Ukrayna Prezidenti Zelenski ABŞ-ın Ukraynanın Donbasdan çəkilməsini tələb etdiyini və bunun müqabilində təhlükəsizlik zəmanətləri təklif etdiyini deyib.
Lakin Zelenski “Reuters” müsahibəsində bu yanaşmanın həm səhv, həm də təhlükəli olduğunu bildirib.
Zelenski Donbasdan çəkilməyin təkcə müdafiə xətlərini zəiflətməyəcəyini, həm də siyasi cəhətdən riskli olacağını və belə bir ssenarinin Avropa təhlükəsizliyi və hətta Tramp administrasiyası üçün mənfi nəticələrə səbəb ola biləcəyini iddia edib.
Ukrayna lideri davamlı həll yolu üçün ABŞ-ın vasitəçiliyi ilə liderlər səviyyəsində görüşün keçirilməsinin vacibliyini vurğulayaraq, ərazi məsələsinin və təhlükəsizlik zəmanətlərinin prosesin mərkəzində olduğunu bildirib.
Tahir TAĞIYEV