İran ABŞ Xark adasına hücumu edəcəyi halda Qırmızı dənizin hədəf halına gələcəyini bəyan edib. İrandakı yarı-rəsmi Tasnim Xəbər Agentliyinə danışan İran hərbi rəsmisi Xark adasına hücum olacağı halda ABŞ-ın görünməmiş bir cavabla qarşılaşacağı barədə xəbərdarlıq edib.
O, bildirib ki, ABŞ-ın adaya mümkünahücumu Qırmızı dənizdə və Bab əl-Məndəb boğazında qeyri-sabitlik müqavimət cəbhəsi üçün bir seçim olacaq və vəziyyət ABŞ üçün daha ciddi nəticələrə səbəb olacaq.
Rəsmi bildirib ki, ABŞ-ın İrana qarşı neft sanksiyalarını ləğv etməklə qlobal neft qiymətlərini aşağı salmaq cəhdi ilə İranın Xarq adasına hücum etmək istəyi ziddiyyət yaradır. O xəbərdarlıq edib ki, əgər ABŞ adaya hücum edərsə, İran regiondakı bütün neft obyektlərini hədəf alacaq: "ABŞ adaya hücum edərsə, İran regiondakı bütün neft obyektlərinə zərər verəcək, bu vəziyyət isə məsələni ABŞ üçün daha da mürəkkəbləşdirər, onlara İkinci Dünya Müharibəsindən bəri görünməmiş ziyan vurar".
Xark adası İranın neft ixracatının təxminən 90 faizinin həyata keçirildiyi əsas terminal hesab edilir. Təxminən 21 kvadrat kilometr ərazisi olan ada Buşehr əyalətinin sahillərində yerləşir. İrandan təxminən 30 kilometr, Buşehr limanından isə təxminən 55 kilometr məsafədə yerləşir. Neft terminallarına ev sahibliyi etsə də, Xarq adası həm də bir yaşayış məntəqəsidir və burada təxminən 8200 nəfər əhali yaşayır.
Ərazisinin kiçik olmasına baxmayaraq, İranın enerji infrastrukturunun mərkəzində yer alan adanın bir hissəsi neft terminallarından, boru kəmərlərindən və nəhəng saxlama çənlərindən ibarətdir.
Neft hasilatı birbaşa Xark adasında aparılmır. İranın ərazi sularında və dənizdə yerləşən Əbu Zərr, Füruzan və Durud neft yataqlarından, eləcə də bəzi quru neft yataqlarından çıxarılan xam neft sualtı boru kəmərləri vasitəsilə adadakı böyük saxlama və yükləmə limanlarınavnəql olunur.
Daha sonra neft saxlama çənlərində saxlanılır və ya nəhəng tankerlər vasitəsilə əsasən Asiya bazarlarına göndərilir.
Tahir TAĞIYEV
