İranın müsəlmanlara və İslam ölkələri hökumətlərinə müraciət edib. İranın Ali Milli Təhlükəsizlik Şurasının katibi Əli Laricaninin yaydığı altı maddəlik məktubda heç bir İslam dövlətinin İran xalqına kömək etmədiyi bildirilir: "Bir neçə siyasi açıqlamadan başqa heç bir İslam dövləti İran xalqına kömək etmədi. Bir anlıq dayanın və özünüz və regionun gələcəyi barədə düşünün. Siz hansı tərəfdəsiniz?"
Laricani məktubunda ABŞ və İsrailin İrana qarşı hücumlarını tənqid edib və İslam ölkələri arasında birlik və həmrəyliyə çağırıb. "Danışıqlar davam edərkən İran ABŞ və İsrail rejimi tərəfindən həyata keçirilən aldadıcı hücumla üzləşib. Bu hücumun məqsədi İranı parçalamaq idi. İslam İnqilabının böyük və fədakar lideri, bəzi mülki şəxslər və hərbi komandirlərlə birlikdə şəhid olub. Lakin bu hücum İran xalqının milli və İslam müqaviməti ilə qarşılanıb" – deyə Laricani bildirib.
Laricani əksər İslam ölkələrinin İranı dəstəkləmədiyini deyib: "Bildiyiniz kimi, bəzi nadir siyasi açıqlamalardan başqa heç bir İslam dövləti İran xalqına kömək etmədi. Lakin İran xalqı güclü iradəsi ilə pis niyyətli düşməni geri itələdi və bu gün düşmən bu strateji çıxılmaz vəziyyətdən necə çıxacağını bilmir"
İslam ölkələrinin mövqeyini tənqid edən Laricani dedi: "İslam dövlətlərinin davranışı Məhəmməd Peyğəmbərin "Kiminsə birinin "Ey müsəlmanlar" deyərək kömək çağırışını eşidib ona cavab verməzsə müsəlman deyil" kəlamı ilə ziddiyyət təşkil etmirmi? Bu necə müsəlmançılıqdır?"
Laricani bəzi ölkələrin İrana qarşı tənqidlərinə də toxunaraq deyib: "Bəzi ölkələr daha da irəli gedərək, İranın onların torpaqlarındakı ABŞ bazalarını, ABŞ və İsrailin maraqlarını hədəf aldığı üçün İranın onların düşməni olduğunu dedilər. İran sizin ölkələrinizdəki ABŞ bazalarından İrana hücumlar edilərkən sakit dayanmalıdırmı? Bu, sadəcə bir bəhanədir. Bugünkü mübarizədə bir tərəfdə ABŞ və İsrail, digər tərəfdə isə müsəlman İranı və müqavimət qüvvələri var. Siz hansı tərəfdə yer alırsınız?"
İslam dünyasında birliyə çağıran Laricani, onları İslam dünyasının gələcəyini düşünməyə səsləyib: “Bilirsiniz ki, ABŞ sizə sadiq qalmayacaq və İsrail sizin düşməninizdir. Bir anlıq dayanın və həm özünüz, həm də regionun gələcəyi barədə düşünün. İran sizin üçün ən yaxşısını istəyir və sizə hakim olmaq niyyətində deyil. İslam ümmətinin güclü birliyi isə bütün ölkələr üçün təhlükəsizliyi, tərəqqini və müstəqilliyi təmin edib zəmanət verə bilər".
Tahir TAĞIYEV
