Yaxın Şərqdə müharibə qızışır. ABŞ rəsmiləri Hörmüz boğazı yaxınlığındakı İran hədəflərinə 2 tonluq bunker partladıcı bombalarla zərbə endirdiklərini açıqlayıblar.
ABŞ Mərkəzi Komandanlığı (CENTCOM) tərəfindən elan edilən bu böyük zərbə, İranın Fars körfəzində gəmiçilik trafikini dayandırdığı bir vaxta təsadüf edir.
CENTCOM Hörmüz boğazı yaxınlığındakı İranın yeraltı raket bazalarına təxminən 2274 kiloqram ağırlığında bunker partladıcı bomba atıldığını açıqlayıb. Burada İranın raket bazaları hədəfə alınıb. CENTCOM-dan bildirilib ki, İranın bu bazalardakı gəmi əleyhinə kruiz raketləri boğazda beynəlxalq gəmiçilik trafikinə təhlükə yaradır.
“CNN International”a danışan bir ABŞ rəsmisi İrana atılan bombaların ilk dəfə 2021-ci ildə ABŞ təyyarələri tərəfindən istifadə edilən GBU-72 Advanced 5K Penetrator olduğunu bildirib.
Tahir TAĞIYEV
