Mühafizə Xidmətinin Cənub Bölgəsi üzrə rəis müavini İtzik Levi hücumdan sonra vurulan anbarlarda yüksək miqdarda pestisid və zəhərli kimyəvi maddələrin olduğunu, xidmət əməkdaşlarının sızmanın qarşısını almaq üçün maskalarla müdaxilə etdiyini, lakin küləyin təhlükəni ətraf şəhərlərə yaraydığını bildirib. Zavod və ətrafdakı obyektlər dərhal təxliyə edilib.
Sızmanın potensial ölümcül təsirlərinə görə ordu və mülki müdafiə qrupları Beer-Şeva sakinlərinə sərt təlimatlar göndəriblər. Hakimiyyət orqanları kimyəvi buludun dağılması ehtimalına qarşı əhalini pəncərələri bağlamağı, ventilyasiyanı söndürməyi və əlavə xəbərdarlığa qədər çölə çıxmamağa çağırıb.
Əraziyə giriş və çıxış hərbi kordonla bağlanıb və insanların vurulmuz əraziyə yaxınlaşması tamamilə qadağan edilib.
Tahir TAĞIYEV
