Pakistanın tələbilə İsrail İranın xarici işlər naziri Abbas Arakçi və İran Parlamentinin sədri Məhəmməd Bağır Qalibafı sui-qəsd siyahısından çıxarıb. Britaniya xəbər agentliyi “Reuters”ə danışan Pakistan rəsmisi bildirib ki, iki yüksək vəzifəli məmur hücumlarda hədəfə almayacaq.
"İsraillilərin koordinatları var idi və onları məhv etmək istəyirdilər. ABŞ-a dedik ki, əgər onlar da məhv edilsə, danışacaq başqa heç kim qalmayacaq, ona görə də ABŞ israillilərdən geri çəkilmələrini istədi" - deyə rəsmi bildirib.
ABŞ rəsmilərinin sözlərinə görə, İran Parlamentinin sədri Məhəmməd Bağır Qalibaf və xarici işlər naziri Abbas Əraqçi Trampın müharibəyə son qoymağı hədəflədiyi yüksək səviyyəli danışıqlarla əlaqədar dörd-beş günlüyünə hədəf siyahısından çıxarılıblar.
Bu arada, “Reuters”ə danışan yüksək vəzifəli İran rəsmisi Pakistan tərəfindən ABŞ təklifinin onlara çatdırıldığını və Türkiyənin də müharibənin bitməsinə kömək etdiyini bildiriib. Onun sözlərinə görə, ABŞ-la görüşün Türkiyə və ya Pakistanda keçirilməsi nəzərdən keçirilir.
İranın qonşusu Pakistan bu həftə yüksək vəzifəli ABŞ rəsmilərinin iştirak edəcəyi danışıqlara ev sahibliyi etməyi təklif etmişdi. Həmçinin Türkiyənin İran və ABŞ arasında "mesaj ötürmə rolunu" oynadığı bildirilib.
Tahir TAĞIYEV
